ကျိုင်းတောင်းရေအားလျှပ်စစ်စက်ရုံတည်ရှိသော ကျိုင်းတောင်းမြို့ ရပ်ကွက်(၂)၊ ရပ်ကွက်(၃)၊ ရပ်ကွက်(၅)နှင့် ရပ်ကွက်(၆)တို့တွင် ပြုပြင်သွယ်တန်းပေးမည့် လျှပ်စစ်ဓာတ်အားလုပ်ငန်းအစီအစဉ်ကို သိရှိလိုကြောင်း မေးမြန်းပါသည်။
အမှတ် (၆) ရပ်ကွက်တွင် ၃၃/၁၁ ကေဗွီ ၅ အမ်ဗွီအေ ဓာတ်အားခွဲရုံ ၁ ရုံ တည်ဆောက်ခြင်းလုပ်ငန်းကို ၂၀၁၅-၂၀၁၆ ဘဏ္ဍာရေးနှစ်လျာထားချက်တွင် ပါဝင်နိုင်ခြင်းမရှိသဖြင့် နောင်လာမည့်ဘဏ္ဍာနှစ် ပြည်ထောင်စုရန်ပုံငွေတွင် ထည့်သွင်းလျာထားတောင်းခံပြီး ရန်ပုံငွေရရှိပါက ဆောင်ရွက်ပေးသွားမည် ဖြစ်ပါကြောင်း၊ အမှတ် (၅) ရပ်ကွက်တွင် ၁၁ ကေဗွီ လိုင်း ပေ ၁၀၀၀ နှင့် ၁၁/ဝ.၄ ကေဗွီ ၂၀၀ ကေဗွီအေ ထရန်စဖော်မာ ၁ လုံး တည်ဆောက်ခြင်းလုပ်ငန်းကို ၂၀၁၅-၂၀၁၆ ဘဏ္ဍာရေးနှစ် ပြည်နယ်အစိုးရအဖွဲ့၏ ရန်ပုံငွေတွင် ပါဝင်သည့်အတွက် ဆောင်ရွက်ပေးသွားမည်ဖြစ်ပါကြောင်း၊ အမှတ် (၂) ရပ်ကွက် ၁၁ ကေဗွီလိုင်း ပေ ၂၀၀၀ နှင့် ၁၆၀ ကေဗွီအေ ထရန်စဖော်မာ ၂ လုံး ၄၀၀ ဗို့ ဓာတ်အားလိုင်း ပေ ၂၆၀၀ ခန့်တည်ဆောက်ခြင်းလုပ်ငန်းကိုလည်း ၂၀၁၅-၂၀၁၆ ဘဏ္ဍာရေးနှစ် ပြည်ထောင်စုဘတ်ဂျက်ရန်ပုံငွေဖြင့် ဆောင်ရွက်ပေးသွားမည်ဖြစ်ပါကြောင်း၊ အမှတ် (၅) ရပ်ကွက်တွင် ဓာတ်အားဖြန့်ဖြူးပေးထားသော ၄၀၀ ဗို့လိုင်း ၃ မိုင်ရှိ Aluminium ကြိုး (ACSR 25 mm2 နှင့် 35 mm2 ကြိုးများ) အား လျှပ်ကာအခွံပါသော (AAC ကြိုး) များ ဖြင့် အစားထိုးလဲလှယ်ခြင်းလုပ်ငန်းကို ၂၀၁၅-၂၀၁၆ ဘဏ္ဍာရေးနှစ် ပြည်နယ်အစိုးရအဖွဲ့၏ ဘတ်ဂျက်ရန်ပုံငွေတွင် ပါဝင်သည့်အတွက် ဆောင်ရွက်ပေးသွားမည်ဖြစ်ပါကြောင်း။
၂၀၁၄-၂၀၁၅ ဘဏ္ဍာရေးနှစ်မှ စတင်ပြီး ၁၁ ကေဗွီဓာတ်အားလိုင်းနှင့် ၁၁/ဝ.၄ ကေဗွီ ဓာတ်အားခွဲရုံငယ်များနှင့် ၄၀၀ ဗို့ဓာတ်အားလိုင်း အသစ်တည်ဆောက်ခြင်း၊ အဟောင်းများကို ပြုပြင်ထိန်းသိမ်းခြင်းလုပ်ငန်းများအတွက် ကုန်ကျစရိတ်ရန်ပုံငွေများကို တိုင်းဒေသကြီး/ပြည်နယ်အစိုးရ အဖွဲ့များ၏ ရန်ပုံငွေလျာထားချက်တါင် ထည့်သွင်းလျာထား တောင်းခံပေးရန် ညှိနှိုင်းဆောင်ရွက်ခဲ့ပါကြောင်း၊ သို့ဖြစ်ပါ၍ လွှတ်တော်ကိုယ်စားလှယ်ကြီး မေးခွန်းပါ ကျိုင်းတောင်းမြို့ပေါ် ရပ်ကွက် (၃) တွင် ဆောင်ရွက်ရန်ကျန်ရှိသော လုပ်ငန်းများကို ရှမ်းပြည်နယ်အစိုးရအဖွဲ့၏ နောင်လာမည့် ဘဏ္ဍာနှစ်များတွင် ထည့်သွင်းလျာထား တောင်းခံဆောင်ရွက်ပေးရန် တင်ပြညှိနှိုင်းပြီး ရန်ပုံငွေရရှိပါက ဆောင်ရွက်ပေးသွားမည် ဖြစ်ပါကြောင်း ရှင်းလင်းဖြေကြားပါသည်။