(က)-ရွေးကောက်ပွဲဆိုင်ရာ စနစ်များ၊ ဗဟုသုတများကို စာသင်ကျောင်းများတွင် သင်ကြားပေးခြင်း၊ ကျောင်းတွင်း ရွေးကောက်ပွဲအလေ့အထများကို ကျောင်းသား၊ ကျောင်းသူလူငယ်များ ရင်းနှီးကျွမ်းဝင်မှုရှိစေရန် ဆောင်ရွက်ပေးနိုင်ခြင်းရှိ/မရှိနှင့်စပ်လျဉ်းသည့် မေးခွန်း

ရွေးကောက်ပွဲစနစ်များ၊ ရွေးကောက်ပွဲဆိုင်ရာဗဟုသုတများကို စာသင်ကျောင်းများတွင် သင်ကြားပေး ခြင်း၊ ကျောင်းတွင်းရွေးကောက်ပွဲများမှ တစ်ဆင့် ရွေးကောက်ပွဲအလေ့အထများကို ကျောင်းသား၊ ကျောင်းသူလူငယ်များ ရင်းနှီးကျွမ်းဝင်မှုရှိစေရန် ဆောင်ရွက်ပေးနိုင်ခြင်းရှိ/မရှိနှင့် စပ်လျဉ်းသည့် မေးခွန်း

မြန်မာ့ဒီမိုကရေစီအရေးအတွက် ကျန်းမာသန်စွမ်းသည့် ဒီမိုကရေစီနိုင်ငံတစ်ခုကို ထူထောင်ရန်ဆိုသည်မှာ ဒီမိုကရေစီ၏ ကျင့်စဉ်နှင့် လုပ်ထုံးလုပ်နည်း များကို လူတိုင်းလိုက်နာရန် လိုအပ်ပါကြောင်း၊ ထို့ကြောင့် မိမိတို့က ကျန်းမာသန်စွမ်းသည့် လူ့အဖွဲ့အစည်းတစ်ခုကို ထူထောင်နိုင်မည် ဖြစ်ပါကြောင်း၊ မိမိတို့ နိုင်ငံလို ဒီမိုကရေစီအသွင်ကူးပြောင်းစ နိုင်ငံတစ်ခုအနေဖြင့် မဲပေးမည့်သူများကို ပညာပေးရေးလုပ်ငန်းစဉ်များ အရမ်းအရေးကြီးသကဲ့သို့ ဒီမိုကရေစီအဟောင်းအတွက်ရော၊ ဒီမိုကရေစီနိုင်ငံ အသစ်များအတွက်ပါ ဒီမိုကရေစီခိုင်မာ အားကောင်းရန်အတွက် ကျောင်းသားလူငယ်များကို ပညာပေးရန် လိုအပ်လှပါကြောင်း၊ ထို့ကြောင့် ကျောင်းသားလူငယ်များကို ပညာပေးသည့်အခါ နှစ်နည်းဖြင့် ပညာပေးနိုင်ပါကြောင်း၊ တစ်နည်းက Concerned ပိုင်းဆိုင်ရာ၊ သီအိုရီပိုင်းဆိုင်ရာ ပညာပေးဖို့ ဖြစ်ပါကြောင်း၊ ၎င်းအရာက သင်ရိုးညွှန်းတမ်းများ ပြဋ္ဌာန်းပြီးမှ သင့်တော်သော အတန်းများတွင် ရွေးကောက်ပွဲဆိုင်ရာ စနစ်များနှင့်ပတ်သက်ပြီး လေ့လာသင်ယူစေခြင်း ဖြစ်ပါကြောင်း၊ ဒုတိယတစ်မျိုးက ကျောင်းသားများကို စာတွေ့တင်မကဘဲ လက်တွေ့ပါ သင်ကြားပေးပြီး ထိတွေ့ပေးခြင်း ဖြစ်ပါကြောင်း၊ လက်တွေ့ပညာရေးတွင် “ ငါကြားထက်ကိုလည်း ငါမြင်တဲ့ဟာကို ပိုပြီးတော့မှ နားလည်တယ်။ ငါမြင်တာထက်ကို ငါထိတွေ့ဖူးတာကို ပိုနားလည်တယ်” ဆိုသည့် ပညာရေးတွင် အဆိုတစ်ခုရှိပါကြောင်း၊ ထို့ကြောင့် မိမိတို့က အယူအဆပိုင်းများကို သင်ပေးခြင်းထက်ကို ၎င်းတို့အား ထိတွေ့ပေးလိုက်မည်ဆိုပါက ပိုပြီးအားကောင်းမည်ဟုယူဆ ရပါကြောင်း၊ အထူးသဖြင့် ကျောင်းများတွင် ကျောင်းသား အတန်းခေါင်းဆောင်များ ရွေးခြင်းမျိုး ရှိပါကြောင်း၊ အတန်းခေါင်းဆောင် ရွေးသည့်အခါ ဒီမိုကရေစီ ကျင့်စဉ်ကျင့်ထုံးများနှင့်အညီ စနစ်တကျလုပ်ပေးနိုင်မည်ဆိုလျှင် သေချာသည်က ရွေးကောက်ပွဲ အတွေ့အကြုံများ အများကြီး ရလာပြီး အနည်းဆုံးအတန်းခေါင်းဆောင် ရွေးသည့်အခါမျိုးတွင် First Pass the Push ကဲ့သို့ စနစ်မျိုးကို နားလည်လာမည်ဟုလည်း မိမိယူဆရပါကြောင်း၊ အဆိုပါ စာသင်ကျောင်းတွင် ၎င်းစနစ်များကို ဖန်တီး၍ရပါကြောင်း၊ အတန်းခေါင်းဆောင်အပြင် ကျောင်းခေါင်းဆောင်၊ အားကစား ခေါင်းဆောင်၊ ယဉ်ကျေးမှုခေါင်းဆောင်၊ အခြားဒီမိုကရေစီ နိုင်ငံများတွင် ဆောင်ရွက်နေကြသည့် စနစ်မျိုးများရှိပါကြောင်း၊ ထို့ကြောင့် မိမိတို့က ရွေးကောက်ပွဲစနစ်အမျိုးမျိုးဖြင့် ကျောင်းသားများကို မိမိတို့ပေးပြီးမှ ထိတွေ့နိုင်ပါကြောင်း၊

အကယ်၍ တကယ်လုပ်ပေးနိုင်မည်ဆိုလျှင် အကျိုးကျေးဇူးက အများကြီးရရှိမည် ဖြစ်ပါကြောင်း၊ မိမိပြောချင်သည်မှာ ကျန်းမာရေးအားမကောင်းသည့် ဒီမိုကရေစီများတွင် မနာလိုဝန်တိုမှုများ များပြီး ကိုယ့်အရည်အချင်းကို မြင့်တက်ရန်မကြိုးစားဘဲ သူများ၏အားနည်းချက်ကို လိုက်ရှာပြီး နောက်ကျော ဓားဖြင့် ထိုးခြင်းမျိုး၊ ခြေထိုးသည့်လုပ်ငန်းများကိုဘဲလုပ်ပြီး ဒီမိုကရေစီများသည် ပိုပြီးမှ မရှင်သန် ကြပါကြောင်း၊ မိမိ၏အရည်အချင်းကို မြှင့်တင်ပြီးမှ အဓိကယှဉ်ပြိုင်မှုတစ်ခုတွင် မျှတသည့် အခြေအနေကို ဖန်တီးရမည်။ မျှတသည့် အခြေအနေနှင့်အတူတူ၊ Level Play Ground အတူတူဖြင့် ယှဉ်ပြိုင်ကြမည်ဆိုသည့် အသိမျိုးများ ရရှိနေမည်ဖြစ်ပါကြောင်း၊ နောက်တစ်ခုကအများကို ကိုယ်စားပြု ထားတာဖြစ်သည့်အတွက် အများကလက်ခံနိုင်သော သူဖြစ်အောင် ကိုယ်ရည်ကိုယ်သွေး ကောင်းရန်လိုအပ်ခြင်း ဖြစ်သည့်အတွက် ကိုယ်ရည်ကိုယ်သွေးများကို ပိုသထက်၊ ပိုသထက် ကောင်းအောင် လုပ်ရမည်ဆိုသည့်အသိ လူငယ်များကို ပေးနိုင်မည်ဖြစ်ပါကြောင်း၊ နောက်ဆုံးတစ်ခု ထောက်ပြချင်သည်မှာ ယခုလို လုပ်ပေးလိုက်ခြင်းအားဖြင့် တာဝန်သိတတ်သည့် နိုင်ငံသားများပိုပြီး မွေးထုတ်လာနိုင်သကဲ့သို့ တာဝန်ယူမှု/တာဝန်ခံမှု ရှိလာသော အနာဂတ်ခေါင်းဆောင်များလည်း ပေါ်ပေါက်လာနိုင်ပါကြောင်း၊ မိမိတို့နိုင်ငံအတွက် အသစ်မဟုတ်ပါကြောင်း၊ တခြားနိုင်ငံများတွင် လုပ်နေခြင်း၊ နမူနာများအများကြီးရှိပါကြောင်း၊ ထို့ကြောင့် လက်ရှိခေါင်းဆောင်များသည် မိမိတို့၏ အိပ်မက်များကို အကောင်အထည် ဖော်ပေးမည့်သူများ ဖြစ်ခြင်းကြောင့် အဆိုပါရွေးကောက်ပွဲနှင့် ပတ်သက်သည့် အသိပညာများကို ကျောင်းသားလူငယ်များအား မျှဝေပေးနိုင်ခြင်းရှိ/မရှိ သိရှိလိုပါကြောင်း မေးမြန်းပါသည်။