(ခ)-မော်တော်ယာဉ်နှင့် လုပ်ငန်းသုံးယာဉ်များ တင်သွင်းခွင့်နှင့် စပ်လျဉ်းသည့်မေးခွန်း

ဆက်လက်ပြီးတော့ မန္တလေးတိုင်းဒေသကြီး၊ မြင်းခြံမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဝင်းမြင့်ရဲ့ မေးခွန်းကို ဖြေကြားသွားမှာ ဖြစ်ပါတယ်။ လေးစားအပ်ပါသော ပြည်သူ့ လွှတ်တော်ဥက္ကဋ္ဌကြီးနဲ့ တက်ရောက်လာကြသော ပြည်သူ့လွှတ်တော် ကိုယ်စားလှယ်များ၊ ဧည့်သည် တော်များခင်ဗျား။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနဟာ မော်တော်ယာဉ်များ၊ လုပ်ငန်း သုံးယာဉ်များနှင့် ယန္တရားယာဉ်များလိုင်စင်လျှောက်ထားမှုနဲ့ ပတ်သက်ပြီး သွင်းကုန်လုပ်ငန်းရှင် များက လွတ်လပ်စွာ တင်သွင်းလျှောက်ထားဖို့အတွက် (က) ထရပ်ကားများအတွက် လွန်ခဲ့သော ခုနစ်နှစ် အတွင်း ထုတ်လုပ်သောယာဉ်၊ ဘယ်မောင်းယာဉ်အဖြစ်သာ တင်သွင်းခွင့်ပြုရန် (ခ) ယန္တရား ယာဉ်များ အတွက်လွန်ခဲ့သော ခုနစ်နှစ်အတွင်း ထုတ်လုပ်သော ယာဉ်အဖြစ်သာတင်သွင်းခွင့် ပြုရန် (ဂ)မီနီဘတ်စ်နဲ့ ဘတ်စ်ကားကြီးများကို အသစ်ဘယ်မောင်းယာဉ်များအဖြစ်သာ တင်သွင်းခွင့် ပြုရန် ဆိုတဲ့ မူချမှတ်ဆောင်ရွက်ထားရှိပါတယ်။ လက်ရှိအခြေအနေမှာ နိုင်ငံတော်အစိုးရဟာ ပြည်သူများရဲ့ အကျိုးငှာခေတ်စနစ်နဲ့အညီ လုပ်ထုံးလုပ်နည်းများကို ပြင်ဆင်ဆောင်ရွက်လျက်ရှိပါတယ်။ ပြင်ဆင် ဆောင်ရွက်လျက်ရှိတဲ့ နေရာမှာလည်းပဲ အိုမင်းဟောင်းနွမ်းနေတဲ့ ပုဂ္ဂလိကပိုင် မော်တော်ယာဉ်များ အစားအစားထိုးလဲလှယ်နိုင်ရေး စီစဉ်ဆောင်ရွက်လျက် ရှိပါတယ်။ ၂၀၁၁ စက်တင်ဘာ ၁၁ ရက်နေ့ သတင်းစာများမှာလည်း အသေးစိတ်ဖော်ပြထားပြီး ဖြစ်ပါတယ်။ ထိုကဲ့သို့ လဲလှယ်ရန်အတွက် သက်ဆိုင်ရာ ပြည်ထောင်စုအစိုးရဝန်ကြီးများ ပူးပေါင်းပြီး ဆောင်ရွက်လျက် ရှိပါတယ်။ သတင်းစာပါ အချက်အလက်များနဲ့ အဓိကကျတဲ့ အချက်အချို့ကို တင်ပြရမယ်ဆိုရင် ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ မှတ်ပုံတင်ထားတဲ့ မော်တော်ယာဉ်များအနက် မှတ်ပုံတင် သက်တမ်း နှစ် ၄၀ ကျော် ယာဉ်များ၊ နှစ် ၃၀ ကျော်မှ ၄၀ ကြားယာဉ်များ၊ အနှစ် ၂၀ ကျော်မှ အနှစ် ၃၀ ကြားယာဉ်များကို သတ်မှတ်ထားပါတယ်။ အထက်ပါမော်တော်ကားများကို မှတ်ပုံတင်သက်တမ်း အနှစ် ၄၀ ကျော် ယာဉ်များမှစပြီး တစ်ဆင့်ပြီးတစ်ဆင့် အစားထိုးလဲလှယ်နိုင်ရေး ဆောင်ရွက်ပေးမှာ ဖြစ်ပါတယ်။ ကားဟောင်းများ အပ်နှံရေးကိစ္စမှတ်ပုံတင်ပြီးစီးပါက အပ်နှံမှုအမှတ်အသား တစ်စောင် ထုတ်ပေးမှာ ဖြစ်ပြီးတော့ ယာဉ်ဟောင်းအားဆက်လက်အသုံးပြုနိုင်က ထုတ်လုပ်တဲ့ မူလနိုင်ငံက ရောင်းဈေး ဒေါ်လာ ၃၅၀၀ ထက်မပိုသော ယာဉ်တစ်စီးအား ဝယ်ယူခွင့်ပါမစ်ထုတ်ပေးမှာ ဖြစ်ပါတယ်။ အဆိုပါ ဝယ်ယူခွင့်ပါမစ်ဖြင့် ၁၉၉၅ ခုနှစ် အထက်ရှိတဲ့ယာဉ်များကို နိုင်ငံခြားမှ မှာယူတင်သွင်းရန်ဖြစ်ပါတယ်။ ၎င်းကိစ္စနဲ့ ပတ်သက်ပြီးတော့လည်း စီးပွားကူးသန်းဝန်ကြီးဌာနဟာ One Stop Service နေ့ချင်းပြီး ဆောင်ရွက်ပေးလျက်ရှိပြီးတော့ အများပြည်သူများ အဆင်ပြေရေး အတွက်လိုအပ်လျှင် ရုံးပိတ်ရက် မှာပါ ဆောင်ရွက်ပေးလျက်ရှိကြောင်း တင်ပြလိုပါတယ်။

ဒါ့အပြင် ဂျပန်နိုင်ငံ၊ တရုတ်ပြည်သူ့သမ္မတနိုင်ငံ၊ အိန္ဒိယနိုင်ငံ၊ ကိုရီးယားနိုင်ငံ၊ မလေးရှားနိုင်ငံ နဲ့ ထိုင်းနိုင်ငံစတဲ့နိုင်ငံတွေက ကားထုတ်လုပ်တဲ့ ကုမ္ပဏီများနဲ့ဆက်သွယ်ပြီး မြန်မာနိုင်ငံမှာ ယာဉ် အရောင်းပြခန်း Show Room များဖွင့်လှစ်ဆောင်ရွက်နိုင်ရေး ခွင့်ပြုပေးသွားမှာလည်း ဖြစ်ပါတယ်။ အပ်နှံတဲ့ယာဉ်ဟောင်း အမျိုးအစားအလိုက် လူစီးယာဉ်၊ လိုက်ထရပ်၊ ထရပ်နဲ့ဘတ်စ် အမျိုးအစား များကို လျှောက်ထားခွင့်ပြုမှာ ဖြစ်ပါတယ်။ ဆက်လက်ပြီးတော့လည်း နိုင်ငံခြားပို့ကုန် လုပ်ငန်း၊ ဟိုတယ်ခရီးသွားလာမှုလုပ်ငန်း၊ ရင်းနှီးမြှုပ်နှံမှုလုပ်ငန်း လုပ်ကိုင်သူများ၊ နိုင်ငံခြားမှာ တရားဝင် သွားရောက်အလုပ် လုပ်ကိုင်သူများနဲ့ သင်္ဘောသားများဟာလည်းပဲ နိုင်ငံတော်ဘဏ်များမှာ တရားဝင် နိုင်ငံခြားငွေစုဆောင်းထားရှိပါက မော်တော်ယာဉ်ဝယ်ယူခွင့် ပါမစ်အား စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနက ခွင့်ပြုပေးသွားရန် အစီအစဉ်ရှိပါကြောင်း တင်ပြအပ်ပါတယ်။            ဒါ့အတွက်ကြောင်‌့ မော်တော်ယာဉ်များ ဈေးကြီးပေးဝယ်နေရခြင်းများ မော်တော်ယာဉ် ရှားပါးမှုကြောင့် လမ်းပန်းဆက်သွယ်ရေးမှာ စရိတ်စကကြီးမြင့်လာရခြင်းများ ခေတ်စနစ်နဲ့အညီ လုပ်ထုံးလုပ်နည်းများ ကိုပြန်လည်ပြင်ဆင်ပြီး နိုင်ငံတော်အစိုးရအနေဖြင့် ဆောင်ရွက်ပေးလျက်ရှိပါကြောင်း ရှင်းလင်းဖြေ ကြားပါသည်။