ကနီမြို့နယ်၊ ကင်းကျေးရွာကျေးလက်ကျန်းမာရေးဌာနမှာ ကျေးလက်ကျန်းမာရေးဌာနခွဲ ၄ ခု ရှိပါတယ်။ ကနီမြို့နယ် ပြည်သူ့ဆေးရုံနဲ့လည်း ၃၄ မိုင်ကွာဝေးပြီး တော့ လမ်းပန်းဆက်သွယ်ရေးခက်ခဲတဲ့ ကျေးရွာအုပ်စုများဖြစ်ပါတယ်။ ကင်းတိုက်နယ်မှာ ကျေးရွာ အုပ်စု ၆ အုပ်စုပါဝင်ပြီးတော့ ကျေးရွာပေါင်း ၂၆ ရွာရှိပြီးတော့ တိုက်နယ်ဆေးရုံဖွင့်လှစ်ခွင့်ရရှိပါက မင်းကင်းမြို့နယ်မှ ကျေးရွာအုပ်စု ၃ အုပ်စု၊ ကျေးရွာ ၆ ရွာအပါအဝင် စုစုပေါင်း လူဦးရေ၂၇၃၂၆ ဦး ကို ကျန်းမာရေးစောင့်ရှောက်မှုပေးနိုင်မှာဖြစ်ပါတယ်။ ကင်းကျေးလက်ကျန်းမာရေးဌာနကို တိုက်နယ် အဆင့်ဆေးရုံအဖြစ် တိုးမြှင့်ဖွင့်လှစ်ရာတွင် လိုအပ်သော အဓိကအဆောက်အဦအပါအဝင် အခြား အချက်အလက်များ ပြည့်စုံအောင် ဆောင်ရွက်ထားပြီးဖြစ်ပါတယ်။ သို့ဖြစ်ပါ၍ ကနီမြို့နယ် ကင်းကျေးလက်ကျန်းမာရေးဌာနအား တိုက်နယ်ဆေးရုံအဖြစ် တိုးမြှင့်ဖွင့်လှစ်ပေးနိုင်ခြင်း ရှိ၊ မရှိ လွှတ်တော်ဥက္ကဋ္ဌကြီးမှတစ်ဆင့် မြို့နယ်ပြည်သူများကိုယ်စား မေးမြန်းအပ်ပါတယ်ခင်ဗျား။ ကျေးဇူး တင်ပါတယ်။
စစ်ကိုင်းတိုင်းဒေသကြီး၊ ကနီမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးကျန်ထွန်းမှ မေးမြန်းထား တဲ့ ကနီမြို့နယ် ကင်းကျေးရွာကျေးလက်ကျန်းမာရေးဌာနအား တိုက်နယ်ဆေးရုံအဖြစ် အဆင့်တိုးမြှင့် ဖွင့်လှစ်ခွင့်ပေးနိုင်ခြင်း ရှိ၊ မရှိမေးခွန်းနှင့်စပ်လျဉ်းပြီးတော့ ကျွန်တော်တို့ ကင်းကျေးလက်ကျန်းမာရေး ဌာနကို တိုက်နယ်ဆေးရုံအဖြစ် တိုးမြှင့်ဖွင့်လှစ်ခွင့်ရရှိရန်အတွက် ၂၀၁၃-၁၄ ဘဏ္ဍာရေးနှစ်အတွင်းမှာ လျာထားပြီးဖြစ်ပါကြောင်းနှင့် စီစဉ်ဆောင်ရွက်သွားမည်ဖြစ်ပါကြောင်း ပြန်လည်ြဖေကြားတင်ပြ အပ်ပါတယ်။ ကျေးဇူးတင်ပါတယ်။