(င)-သင်ထောက်ကူ စာသင်ခုံများ၊သင်ပုန်းများ အားကျောင်းသူ၊ ကျောင်းသားဦးရေနှင့်အညီထောက် ပံ့ပေးရန်ဆောင်ရွက်ပေးနိုင်ခြင်းရှိ၊မရှိနှင့်စပ်လျဉ်း သည့်မေးခွန်း

ပညာရေးဝန်ကြီးဌာန၊ အခြေခံပညာဦးစီးဌာနအနေဖြင့် ဘဏ္ဍာရေးနှစ်တစ်နှစ် အတွက် ငွေလုံးငွေရင်း တည်ဆောက်ရေး BE မူလခန့်မှန်းလျာထားချက်များကို မြို့နယ်အတွင်းရှိ ကျောင်းသားဦးရေပေါ်တွင် အခြေခံပြီးလျာထားရပါကြောင်း၊ အဆိုပါလျာထားချက်များအရ အခြေခံပညာကျောင်း၊ ရုံးများကို မြို့နယ်ပညာရေးမှူးက မြို့နယ်စီမံခန့်ခွဲမှုကော်မတီ၊ လွှတ်တော် ကိုယ်စားလှယ်များ၊ ကျောင်းအကျိုး တော် ဆောင်များနှင့် တွေ့ဆုံညှိနှိုင်းအတည်ပြုပြီးမှ အန္တရာယ်ရှိကျောင်းများ၊ ဥပဓိရုပ် မကောင်းသော ကျောင်းများ၊ ကျောင်းသားဦးရေအရ တိုးချဲ့ဆောင်ရွက်ရန် လိုအပ်သည့်ကျောင်းများ၊ သဘာဝ ဘေးဒဏ်သင့်သည့် ကျောင်းများ၊ နေရာပြောင်းဆောက်လုပ်ရန်လိုအပ်သည့် ကျောင်းများစသည်ဖြင့်  လုပ်ငန်းများအဆင့်ဆင်‌့ခွဲခြားပြီး မြို့နယ်/ကျောင်း ဦးစားပေး အစီအစဉ်အလိုက် အဆင်‌့များလျာထား သတ်မှတ်ပြီး ပြည်နယ်/တိုင်းဒေသကြီးအစိုးရအဖွဲ့၏ အတည်ပြုချက်၊ ထောက်ခံချက်များဖြင့် ပြည်နယ် ပညာရေးမှူးမှတစ်ဆင့် အခြေခံပညာဦးစီးဌာနသို့ တင်ပြဆောင် ရွက်ရပါကြောင်း၊တိုင်းဒေသကြီး/ ပြည်နယ်ပညာရေးမှူးရုံးများမှ ၎င်းလုပ်ငန်းများကိုစုစည်းပြီး ပညာရေးဝန်ကြီးဌာနမှတစ်ဆင့် သက်ဆိုင် ရာဌာနများသို့ ဘတ်ဂျက်အတည်ပြုရရှိရေး တင်ပြဆောင်ရွက် သွားရပါကြောင်း၊ဘဏ္ဍာရေးနှစ် တစ်နှစ်အတွက် ငွေလုံးငွေရင်း တည်ဆောက်ရေးရန်ပုံငွေလျာထားချက်ရေးဆွဲရာတွင် ဒေသန္တရ ဈေးနှုန်းများအပေါ်မူတည်ပြီး ဆောင်ရွက်ရခြင်းဖြစ်ပါကြောင်း၊  သက်ဆိုင်ရာတိုင်းဒေသကြီး/ ပြည်နယ် အစိုးရအဖွဲ့များအလိုက် ဒေသအတွက်အတည်ပြုပေးသော PAE-Print Area Estimation တစ်ပေ အတွက် ကုန်ကျစရိတ်နှုန်းများ သတ်မှတ်ပြီးဖြစ်ပါကြောင်း၊ ၎င်းနှုန်းများအတိုင်း ဆောင်ရွက်ရပါ ကြောင်း၊လက်ရှိခွဲဝေပေးနေသော ဘဏ္ဍာရေး အခြေအနေနှင့်ကိုက်ညီသည့် ကျောင်းအဆောက်အဦ ပုံစံ ဒီဇိုင်းသည် စာသင်ခန်းအပြင် ဆရာ/ဆရာမ နားနေခန်းများကို ထည့်သွင်းရေးဆွဲတွက်ချက်နိုင်ရန် ရရှိနိုင်မည့်မြေနေရာ အကျယ်အဝန်းပေါ်မူတည်ပြီး စီစဉ်သွားမည်ဖြစ်ကြောင်း၊ ကျောင်းဆောင် သစ်များ ဆောက်လုပ်သည်‌့ ကျောင်းများအတွက် လိုအပ်သောစာသင်ခုံ၊ ကျောက်သင်ပုန်းများ စသည့် လိုအပ်ချက်များကို  တိုင်းဒေသကြီး/ပြည်နယ် ပညာရေးမှူးရုံးများမှ တစ်ဆင့် သတ်မှတ် ငွေစာရင်း ခေါင်းစဉ်များအတိုင်း တိုင်းဒေသကြီး/ပြည်နယ် အစိုးရအဖွဲ့များမှ ကြီးကြပ်၍ လိုအပ်လျက် ရှိ သော မြို့နယ်/ကျောင်းများသို့ ဘဏ္ဍာငွေခွဲဝေပေးမည်ဖြစ်ပါကြောင်း ဖြေကြားခဲ့ပါသည်။

ဦးခင်ချို(လှိုင်းဘွဲ့) က ဆက်စပ်မေးခွန်း မေးမြန်းပါသည်။

စာသင်ခုံများကို အခြေခံပညာဦးစီးဌာနမှ လေလံပေးပြီး တစ်နိုင်ငံလုံးဖြန့်ဝေ ပေးသည်ကို တွေ့ရပါ ကြောင်း၊ မျက်မြင်စစ်ဆေးသည့်အခါ အဆင်‌့ဆင့်သယ်သည့်အခါ စာသင်ခုံများသည် မူလအတိုင်း မဟုတ်ဘဲ ပျက်စီးယိုယွင်းခြင်း၊ စာရင်းမကိုက်သည်များကို တွေ့ရပါကြောင်း၊ ၂၀၁၃-၁၄ ခုနှစ်တွင် စာသင်ခုံတွေအသုံးပြုသည့် သစ်အမျိုးအစားများညံ့သည့်အတွက် ဆရာ/ဆရာမများမှ အသုံးမပြုရ သည့် အနေအထားကို တွေ့ခဲ့ရပါကြောင်း၊  ထို့ကြောင့် မိမိသိလိုသည်မှာ သတ်မှတ်ဈေးနှုန်း သို့ှမဟုတ် ဒေသဈေးနှုန်းနှင့်အညီ အရည်အသွေးပြည့်ဝသည့် စာသင်ခုံများကို သက်ဆိုင်ရာ ဒေသများတွင် ဆောင်ရွက်စေသည့်စနစ်မျိုး ခွင့်ပြုဆောင်ရွက်ပေးနိုင်ခြင်းရှိ/မရှိနှင့် သစ်အစရှိသည် ကုန်ကြမ်းရှားပါးသည့် ဒေသများအတွက်အထက်ရုံးဌာနများမှ ကန်ထရိုက်စနစ်ဖြင့် ဆောင်ရွက်သည့် စနစ်မျိုး ဆောင်ရွက်ပေးနိုင်ခြင်းရှိ/မရှိ ကိုသိလိုပါကြောင်း ဆက်စပ်မေးမြန်းပါသည်။

 ပညာရေးဝန်ကြီးဌာန၊ ဒုတိယဝန်ကြီး ဦးဝင်းမော်ထွန်း

လွှတ်တော်ကိုယ်စားလှယ်ကြီး၏ အကြံပြုချက်သည် မိမိတို့လက်ရှိကျင့်သုံးနေပါကြောင်း၊  နောင် အသုံးပြုမည့် ပရိဘောဂများအတွက် ဘဏ္ဍာငွေ အသုံးပြုမှုများကို ဒေသအတွင်းရှိလုပ်ငန်းရှင်၊ ကျောင်းအကျိုးတော်ဆောင်၊ စာရင်းစစ်၊ အာဏာပိုင်၊ ကျောင်းအုပ်ကြီးများကို တာဝန်ပေးပြီး ဆောင်ရွက်နိုင်ရန် စီစဉ်မည်ဖြစ်ပါကြောင်း ဖြေကြားခဲ့ပါသည်။