(ဂ)-မြောက်ဥက္ကလာပမြို့နယ်၊ဝေဘာဂီမြို့သစ်ရပ် ကွက်ရှိအစိုးရစက်မှုလက်မှုအထက်တန်းကျောင်း သို့မဟုတ်သင်တန်းကျောင်းပြန်လည်ဖွင့်လှစ်ပေး ရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ ဝေဘာဂီမြို့သစ်ရပ်ကွက်၊ ဓမ္မသုခလမ်းရှိ လက်မှုကျောင်း (Handicraft School) ကို ၂၀၁၀ ခုနှစ်အထိ ဖွင့်လှစ်ခဲ့ပါကြောင်း၊ ၂၀၁၀ ခုနှစ်နောက်ပိုင်းတွင် အဆိုပါကျောင်းများ၏ ဖွဲ့စည်းပုံများ မရှိသည့်အတွက် လက်မှုကျောင်းဖွင့်လှစ်ခြင်းကို ယာယီရပ်နားခဲ့ရပါကြောင်း၊ ယခုအခါတွင် ပညာရေးဝန်ကြီးဌာန၊ နည်းပညာနှင့် သက်မွေးပညာ ဦးစီးဌာနမှ ကာလတိုသက်မွေးပညာသင်တန်းများကို ပြန်လည်ဖွင်‌့လှစ်ရန် စီစဉ်ဆောင်ရွက်လျက် ရှိပါကြောင်း၊ နည်းပညာနှင့်သက်မွေးပညာ ဦးစီးဌာနအတွင်းရှိ ဆရာများကို ADB ၏ အကူအညီဖြင့်လည်းကောင်း၊ Total Exportation  & Production Myanmar ၏ အကူအညီဖြင့်လည်းကောင်း သင်တန်းများပေးအပ်လျက်ရှိပြီး သက်မွေးပညာသင်တန်းများအတွက် သင်တန်းနည်းပြ ဆရာများရရှိစေရန် စီစဉ်ဆောင်ရွက်လျက်ရှိပါကြောင်း၊ အဆိုပါကျောင်း၏ အကြီးစား ပြင်ဆင်ခြင်း လုပ်ငန်းများအတွက် ကုန်ကျငွေများကို ခန့်မှန်းတွက်ချက်၍ ၂၀၁၇-၁၈ ဘဏ္ဍာရေးနှစ် အတွက် ဘတ်ဂျက်ရေးဆွဲချိန်တွင် ထည်‌့သွင်းတင်ပြတောင်းခံ ဆောင်ရွက်သွားမည်ဖြစ်ပါကြောင်း၊ အဆောက်အဦပြင်ဆင်ခြင်းနှင့် စက်ပစ္စည်းများဖြည့်ဆည်းပေးခြင်းတို့ ဆောင်ရွက်ပြီးမှသာ ကာလတို သက်မွေးပညာ သင်တန်းများကို ဖွင့်လှစ်သွားနိုင်မည်ဖြစ်ပါကြောင်း ရှင်းလင်းဖြေကြားပါသည်။