(ဃ)-မိုင်းတုံမြို့နယ် (၂၅) ခုတင်ဆံ့ဆေးရုံအား ဖွဲ့စည်းပုံနှင့်အညီ လက်ထောက်မြို့နယ် ဆရာဝန်ခန့်ထားပေး ရန်၊ သွားဘက်ဆိုင်ရာဆရာဝန်ခန့်ထားပေးရန်နှင့် သွားဘက်ဆိုင်ရာကုသမှု ဆက်စပ်ပစ္စည်းများခွဲဝေ ချထားပေးနိုင်မည့် အစီအစဉ်များကို သိရှိလိုသည်နှင့်စပ်လျဉ်းသည့်မေးခွန်

 မိုင်းတုံမြို့နယ် ၂၅ ခုတင်ဆံ့  ပြည်သူ့ဆေးရုံ၏ ကျန်းမာရေးစောင်‌့ရှောက်မှုကဏ္ဍအဆင့်မြှင့်တင်ပေးနိုင်ပါရန် အစီအစဉ်များနှင့် ပတ်သက်၍ မေးခွန်းများမေးမြန်းသွားမှာဖြစ်ပါတယ်။ ကျွန်တော်တို့ မိုင်းတုံမြို့နယ်သည် သံလွင်အရှေ့ခြမ်းဒေသတွင်ပါဝင်ပြီး ဖွံ့ဖြိုး တိုးတက်မှုအားယူဆဲ ဒေသတစ်ခုဖြစ်ပါတယ်။ လမ်းပန်းဆက်သွယ်ရေး၊ ပညာရေးနဲ့  ကျန်းမာရေး ကဏ္ဍတို့မှာ လိုအပ်ချက်များစွာရှိနေသေးပါတယ်။ ကျန်းမာရေးအနေဖြင့် ၂၅ ခုတင်ဆံ့ မြို့နယ်ပြည်သူ့ ဆေးရုံကြီး၌ လက်ထောက်ဆရာဝန်လိုအပ်ချက်အပြင် သွားဘက်ဆိုင်ရာဆရာဝန်နှင့် ဆက်စပ်ပစ္စည်း များလိုအပ်နေပါတယ်။ ဒေသခံပြည်သူများမှ အခြားဒေသများသို့ သွားရောက်ကုသမှု ခံယူရာမှာလည်း ငွေကြေးမတတ်နိုင်သော လူနာရှင်များအတွက် အခက်အခဲများစွာရှိနေပါတယ်။ သို့ဖြစ်ပါ၍ မိုင်းတုံ မြို့နယ် မိဘပြည်သူများ၏ကိုယ်စား အောက်ပါမေးခွန်းများကို ပြည်သူ့လွှတ်တော်ဥက္ကဋ္ဌကြီးမှတစ်ဆင့် ရိုသေစွာမေးမြန်းအပ်ပါတယ်။ (၁) မိုင်းတုံမြို့နယ် ၂၅ ခုတင်ဆံ့ဆေးရုံအား ဖွဲ့စည်းပုံနှင့်အညီ လက်ထောက်ဆရာဝန်ခန့်ထားပေးနိုင်မည့်အစီအစဉ်များကို သိရှိလိုပါတယ်။ (၂) မိုင်းတုံမြို့နယ် ၂၅ ခုတင်ဆံ့ဆေးရုံတွင် သွားဘက်ဆိုင်ရာဆရာဝန် ခန့်ထားပေးပါရန်နှင့် သွားဘက်ဆိုင်ရာကုသမှု ဆက်စပ်ပစ္စည်းများ ခွဲဝေချထားပေးနိုင်မည့် အစီအစဉ်များကို သိရှိလိုပါကြောင်း မေးမြန်းပါသည်။