မွန်ပြည်နယ်၊ သံဖြူဇရပ်မြို့နယ်တောင်ပိုင်းရှိ သံဖြူဇရပ်နှင့် ရေးမြို့နယ် ၂၂ မိုင်ရှိရွာချင်း ဆက်လမ်းသည် ပြည်သူများသွားလာလွယ်ကူစေရန် နယ်စပ်သပြေချောင်း တံတားတစ်စင်းတည် ဆောက်ပေးရန်၊ တံတားသည် ယခုလက်ရှိတံတားလမ်းပေါ်တွင် ယင်းသို့သွားလာနေရပါကြောင်း၊ ၎င်းလမ်းတံတားမှ ရထားမသွားရဘဲနှင့် လမ်းတံတားတစ်ခု တည်ဆောက်ပေးနိုင်ရန် တင်ပြထားပါကြောင်း၊ တစ်ခုမှာ၂၁ မိုင်လမ်းရှိ ထင်းရူးနှင့် ကော့လေးကြားတွင် ၁ မိုင် နှင့် ၆ ဖာလုံကျန်၍ ကျန်သည့်အပိုင်းကို ကိုယ်ထူကိုယ်ထနှင့် ကတ္တရာခင်းထားပြီးသားဖြစ်ပါကြောင်း၊ ထို ကွက်လပ် ၁ မိုင်နှင့် ၆ ဖာလုံကို ကတ္တရာလမ်းထပ်ခင်းပေးဖို့တောင်းဆိုချင်ပါကြောင်း၊ နောက်တစ်ခုက သံဖြူဇရပ်မြို့နယ်၊ ဝဲကလောင်မှ ကော့လေးသို့ ယခင်ကတ္တရာလမ်း ပျက်စီးနေပြီး ထပ်ပိုးလွှာထပ်ခင်းပေးရန်နှင့် သံဖြူဇရပ်မြို့နယ် နယ်စပ် သပြေချောင်းတံတားတစ်စင်း တည်ဆောက် ပေးနိုင်ရန် သံဖြူဇရပ်မြို့နယ်၊ ကော့လေးနှင့်ထင်းရူးရွာကြား ၁ မိုင် ၆ ဖာလုံရှိ ကတ္တရာလမ်းတစ်ခု တည်ဆောက်ပေးနိုင်ရန် နှင့်အတူ ပြန်လည်ပြုပြင်တည်ဆောက်ပေးနိုင်ရန် အစီအစဉ်ရှိ/မရှိ မေးမြန်းပါသည်။
မွန်ပြည်နယ်၊ သံဖြူဇရပ်မြို့နယ်နှင့်ရေးမြို့နယ်ဆက်သော ပင- ကရုပ္ပိ- ကော့လေး- ထင်းရူး- ကျောင်းရွာ- အနင်း- နှစ်ကရင် ကျေးလက်လမ်းပေါ်တွင်ရှိသော သပြေချောင်းတံတားသည် လက်ရှိအနေဖြင့် (၉၅ ပေ x ၁၂ ပေ)ရှိပါကြောင်း၊ ပြန်လည်ပြီး တည်ဆောက်မည်ဆိုလျှင် (၁၅၀ ပေ x ၁၄ ပေ) တည်ဆောက်ရမည်ဖြစ်ပါကြောင်း၊ ၎င်းကားလမ်းကို RC၊ သံကူကွန်ကရစ်တံတားအသစ် တည်ဆောက်မည်ဆိုလျှင် ကျပ်သန်း ၁၅၀ ခန့် ကုန်ကျမည်ဟု ခန့်မှန်းပါကြောင်း၊ သံဖြူဇရပ်မြို့နယ် ကော့လေး- ထင်းရူးကျေးရွာချင်းဆက် လမ်းမှာ လက်ရှိအခြေအနေသည် ဂဝံလမ်းဖြစ်ပါကြောင်း၊ ၁ မိုင် နှင့် ၆ ဖာလုံရှိပါရှိပြီး ဝဲကလောင်- ကော့လေး ကျေးရွာချင်းဆက်လမ်း၏ လက်ရှိအခြေအနေမှာ ၅ မိုင် ရှိပြီး ရွာချင်းဆက်လမ်း ၄ မိုင်မှာ ပျက်စီးနေသည်ဖြစ်သည့်အတွက် ကတ္တရာလမ်း ထပ်ပိုးလွှာ တင်ရန်လိုအပ်မည်ဖြစ်ပါကြောင်း၊ ကော့လေး- ထင်းရူး ကျေးရွာချင်းဆက်လမ်း ဂဝံလမ်းအရှည် ၁ မိုင် နှင့် ၆ ဖာလုံကို ကတ္တရာခင်းမည်ဆိုပါက ခန့်မှန်းကုန်ကျငွေ ၁၈၅.၈၅ သန်းခန့် ကုန်ကျမည်ဖြစ်ပြီး မိမိတို့ ဝဲကလောင်- ကော့လေးလမ်းအရှည် ၄ မိုင်ကို ထပ်ပိုးလွှာတင်မည်ဆိုလျှင် ၂၆၇.၇၆ သန်း စုစုပေါင်း လမ်းနှစ်လမ်းနှင့် သပြေချောင်းတံတား စုစုပေါင်း ၆၀၃.၆၁ သန်းခန့် ကုန်ကျမည်ဟုခန့်မှန်းပါကြောင်း၊ အဆိုပါတံတားသည် ကျေးရွာ ၂၀၊ အိမ်ခြေ ၇၂၀၀ ကျော်ရှိပြီး ပြည်သူလူထု ၄၁၀၀၀ ကျော်ကို အကျိုးပြုသည့် လမ်းတံတားလည်းဖြစ်ပါကြောင်း၊
မွန်ပြည်နယ်အတွင်းတွင် မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၏ ၂၀၁၅-၁၆ ယခုဘဏ္ဍာရေးနှစ် ရန်ပုံငွေ ၄၈၄၅.၇၂၂ သန်းအနေဖြင့် လမ်းတံတားလုပ်ငန်းများကို ခွင့်ပြုထားခြင်းဖြစ်ပါကြောင်း၊ သံဖြူဇရပ်မြို့နယ်အနေနှင့် တင်ပြရမည်ဆိုပါက သံဖြူဇရပ် မြို့နယ်အတွင်း မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၏ ၂၀၁၅-၁၆ ဘဏ္ဍာရေးနှစ် ရန်ပုံငွေ ခွင့်ပြုထားသည်မှာ ၇၂၆.၇၈ သန်းဖြစ်ပါကြောင်း၊ ကတ္တရာလမ်းနှင့် မြေသားလမ်း၊ ကွန်ကရစ်တံတားများဆောက်လုပ်ရန် ဖြစ်ပါကြောင်း၊ သံဖြူဇရပ်မြို့နယ်အတွင်းရှိ လမ်းနှစ်လမ်းနှင့် တံတားတစ်စင်းတို့သည် မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေး ဝန်ကြီးဌာန ၂၀၁၅-၁၆ ဘဏ္ဍာရေးနှစ်တွင် လျာထားထားခြင်း မရှိသေးပါကြောင်း၊ လတ်တလော ကျေးလက်ဒေသဖွံ့ဖြိုးရေး လုပ်ငန်းများကို ဦးစားပေးအစီအစဉ်အတိုင်း မှတ်သားဆောင်ရွက် ပေးလျက်ရှိပါကြောင်း ဖြင့် ရှင်းလင်းဖြေကြားပါသည်။