(ဃ)-စက်ပစ္စည်းများတင်သွင်းခွင့်နှင့် စပ်လျဉ်းသည့်မေးခွန်း

နိုင်ငံခြားစက်ပစ္စည်းများတင်သွင်းရာမှာ လက်ရှိစီးပွားရေးနှင့်ကူးသန်းရောင်း ဝယ်ရေးဝန်ကြီးဌာနက အသစ်စက်စက် (Brand New)ကိုသာ တင်သွင်းရမည်ဟုမူဝါဒချမှတ်ထား ပါတယ်။ Usedသုံးလက်စ စက်အဟောင်းများကို လုံးဝတင်သွင်းခွင့်မပြုပါဘူး။ ပြန်လည်ပြုပြင်ထားတဲ့ Reconditioned စက်များကို လုပ်ငန်းရှင်မှတ်ပုံတင်ရှိထားသူများကိုသာ ကန့်သတ်ကာ ထောက်ခံစာ များ၊ တင်ပြဝန်ခံချက်များ လက်မှတ်ရေးထိုးပြီး တင်သွင်းခွင့်လျှောက်ထားနိုင်ကြပါတယ်။ လုပ်ငန်းသစ် လုပ်ကိုင်မယ့်သူများအတွက် ခွင့်ပြုချက်မရှိပါဘူး။ အသစ်စက်စက် စက်တစ်လုံးရဲ့ဈေးနှုန်းဟာ ဒေါ်လာသိန်းသန်းချီတန်ပြီးတော့ Used သုံးလက်စအဟောင်း စက်တစ်လုံးရဲ့တန်ဖိုးမှာ ဒေါ်လာ ထောင်သောင်းဂဏန်းသာရှိသဖြင့်လုပ်ငန်း စတင်တည်ထောင်လိုသူများအတွက် သုံးလက်စ Used စက်အဟောင်းများဖြင့် လုပ်ငန်းစမည်ဆိုပါက သစ်မရခင်စပ်ကြား ဝါးပေါင်းကွပ်ဆိုသလို အဆင်ပြေ ကြပါတယ်။ ဖွံ့ဖြိုးပြီးစက်မှုနိုင်ငံကြီးများမှာပင် စက်အဟောင်းများကို အချင်းချင်းလှည့်လည်သုံးစွဲကြ တာကို တွေ့ရပါတယ်။ ဥပမာအဖြစ် လုပ်ငန်းအမျိုးအစားများကို တင်ပြဖို့အတွက် ကျွန်တော် Press Offsetအုပ်စုတွေ တင်ပြလိုပါတယ်။

ကျွန်တော်တို့ လွှတ်တော်မှာပင် လွှတ်တော်ပုံနှိပ်တိုက်၊ ဒီလွှတ်တော် Press ဆိုတာ မလွဲမသွေထားရှိရမှာလို့ ထင်ပါတယ်။ Press နဲ့ပတ်သက်ပြီးတော့( Prepress၊  press၊ Post press) ဆိုပြီးတော့ လုပ်ငန်းရောစက်အမျိုးအစားများပါ ကွဲပြားမှုရှိပါတယ်။ Prepress အပိုင်းမှာတော့ ကင်မရာ။ (Image Sector, Plate Sector, Plate )ခွဲစက်တွေဖြစ်ပြီးတော့ Press အပိုင်းမှာ ရိုးရိုး Press၊ Offset Press ၊ Wax Offset Press) စတာတွေ ရှိပါတယ်။ ဒီ Wax Offset Press ဆိုတာ   အခု မြန်မာ့အလင်း၊ ကြေးမုံရိုက်နေတဲ့ အလိပ်လိုက်ထွက်တဲ့စက်တွေ ဖြစ်ပါတယ်။ အဲဒီမှာ                  (One Colour, Two Colour, Four Colour)ဆိုပြီးတော့ အရောင်တွေနဲ့ခွဲတဲ့ ရိုက်စက်တွေ ဖြစ်ပါတယ်။ ဒီ Post Press အပိုင်းမှာဆိုရင် ချုပ်တာတွေ၊ ဖြတ်တာတွေ၊ ခေါက်တာတွေဆိုတဲ့ (Binding, Cutting, Folding Machine)တွေဖြစ်တဲ့ ဒီ (Binder, Cutter, Folder) စက်တွေဖြစ်ပါတယ်။  မြန်မာပြည်မှာ အများဆုံးသုံးကြတဲ့ ဂျပန်၊ ဂျာမဏီ Offset Press များဖြစ်တဲ့ ပုံနှိပ်စက်တန်ဖိုးတွေကို အနည်းငယ်တင်ပြခွင့်ပြုပါ။ (Four Colour) လေးရောင်ထွက်တဲ့ (Brand New) စက်အသစ်ဟာ One Million US ဒေါ်လာ၊ ဒေါ်လာတစ်သန်းနဲ့ နှစ်သန်းကြားမှာ ဈေးနှုန်းရှိ ပါတယ်။ တကယ်လို့ Used Good Second Hand ဖြစ်မယ်ဆိုရင်သူက ဒေါ်လာ ၁၀၀၀၀၀ အောက်ဖြစ်တဲ့အတွက် သောင်းဂဏန်းသာရှိပါတယ်။ အဲဒီတော့ ဒေါ်လာ တစ်သန်းနဲ့ နှစ်သန်းကြားနဲ့ တစ်သိန်း တော်တော်ကွာတဲ့သဘောရှိပါတယ်။ နောက် Two Colour မှာဆိုရင် Brand New ဟာ ငါးသိန်းဝန်းကျင်ရှိပါတယ်။ အဲ့ဒါကို Good Second Hand၊  Brand New မဟုတ်ဘဲနဲ့ Good Second Hand ဖြစ်ခဲ့မယ်၊ Used ဖြစ်ခဲ့မယ်ဆိုရင် ဒေါ်လာသုံးသောင်းနဲ့ လေးသောင်းကြားမှာ ရှိပါတယ်။ One Colour ရိုးရိုးစက်တွေအနေနဲ့တော့ Brand New ဟာဒေါ်လာတစ်သိန်း ဝန်းကျင်ရှိပါတယ်။ Used Good Second Hand ဆိုရင်တော့ ဒေါ်လာတစ်သောင်းအောက် ရှိတဲ့အတွက် ဒေါ်လာငါးထောင်နဲ့ ရှစ်ထောင်ကြားမှာ ရှိပါတယ်။ မြဝတီပုံနှိပ်တိုက်မှာ သုံးနေတဲ့ Four Colour Offset ဆိုရင် ဒေါ်လာ တစ်သန်းလောက်တန်ပါတယ်။ အဲဒါက အိန္ဒိယက သွင်းတဲ့စက် ဖြစ်ပါတယ်။ သတင်းစာတိုက်တွေမှာ အခုသုံးနေတဲ့ Wax Offset  တစ်နာရီမှာ ရိုက်ချက် သုံးသောင်း ကနေခုနစ်သောင်း ထွက်တဲ့ဟာတွေဆိုလို့ရှိရင်  မြန်မာနိုင်ငံမှာ ကိုးလုံးပဲရှိတယ်လို့ လေ့လာသိရှိ ရပါတယ်။ ဒါဟာဆိုရင် US ဒေါ်လာ တစ်သန်းလောက် တန်ပါတယ်။ ဒါအိန္ဒိယထွက်ဖြစ်ပါတယ်။ တကယ်တော့ ဂျပန်နဲ့ ဂျာမဏီ Made က မြန်မာနိုင်ငံမှာ အများဆုံးသုံးကြတာဖြစ်ပါတယ်။ တကယ်လို့ ဂျပန်နဲ့ဂျာမဏီ Made သာ အသစ်သုံးမယ်ဆိုရင်တော့ ဒေါ်လာဆယ်သန်းဝန်းကျင် ရှိပါတယ်။ အခုသုံးနေတဲ့ စက်တွေထက်၊ နောက် Used သို့မဟုတ်  Second Hand သုံးလက်စ စက်တွေကို ဝယ်ယူသုံးမယ်ဆိုရင် လုပ်ငန်းရှင်များ အနေနဲ့ ဆယ်နှစ်မှ အနှစ်နှစ်ဆယ် အတွင်း သုံးစွဲရရင်တောင်မှ တော်တော်တွက်ချေကိုက်နေပြီလို့ ပြောလို့ရပါတယ်။ ဒါပေမယ့် ဒီ Press တစ်လုံးဝယ်ထားပြီဆိုရင် ကျွန်တော်တို့နိုင်ငံမှာ သားစဉ်မြေးဆက်သုံးနေကြရပါတယ်။     ဘာလဲဆိုရင် ကျွန်တော်တို့ တရိုတသေနဲ့တီထွင်ကြံဆပြီးတော့မှ ကောင်းအောင်လုပ်ပြီးတော့ သုံးနေကြတာကို မျက်မြင်တွေ့ရှိနေရပါတယ်။ နောက်ဆုံးလေ့လာတွေ့ရှိချက်အနေနဲ့ ပြောရမယ်ဆိုရင်တော့ ကျွန်တော်တို့နိုင်ငံမှာ စက်ကိုတင်သွင်းတဲ့အခါမှာ အသစ်ပေါ်တာ တင်သွင်းရန် ငွေမပြည့်စုံသဖြင့် ငွေကြေးမပြည့်စုံတဲ့အတွက် ရင်းနှီးမတည်ငွေနဲ့ ပြန်လည်ရရှိလာမယ့်ဝင်ငွေ Return မကိုက်သဖြင့် စက်အသစ် (Brand New)များကို လက်တွေ့တင်သွင်းခြင်းမှာ ခန့်မှန်း ၅ ရာခိုင်နှုန်း ခန့်ရှိပြီး Used သုံးလက်စစက်အဟောင်းတွေကို  အများဆုံး ၉၅ ရာခိုင်နှုန်းခန့်ထိ တင်သွင်းနေကြပါတယ်။ ဒါ ကျွန်တော်ပထမလေ့လာတွေ့ရှိချက်ပါ။ အခုနောက်ဆုံးလေ့လာတွေ့ရှိချက်အနေနဲ့တော့  ကျွန်တော်တို့ နိုင်ငံမှာတင်သွင်းတဲ့စက်တွေဟာ ၉၉ ရာခိုင်နှုန်းဟာ အသစ်မဟုတ်ကြပါဘူး။ အော့ဖ်ဆက် အသစ်ကြီးများ စက်သစ်ကြီးများဖြင့် ရိုက်ပေးနေပါပြီလို့ကြော်ငြာကြတာ  တကယ်တော့ သူတို့တွေ စက်အသစ်ကြီးနဲ့ ဝယ်ပြီးသုံးကြမယ်ဆိုရင် ကျွန်တော်တို့နိုင်ငံမှာ အဲလောက်ကြီးမတင်သွင်း နိုင်ကြပါဘူး။ ဒီ Brand New သွင်းပြီးတော့ သုံးနေတဲ့လုပ်ငန်းရှင်ဟာ မရှိသလောက်ဖြစ်ပါတယ်။  US ဒေါ်လာတစ်သန်းလောက်နဲ့ တင်သွင်းပြီးတော့မှ ပုံနှိပ်ရေးလုပ်ငန်း လုပ်မယ်ဆိုရင်လည်း ကျွန်တော်တို့ နိုင်ငံအနေနဲ့ မဖြစ်နိုင်သေးဘူးလို့ထင်ပါတယ်။ အဲတော့ ဒီ Brand New အသစ်သာသွင်းရမယ်ဆိုတဲ့ မူဝါဒကန့်သတ်ချက်ကြောင့် ဆိပ်ကမ်းတွေမှာ သုံးလက်စ စက်အဟောင်းများကို ညှိနှိုင်းထုတ်ယူနေကြ ရပါတယ်။

ညှိနှိုင်းထုတ်ယူမှုဆိုတာ ခြစားမှုကို ဖြစ်စေတယ်။ လုပ်ငန်းရှင်များကိုလည်း အပိုဝင်ငွေကုန်ကျစေတဲ့အပြင် နိုင်ငံတော်ကိုဝင်မယ့် အခွန်အခ ဆုံးရှုံးခြင်းကို ဖြစ်စေပါတယ်။ ဒါကြောင့်မို့လို့ ဥက္ကဋ္ဌကြီးခင်ဗျား။ ကျွန်တော်ရဲ့မေးခွန်းဟာ လက်ရှိကုန်သွယ်ရေးမူဝါအရ အသစ်သာ တင်သွင်းရမည်ဟုကန့်သတ်ထားခြင်းမှာ မြန်မာနိုင်ငံလို ဖွံ့ဖြိုးဆဲနိုင်ငံမျိုးအတွက် မဆီလျော်ရုံမက လုပ်ငန်းရှင်များရဲ့အမှန်တကယ်လိုအပ်ချက်နဲ့လည်း ကိုက်ညီခြင်းမရှိပါဘူး။ စက်မှုလုပ်ငန်းများဖွံ့ဖြိုး တိုးတက်ရေးကိုအဟန့်အတားပြုရာကြနေသည်ဟု စက်မှုလုပ်ငန်းရှင်များက ထင်မြင်ယူဆကြပါသဖြင့် စက်အသစ် Brand New များသာမက ပြန်လည်ပြုပြင်ထားသော Reconditioned စက်များအပါ အဝင် သုံးလက်စ Used Good Second Hand စက်အသစ်များ၊ စက်အဟောင်းများကိုပါ တင်သွင်းခွင့်ပြုနိုင်ရန် ကုန်သွယ်ရေးမူဝါဒကို ပြင်ဆင်ပေးရန် အစီအစဉ် ရှိ၊ မရှိ သိလိုပါကြောင်း မေးမြန်းပါသည်။