(ဃ)-ဘိုကလေးမြို့နယ် အတွင်းရှိ အခြေခံ ပ ညာကျောင်းများတွင် ဆရာ၊ ဆရာမများ စီမံခန့် ထားမှု မညီမျှခြင်းကြောင့်ကျောင်းသား၊ကျောင်း သူများ ပညာသင်ကြားရေး နစ်နာမှုများအား မည်သို့စီမံဆောင်ရွက်ပေးမည်ကို သိရှိလိုခြင်းနှင့် စပ်လျဉ်းသည့် မေးခွန်း

ဧရာတတီတိုင်းဒေသကြီး၊ ဘိုကလေးမြို့နယ်တွင် အထက်တန်းပြဆရာ/ဆရာမ ခွဲဝေ ၁၇၈ ဦး၊ ခန့်ထား ၁၂၄ ဦး၊ လစ်လပ် ၅၄ ဦး၊ အလယ်တန်းပြဆရာ/ဆရာမ ခွဲဝေ ၈၃၆ ဦး၊ ခန့်ထား ၆၈၆ ဦး၊ လစ်လပ် ၁၅၀ ဦး၊ မူလတန်းပြဆရာ/ဆရာမ ခွဲဝေ ၁၆၅၄ ဦး၊ ခန့်ထား ၁၃၄၉ ဦး၊ လစ်လပ် ၃၀၅ ဦးရှိပါကြောင်း၊ အဆိုပါ လစ်လပ်နေရာများအတွက် နှစ်စဉ် မေလနှင့် အောက်တိုဘာလတို့တွင် တစ်နှစ်လျှင် ၂ ကြိမ် စိစစ် ဆောင် ရွက်ပေးရပါကြောင်း၊ ထိုကဲ့သို့ဆောင်ရွက်ရန် နှစ်စဉ် ဒီဇင်ဘာလတွင် သက်ဆိုင်ရာ ရာထူးအလိုက် ရာထူးတိုး/အပြောင်း အရွှေ့ဆန္ဒပြုလျှောက်လွှာများကို သက်ဆိုင်ရာ တိုင်းဒေသကြီး/ပြည်နယ် ပညာရေးမှူးရုံးများသို့ အကြောင်းကြားထားပြီး ဆန္ဒပြုလျှောက်လွှာများကို စုစည်း၍ လုပ်သက် များ/နည်းအလိုက် တန်းစီဇယား ပြုစုဆောင်ရွက်ပြီး ကာယကံရှင်၏ ဆန္ဒပြုမှု၊ လစ်လပ်မှု၊ ဘာသာရပ် ကိုက်ညီမှုများကို စိစစ်လျက် ရာထူးတိုးပေးခြင်း၊ ပြောင်းရွှေ့ပေးခြင်းများကို ဆောင်ရွက်ပေးလျက် ရှိပါကြောင်း၊ အခြေခံပညာကျောင်းများရှိ အထက်တန်းပြဆရာ/ဆရာမ လစ်လပ်နေရာများတွင် B.Ed ဘွဲ့ရများအား အထက်တန်းပြအဖြစ် တိုက်ရိုက်ခန့်ထားခြင်း၊ B.Ed စာပေးစာယူတက်ရောက်ဆဲများအား အထက်တန်းပြ ယာယီခန့်ထားပြီး B.Ed ဘွဲ့ရပါက အမြဲတမ်းခန့်ထားခြင်း၊ Ph.D ဘွဲ့ ရများအား အထက်တန်းပြ ယာယီခန့်ထားပြီး B.Ed ဘွဲ့ရပါက အမြဲတမ်းခန့်ထားခြင်း၊ မဟာဘွဲ့ရများအား အလယ်တန်းပြလုပ်သက် ၆ လပြည့်ပါက အထက်တန်းပြ ယာယီခန့်ထားပြီး B.Ed ဘွဲ့ရရှိပါက အမြဲတမ်းခန့်ထားခြင်း၊ ဘာသာရပ်ကိုက်ညီသည့် အငြိမ်းစား အထက်တန်းပြဆရာ/ဆရာမများနှင့် အကြောင်းအမျိုးမျိုးကြောင့် ဆရာအတတ်ပညာသင်ယူပြီး ဌာနကင်းကွာ၍ အလုပ်မှ အနားယူသွားသည့် ဆရာ/ဆရာမများကိုလည်း စိစစ်ပြီး စာချုပ်ချုပ်ဆို၍ ခန့်ထားခြင်းများကိုလည်း စီစဉ်ဆောင်ရွက်လျက်ရှိပါကြောင်း။

အလယ်တန်းပြဆရာဆရာမများ လစ်လပ်နေရာများတွင် လုပ်ငန်းခွင်အကြို ဆရာအတတ်ပညာ ဒီပလိုမာ သင်တန်း (DTEd) ၂ နှစ် သင်တန်းဆင်းများအား အလယ်တန်းပြအဖြစ် ဘွဲ့တစ်ခုခုနှင့် မူလတန်းပြ ဆရာဖြစ်သင်တန်းဆင်းလက်မှတ် ရရှိပြီး မူလတန်းပြလုပ်သက် ၂ နှစ်ရှိသူများအား အလယ်တန်းပြသို့ တိုးမြှင့်ခန့်ထားခြင်းဖြင့် စီစဉ် ဆောင်ရွက်လျက်ရှိပါကြောင်း၊ မူလတန်းပြဆရာ/ဆရာမ လစ်လပ်နေရာများတွင် လုပ်ငန်းခွင်အကြို ဆရာအတတ်ပညာ ဒီပလိုမာသင်တန်းဆင်း (DTEd)နှင့် လုပ်ငန်းခွင်အကြို မူလတန်းဆရာအတတ်သင်တန်း (PPTT) သင်တန်းဆင်းများအားလည်းကောင်း၊ တိုင်းရင်းသားလူမျိုးများ ဖွံ့ဖြိုးရေးတက္ကသိုလ်မှ မူလတန်းဆရာဖြစ် သင်တန်းဆင်းများအားလည်းကောင်း တိုင်းဒေသကြီး/ပြည်နယ် အစိုးရအဖွဲ့၏ အစီအစဉ်ဖြင့် ဆရာလိုအပ်နေသော ကျောင်းများအတွက် ဘွဲ့ရများအား နေ့စားလပေး မူလတန်းပြများအဖြစ် ခန့်ထားပေးခြင်းဖြင့်လည်းကောင်း စီစဉ်ဆောင်ရွက်လျက်ရှိပါကြောင်း ရှင်းလင်းဖြေကြားပါသည်။