(ဃ)- မကွေးတိုင်းဒေသကြီး၊ ဆိပ်ဖြူမြို့ မှလက် ဆယ်ကျေးရွာအထိ၊ဆိပ်ဖြူမြို့မှပင်းတလဲကျေးရွာ အထိနှင့် ကျန်ရှိကျေးရွာများလျှပ်စစ်မီးပေးနိုင်ရေး အတွက်ဆောင်ရွက်ပေးရန် အစီအစဉ် ရှိ၊မရှိနှင့် စပ်လျဉ်းသည့် မေးခွန်း

မကွေးတိုင်းဒေသကြီး၊ ဆိပ်ဖြူမြို့နယ် -တဲကြီး၊ မြေကြမ်းတော၊ ဂွေးပင်၊ ထိန်ကန်၊ ရွာသစ်ကြီး၊ လက်ဆယ် ကျေးရွာအုပ်စု ခြောက်အုပ်စု အတွင်းရှိ ကျေးရွာ ၁၇ ရွာ လျှပ်စစ်ဓာတ်အားရရှိရေးအတွက် ဆိပ်ဖြူ ၆၆/၁၁ KV၊ 5 MVA ဓာတ်အားခွဲရုံမှ လက်ဆယ်ကျေးရွာထိ ၁၁ KV လိုင်း ၁၆ မိုင် တည်ဆောက်ရမည်ဖြစ်ပြီး ချောင်းမကြီး၊ ပင်းတလဲကျေးရွာအုပ်စုအတွင်းရှိ ကျေးရွာငါးရွာ လျှပ်စစ်ဓာတ်အားရရှိရေးအတွက် ဆိပ်ဖြူဓာတ်အား ခွဲရုံမှ ပင်းတလဲကျေးရွာထိ ၁၁ KV လိုင်း ၈ မိုင် တည်ဆောက်ရမည်ဖြစ်သည်ကို စိစစ်တွေ့ရှိရပါကြောင်း၊

၎င်းဓာတ်အားလိုင်းတည်ဆောက်ခြင်းလုပ်ငန်းများသည် လိုင်းမိုင်ရှည်လျားပြီး ကုန်ကျစရိတ် များပြားသော ကြောင့် ၂၀၁၆-၂၀၁၇ ဘဏ္ဍာရေးနှစ် တိုင်းဒေသကြီး၏ ခွင့်ပြုရန်ပုံငွေရရှိခဲ့မှုအရ ထည့်သွင်းလျာ ထား နိုင်ခဲ့ခြင်းမရှိကြောင်း၊ ချောင်းမကြီး၊ ပင်းတလဲကျေးရွာအုပ်စု လျှပ်စစ်ဓာတ်အား ရရှိရေးအတွက် တည် ဆောက်ရန်လိုအပ်သော ၁၁ KV ဓာတ်အားလိုင်း ၈ မိုင် တည်ဆောက်ခြင်း လုပ်ငန်းအား မကွေးတိုင်း ဒေသကြီးအစိုးရအဖွဲ့၏  ၂၀၁၆-၂၀၁၇ ဘဏ္ဍာရေးနှစ် ဖြည့်စွက်ရန်ပုံငွေ တောင်းခံရာတွင်လည်းကောင်း၊ တဲကြီး၊ မြေကြမ်းတော၊ ဂွေးပင်၊ ထိန်ကန်၊ ရွာသစ်ကြီး၊ လက်ဆယ် ကျေးရွာအုပ်စုများ လျှပ်စစ် ဓာတ်အားရရှိရေးအတွက် တည်ဆောက်ရန် လိုအပ်သော ၁၁ KV လိုင်း ၁၆ မိုင် တည်ဆောက်ခြင်း လုပ်ငန်းကို မကွေးတိုင်းဒေသကြီးအစိုးရအဖွဲ့၏ ၂၀၁၇-၁၈ ဘဏ္ဍာရေးနှစ်တွင် လည်းကောင်း ထည့်သွင်းလျာထားနိုင်ရန် ညှိနှိုင်းဆောင်ရွက်ပေးသွားမည်ဖြစ်ပါကြောင်းနှင့် ဘဏ္ဍာငွေရရှိမှုအပေါ်မူတည်ပြီး ဓာတ်အားလိုင်းတည်ဆောက်ခြင်း လုပ်ငန်းများဆောင်ရွက်ပေး သွားနိုင်မှာဖြစ်ပါကြောင်း ပြန် လည်ဖြေကြားပါသည်။