(က)-ကျောင်းရှစ်ဆယ်ကျေးရွာအုပ်စု၊ထန်းကုန်း အနောက်ကျေးရွာကိုယ့်အားကိုယ်ကိုးကျေးလက် မီးလင်းရေးနှင့် ပတ်သက်၍မည်ကဲ့သို့ ကူညီဆောင်ရွက်ပေးမည်ကိုသိလိုသည်နှင့် စပ်လျဉ်းသည့် မေးခွန်း

ပဲခူးတိုင်းဒေသကြီးအတွင်း  ဆောင်ရွက်ပေးရမည့် လုပ်ငန်းအခြေအနေများမှာ ယခု ဘဏ္ဍာရေးနှစ်တွင် ပဲခူးတိုင်း အတွင်းရှိ မြို့ပေါင်း ၈ မြို့၊ ကျေးရွာပေါင်း ၈ ရွာ၊ အကျိုးပြုအိမ်ခြေ ၇၈၃ အိမ်အတွက် ဆိုလာမီးလင်းရေး လုပ်ငန်းများကို ခွင့်ပြုငွေကျပ်သန်း ၁၅၆.၆ သန်းဖြင့်ဆောင်ရွက်နိုင်ရန် တိုင်းဒေသကြီး အစိုးရအဖွဲ့ထံသို့ ခွင့်ပြုငွေများလည်း လွှဲပြောင်းပေးအပ်ထားခဲ့ပါသည်။ ထို့ပြင် ၂၀၁၃-၂၀၁၄ ငွေလုံးဖြည့်စွက် စာရင်းအရ မြို့နယ် ၄ မြို့နယ်၊ ကျေးရွာ ၅ ရွာ၊ အိမ်ခြေပေါင်း ၁၂၁၄ အိမ်များအား ဆိုလာမီးလင်းရေး၊ ဇီဝလောင်စာဖြင့် မီးလင်းရေး အတွက်ကိုလည်း လျာထားပြီးဖြစ်ပါကြောင်း။

သို့ဖြစ်ပါ၍ ကိုယ်စားလှယ်တော်ကြီး၏ မေးခွန်းနှင့်စပ်လျဉ်း၍ ကျေးရွာမီးလင်းရေး လိုအပ်ချက်များကို ဦးစားပေး အလိုက် ကျေးရွာများဖွံ့ဖြိုးရေး အထောက်အကူပြုအဖွဲ့များမှ ပြုစုကာ မြို့နယ်အဆင့် အထောက် အကူပြုအဖွဲ့မှ စိစစ်ထောက်ခံပြီး၊ ၎င်းမှတစ်ဆင့် တိုင်းဒေသကြီးအစိုးရအဖွဲ့မှ တင်ပြတောင်းခံပါက မိမိတို့ အနေဖြင့် နီးစပ်ရာဘဏ္ဍာရေးနှစ်တွင် လျာထားတောင်းခံသွားမည်ဖြစ်ပါကြောင်း၊ မိမိတို့အနေဖြင့် ၂၀၁၃-၂၀၁၄ ဘဏ္ဍာရေးနှစ်တွင် ကိုယ်စားလှယ်တော်ကြီး၏ မေးခွန်းနှင့်ပတ်သက်၍ ဘဏ္ဍာငွေလျာထားခြင်း မရှိသေး ပါကြောင်း ရှင်းလင်းဖြေကြားပါသည်။