(ဃ)-နိုင်ငံခြားရင်းနှီးမြှုပ်နှံမှုများတိုးတက်ရရှိအောင် အခြေခံအဆောက်အအုံများ တည်ဆောက်ရေး အ တွက်လိုအပ်လျက်ရှိသောအသုံးစရိတ်များကိုလက် ရှိသုံးစွဲမှုထက်ပိုမိုသုံးစွဲရန် မည်သို့ဆောင်ရွက်ထား သည်ကို သိလိုခြင်း နှင့်စပ်လျဉ်းသည့် မေးခွန်း

နိုင်ငံခြားတိုက်ရိုက်ရင်းနှီးမြှုပ်နှံမှု(FDI)များကို  တိုးတက်ဝင်ရောက်လာစေရန်အတွက် လျှပ်စစ် ဓာတ်အား၊ လမ်းပန်းဆက်သွယ်ရေး၊ သယ်ယူပို့ဆောင်ရေးစသော အခြေခံအဆောက်အအုံများ သည် ဖြည့်ဆည်းဆောင်ရွက်ပေးရန် လိုအပ်ပါကြောင်း၊

ပြည်ထောင်စုအစိုးရအဖွဲ့အနေဖြင့် အခြေခံအဆောက်အအုံများကို အကောင်အထည်ဖော် ဆောင် ရွက်ရသော အဓိကဝန်ကြီးဌာနများဖြစ်သော ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လျှပ်စစ် နှင့်စွမ်းအင်ဝန်ကြီးဌာန၊ ပညာရေးဝန်ကြီးဌာန၊ ဆောက်လုပ်ရေးဝန်ကြီးဌာနစသည့် ဝန်ကြီးဌာန များ၏ အသုံးစရိတ်များကို နှစ်စဉ်တိုးမြှင့်သုံးစွဲပေးလျက်ရှိပါကြောင်း၊ ဘဏ္ဍာရေးနှစ်အလိုက် ပြည်ထောင်စုဝန်ကြီးဌာနအားလုံး၏ စုစုပေါင်းငွေလုံးငွေရင်း အသုံးစရိတ်အပေါ်တွင် အဆိုပါဌာန များ၏ ငွေလုံးငွေရင်းအသုံးစရိတ် ပါဝင်မှုရာခိုင်နှုန်းကိုကြည့်မည်ဆိုပါက ၂၀၁၇-၁၈ ကိန်းဂဏန်း များအရ ပို့ဆောင်ရေးနှင့်ဆက်သွယ်ရေးသည် ၁၂.၄၂ ရာခိုင်နှုန်း၊ လျှပ်စစ်နှင့် စွမ်းအင် ဝန်ကြီးဌာနက ၁၅.၈၅ ရာခိုင်နှုန်း၊ ဆောက်လုပ်ရေးဝန်ကြီးဌာနက ၈.၁၅ ရာခိုင်နှုန်းနှင့် ပညာရေး ဝန်ကြီးဌာနအနေဖြင့် ၆.၈၈ ရာခိုင်နှုန်းထိ ပါဝင်ပါကြောင်း၊

ငွေလုံးငွေရင်းအသုံးစရိတ်များနှင့် စပ်လျဉ်းပြီး ပြည်ထောင်ဝန်ကြီးဌာနများ၏ မူဝါဒ၊ ရည်မှန်းချက်၊ လုပ်ငန်းစဉ်နှင့် ဦးစားပေးဆောင်ရွက်မည့်လုပ်ငန်းများအပေါ်တွင် နိုင်ငံတော်ဘတ်ဂျက်က ခွင့်ပြု နိုင်သော ငွေလုံးငွေရင်းအသုံးစရိတ်ပမာဏအတွင်း ဝန်ကြီးဌာနအလိုက် ဦးစားပေးအစီအစဉ်များ သတ်မှတ်ပြီး လျာထားဆောင်ရွက်ကြခြင်း ဖြစ်ပါကြောင်း၊ နှစ်စဉ်စီမံကိန်းများ ရေးဆွဲသည့်အခါ ကဏ္ဍအလိုက် စီမံကိန်းများကို ပြည်ထောင်စုဝန်ကြီးဌာနများက တာဝန်ယူရေးဆွဲကြပြီး လုပ်ငန်း စီမံကိန်းအသစ်များ၊ ဆောင်ရွက်ဆဲစီမံကိန်းများ၊ ဖြည့်စွက်လုပ်ငန်းစီမံကိန်းများ စသည်တို့ကို Infrastructure လုပ်ငန်းများအပါအဝင် ဖော်ပြရပါကြောင်း၊ ၎င်းလုပ်ငန်းစီမံကိန်းများကို ဌာန အလိုက် ငွေလုံးငွေရင်းအသုံးစရိတ်များရရှိနိုင်မှုနှင့် ချိတ်ဆက်ပြီး အကောင်အထည်ဖော် ဆောင်ရွက်ကြရပါကြောင်း၊

ပြည်ထောင်စုအဆင့်ဌာနအဖွဲ့အစည်းများကို အသုံးစရိတ်များ ခွဲဝေသုံးစွဲပေးရန်အတွက် လက်ရှိ နိုင်ငံတော်၏ ငွေကြေးအင်အားအခြေအနေ၊ ပြည်တွင်းပြည်ပရယူထားသော ကြွေးမြီအခြေအနေ၊ ဘတ်ဂျက်လိုငွေဖြစ်ပေါ်မှုအခြေအနေစသော မက်ခရိုစီးပွားရေးအခြေအနေအရပ်ရပ်အပေါ် မူတည်ပြီး  ဦးစားပေးမှုအလိုက် သုံးသပ်ပြီး ခွဲဝေပေးခြင်း ဖြစ်ပါကြောင်း၊ နှစ်စဉ် လိုငွေပြနေသော ဘတ်ဂျက်ကိုလည်း တစ်ဖက်တွင် လိုငွေပိုမိုကြီးထွားလာမှုမရှိစေရန်နှင့်  ဘတ်ဂျက်လိုငွေနှင့် ဂျီဒီပီအချိုးကို ငါးရာခိုင်နှုန်းထက် ကျော်လွန်မှုမရှိစေရန် ထိန်းသိမ်းပြီး ဆောင်ရွက်လျက် ရှိပါကြောင်း၊  နိုင်ငံတော်၏ ရငွေအရင်းအမြစ်များကို တိုးပွားလာစေရန်လည်း ကြိုးပမ်း ဆောင်ရွက် ခြင်းနှင့် အသုံးစရိတ်များကို ဦးစားပေးခွဲပြီး စနစ်တကျထိထိရောက်ရောက်နှင့် ကြပ်မတ် သုံးစွဲခြင်းတို့ကို စဉ်ဆက်မပြတ် ဆက်လက်ဆောင်ရွက်ရမည် ဖြစ်ပါကြောင်း၊

နိုင်ငံတော်က ဦးစားပေးသုံးစွဲမည့်စီမံကိန်းများတွင် အခြေခံအဆောက်အအုံနှင့် ပတ်သက်ပြီး လျှပ်စစ်နှင့်စွမ်းအင်ကဏ္ဍ၊ ဆောက်လုပ်ရေးကဏ္ဍ၊ ပို့ဆောင်ရေးနှင့်ဆက်သွယ်ရေးကဏ္ဍများ ဦးစားပေး ပါဝင်ပါကြောင်း၊ စီမံကိန်း၏အရွယ်အစားနှင့် ဘဏ္ဍာငွေလိုအပ်ချက်ပမာဏအပေါ် တွင်မူတည်ပြီး  နိုင်ငံတော်ဘတ်ဂျက်က တိုးမြှင့်ပြီးခွဲဝေပေးသည့်နည်းလမ်းကို ကျင့်သုံးလျက် ရှိသကဲ့သို့ ပြည်ပချေးငွေများရယသည့်အခါ သင့်တော်သည့်စီမံကိန်းကို ရရှိစေရန်  ဖြည့်ဆည်း စီမံပေးခြင်းကိုလည်း ဆောင်ရွက်ပေးလျက်ရှိပါကြောင်း၊ ပြည်တွင်းပြည်ပက ရင်းနှီးမြှုပ်နှံမှုများ ကိုလည်း ဖိတ်ခေါ်ပြီး ဆောင်ရွက်စေမည် ဖြစ်ပါကြောင်း၊ ထို့အပြင် အစိုးရ-ပုဂ္ဂလိက ပူးပေါင်းဆောင်ရွက်သော (Public Private Partnership-PPP) ပုံစံဖြင့် စီမံပေးခြင်းကိုလည်း ဆောင်ရွက်ပေးလျက်ရှိပါကြောင်း၊ ၎င်းကဲ့သို့ ဆောင်ရွက်ခြင်းနည်းလမ်းများဖြင့် Infrastructure များအတွက် နိုင်ငံခြားရင်းနှီးမြှုပ်နှံမှုများအပေါ် ဖိတ်ခေါ်နိုင်ရန် လက်ရှိသုံးစွဲနေသော ဘဏ္ဍာ ငွေကြေးထက် ပိုမိုသုံးစွဲနိုင်စေရန်   ဆောင်ရွက်လျက်ရှိပါကြောင်း ရှင်းလင်းဖြေကြားပါသည်။