(စ)-ဖလမ်းမြို့နယ်ရှိ အ.မ.က ပါလ်သဲအတွက် ၂၀၁၂-၁၃ဘဏ္ဍာရေးနှစ်ခွင့်ပြုရန်ပုံငွေသည်ယနေ့ အထိ အကောင် အထည်ဖော်ခြင်း မရှိသဖြင့်မည် သည့်နေရာသို့ ရန်ပုံငွေလွှဲပြောင်းခဲ့သည်ကိုသိ လိုခြင်း နှင့် စပ်လျဉ်းသည့် မေးခွန်း

ဖလမ်းမြို့နယ်ရှိ ၂၀၁၂-၂၀၁၃ ဘဏ္ဍာရေးနှစ်တွင် ကျောင်း (၃) ကျောင်းအတွက် ရန်ပုံငွေကျပ် (၁၈) သန်းစီ ချပေးခဲ့ရာ (၂)ကျောင်းကို တည်ဆောက်ပြီး ဖြစ်သော်လည်း အ.မ.က ပါလ်သဲအတွက် ခွင့်ပြုရန်ပုံငွေမှာ ယနေ့အထိ အကောင် အထည်ဖော်ခြင်းမရှိသဖြင့် မည်သည့်နေရာသို့ ရန်ပုံငွေလွှဲ ပြောင်းခဲ့သည်ကို သိလိုခြင်း နှင့် စပ်လျဉ်းသည့် မေးခွန်း

၂၀၁၃-၂၀၁၄ ဘဏ္ဍာရေးနှစ်၌ ချင်းပြည်နယ်တွင် ကျောင်းပြောင်းပြီး ဆောက်လုပ်ရန် ပြည်နယ်အစိုးရထောက်ခံချက်ဖြင့် ကျောင်း(၃) ကျောင်း တင်ပြထားပါကြောင်း၊ ချင်းပြည်နယ်၊ ဖလမ်းမြို့ ပါလ်သဲအခြေခံပညာအထက်တန်းကျောင်းတွင် ၆၀ ပေx ၃၀ ပေ သွပ်မိုး၊ ပျဉ်ကာ၊ ပျဉ်ခင်းတစ်ထပ် အသစ်ဆောက်လုပ်ရန်အတွက် ၂၀၁၃-၂၀၁၄ ဘဏ္ဍာရေးနှစ် ငွေလုံးငွေရင်းရန်ပုံငွေ ခေါင်းစဉ်အောက်မှ ငွေကျပ် ၁၈ သန်းကို ခွင့်ပြုခဲ့ပြီးဖြစ်သော်လည်း ချင်းပြည်နယ်အင်အားစု၏ ထောက်ခံချက်ဖြင့် ပြည်နယ်ပညာရေးညွှန်ကြားရေးမှူးရုံးမှ ပါလ်သဲ အခြေခံပညာမူလတန်းကျောင်းအစား ခေါလုံး အခြေခံပညာမူလတန်းကျောင်းသို့ ပြောင်းရွှေ့ဆောက်လုပ်ရန် တင်ပြခဲ့သောကြောင့် ကျောင်းအမည် ပြောင်းလဲဆောက်လုပ်ခွင့်အား ဌာနဆိုင်ရာ လုပ်ထုံးလုပ်နည်းများနှင့်အညီ ခွင့်ပြုခဲ့ခြင်း ဖြစ်ပါကြောင်း ရှင်းလင်းဖြေကြားပါသည်။