(င)- တောင်ကြီးမြို့နယ်၊ ကျောက်တလုံးကြီးမြို့ နယ်ခွဲနှင့်နောင်ကားကျေးရွာတို့တွင်ဆက်သွယ်ရေး တာဝါတိုင်တစ်ခု အမြန်စိုက်ထူပေးရန်နှင့်စက်တပ် ဆင်ပေးနိုင်ရေးအတွက်မည်သို့စီစဉ်ဆောင်ရွက်ပေး မည်ကို သိလိုခြင်း နှင့်စပ်လျဉ်းသည့် မေးခွန်း

မြန်မာ့ဆက်သွယ်ရေးလုပ်ငန်းမှ ရှမ်းပြည်နယ်(တောင်ပိုင်း)၊ တောင်ကြီးမြို့နယ်၊ ကျောက်တလုံးမြို့နယ်ခွဲ၊ နောင်ကားကျေးရွာမှာ GSM စခန်းသစ် တည်ဆောက်ရန် အခြေခံအဆောက်အဦလုပ်ငန်းများ ဆောင်ရွက်ပြီးစီးနေပြီး ဖြစ်သည့်အတွက် ရေဒီယိုစက်ပစ္စည်းများ တပ်ဆင်ခြင်းလုပ်ငန်းကို ဆက်လက်ဆောင်ရွက်သွားမည်ဖြစ်ပြီး ၂၀၁၅ ခုနှစ် ဒီဇင်ဘာနှစ်ကုန်တွင် ဖွင့်လှစ်ပေးမည်ဖြစ်ပါကြောင်း၊ ထို့အတူ Nation Wide Telecommunication Service Provider လိုင်စင် ရယူထားသော မိုဘိုင်းတယ်လီဖုန်းအော်ပရေတာများဖြစ်သည့် Telenor Myanmar Limited နှင့် Ooredoo Myanmar Limited တို့အနက် Telenor Myanmar Limited ကလည်း ကျောက်တလုံး ကြီးမြို့နယ်ခွဲ၊ နောင်ကားကျေးရွာမှာ တည်ဆောက်ထားသည့် တာဝါတိုင်တွင်  စက်ပစ္စည်းများကို ၂၀၁၅ ခုနှစ် ဇူလိုင်လကုန်တွင် တပ်ဆင်ပေးရန် စီစဉ်ဆောင်ရွက်နေပြီ ဖြစ်ပါကြောင်း။

ထို့အပြင် Ooredoo Myanmar Limited ကလည်း ကျောက်တလုံးကြီးမြို့နယ်ခွဲ၊ နားဟီးကျေးရွာအုပ်စု၊ ဟန်စီးကျေးရွာမှာ တာဝါတိုင်တစ်တိုင်၊ ပင်တွန်းကျေးရွာအုပ်စု၊ နန်းပါတက်ကျေးရွာမှာ  တာဝါတိုင်တစ်တိုင် စုစုပေါင်း တာဝါတိုင် ၂ တိုင်ကို တည်ဆောက်ပေးထားပြီး ဖြစ်ပါကြောင်း၊ သို့သော် Ooredoo Myanmar Limited နှင့် Telenor Myanmar Limited တို့သည် ကျောက်တလုံးကြီးမြို့တွင် တာဝါတိုင်တည်ဆောက်ပေးရန် လျာထားခြင်း မရှိသေးသည့်နည်းတူ မြန်မာ့ဆက်သွယ်ရေးလုပ်ငန်းသည်လည်း မိုဘိုင်းရေဒီယိုစခန်းများကို စီမံကိန်းလျာထားချက်အရ အဆင့်အလိုက် တည်ဆောက်နေရသည့်အတွက် ကျောက်တလုံးကြီးမြို့တွင် မိုဘိုင်းရေဒီယိုစခန်းတစ်ခုကို ယခုအချိန်တွင် တည်ဆောက်ပေးနိုင်ခြင်းမရှိကြောင်း ရှင်းလင်းဖြေကြားပါသည်။