(င)-ပြင်ဦးလွင်မြို့နယ်ရှိပြင်စာကျေးလက်ကျန်းမာရေး ဌာန(RHC)ကိုတိုက်နယ်ဆေးရုံအဆင့်မြှင့်တင်ပေး ရန်နှင့်ကျေးလက်ကျန်းမာရေးဌာနခွဲ(အောင်ချမ်းသာ) ကို RHCအဆင့်မြှင့်တင်ပေးရန်အစီအစဉ်ရှိ/မရှိနှင့် စပ်လျဉ်းသည့်မေးခွန်း

မန္တလေးတိုင်းဒေသကြီး၊ ပြင်ဦးလွင်မြို့နယ်တွင် လူဦးရေ ၂၅၀၀၀၀ ကျော်နေထိုင်လျက်ရှိပြီး ကျန်းမာရေးစောင့်ရှောက်မှုများဖြင့် ခုတင် ၃၀၀ ခန့် ပြည်သူ့ဆေး ရုံကြီးတစ်ရုံ၊ ဇီးပင်ကြီးခုတင် ၅၀ ဆံ့ ဆေးရုံတစ်ရုံနှင့် ဝက်ဝံတိုက်နယ်ဆေးရုံ စုစုပေါင်း ဆေးရုံသုံးရုံဖွင့်လှစ်ထားပါကြောင်း၊  ပြင်စာကျေးလက် ကျန်းမာရေး ဌာနပိုင်နယ်မြေတွင် ကျေးရွာပေါင်း ၄၆ ရွာ၊ အိမ်ခြေ ၈၄၇၆ အိမ်၊ လူဦးရေ ၃၆၇၆၃ ဦး ရှိပါကြောင်း၊ ပြင်စာကျေးလက် ကျန်းမာရေး ဌာနသည် ပြင်ဦးလွင်ဆေးရုံကြီးနှင့် ၁၆ မိုင်ခန့်အကွာ၊ ဇီးပင်ကြီး ခုတင် ၅၀ ဆံ့ဆေးရုံနှင့် ၅ မိုင်ခန့်အကွာတွင် ရှိပါကြောင်း၊ ထို့အပြင် ၂၀၁၆ ခုနှစ်၊ သြဂုတ်လ ၂၈ ရက်နေ့က မိမိကိုယ်တိုင်ရောက်ရှိခဲ့ပြီး  Rural Health Centre ရှိ စာရင်းဇယားများနှင့်  ဝန်ထမ်းအင်အားကိုလည်း စစ်ဆေးကြည့်ရှုခဲ့ရာတွင် ၁၆ ခုတင်ဆံ့ အဆင့်တိုးမြှင့်ပေးရန် လိုအပ်ခြင်း မရှိသေးသည်ကို တွေ့ရှိရပါကြောင်း၊ ထိုဆေးရုံရှိ Immunization Coverage နှင့် ကိုယ်ဝန်ဆောင်များ မမွေးဖွားမီ ဆောင်ရွက်ရာမည့် ကိစ္စရပ်များကို ပီပြင်စွာ ဆောင်ရွက်ထားသည်ကို တွေ့ရပါကြောင်း၊ ထို့အပြင် ဆေးရုံရှိ Rural Health Centre တွင်လုပ်သော စာရင်းဇယားကအစ ကောင်းမွန်သည်ကို တွေ့ရပါကြောင်း၊ Rural Health Centre သည် ကောင်းမွန်စွာ လည်ပတ်နေသည်ကိုလည်း တွေ့ရပါကြောင်း၊ သို့သော် Rural Health Centre ၏ Coverage Centre သည် အလွန်ကျယ်ပါကြောင်း၊ မိမိတို့က ကိုယ်စားလှယ်တော်ကြီး ဒေါက်တာအောင်ခင်နှင့် ဆွေးနွေး ရာတွင် အောင်ချမ်းသာ ကျေးလက်ကျန်းမာရေးဌာနခွဲသည်  ကျေးရွာပေါင်း ၁၀ ရွာအား ကျန်းမာရေးစောင့်ရှောက်မှုလုပ်ငန်းများကို လွှမ်းခြုံပေးလျက်ရှိပါကြောင်း၊ သို့သော် အဆိုပါဆေးရုံ၏ Catchment ဧရိယာသည် ၂၃ ရွာ၊ အိမ်ခြေ ၃၄၇၀၊ လူဦးရေ ၁၅၀၀၀ ကို ကျန်းမာရေးစောင့်ရှောက်မှုကိုပေးသည့်အတွက် မိမိတို့ အနေဖြင့် ကျေးလက်ကျန်းမာရေးဌာနအဖြစ် ပြုလုပ်ရန် ဆုံးဖြတ်ထားပြီး ဖြစ်ပါကြောင်း၊ ထိုကိစ္စကို ၂၀၁၇-၁၈ ဘဏ္ဍာနှစ်တွင် ဖွဲ့စည်းပုံအမိန့်ရရှိရေးအတွက် ဆက်လက် ဆောင်ရွက်ပြီး မန္တလေးတိုင်းဒေသကြီး၊ ပြင်ဦးလွင်မြို့နယ်၊ အောင်ချမ်းသာကျေးလက် ကျန်းမာရေးဌာနခွဲအား ကျေးလက်ကျန်းမာရေးဌာနအဖြစ် ပြုလုပ်ရန် ဆုံးဖြတ်ထားပြီးဖြစ်ပါကြောင်း ရှင်း လင်းဖြေကြား ပါသည်။