(ဂ)-လားရှိုးမြို့ မြို့တွင်းလမ်းတိုးချဲ့ပေးစေလိုမှု၏ ဆက်စပ်မေးခွန်းဖြေကြားချက်နှင့်ပတ်သက်၍ ဆောင်ရွက်ပေးနိုင်မှုအပေါ် သိလိုခြင်းနှင့်စပ်လျဉ်းသည့်မေးခွန်း

ကိုယ်စားလှယ်တော်ကြီး၏ မေးခွန်းသည် ယခုအချိန်တွင် မေးသည်မှာ ပင်မလမ်းကြီး(မိန်းလမ်းကြီး) တစ်ခုတည်းကို မေးသကဲ့သို့ ဖြစ်နေပါကြောင်း၊ သို့သော်လည်း မူလမေးခွန်းတွင်ပါသည့်အတိုင်း အဆိုပါလမ်းလေးခုကိုခြုံငုံ၍ ရှင်းလင်းတင်ပြသွားမည်ဖြစ်ကြောင်း၊ ရှမ်းပြည်နယ်(မြောက်ပိုင်း)၊ လားရှိုးမြို့နယ် စည်ပင်သာယာရေးအဖွဲ့မှ ၂၀၁၇-၂၀၁၈ ဘဏ္ဍာရေးနှစ် ပထမခြောက်လပတ် ရန်ပုံငွေကျပ်၁၅.၇ သန်းဖြင့် လမ်းမတော်လမ်းမှ ဈေးလမ်းဆုံထိ လမ်းအရှည် ၉၂၀ ပေ ကို အကျယ် ၃၆ ပေ ကတ္တရာထပ်ပိုးလွှာခင်းခြင်း လုပ်ငန်းအားလည်းကောင်း၊ ၂၀၁၇-၂၀၁၈ ဘဏ္ဍာရေးနှစ် ဒုတိယ‌ခြောက်လပတ်ရန်ပုံငွေ ၄၁.၁ သန်းဖြင့် ရန်ကင်းလမ်းဆုံမှ ရေပန်းလမ်းဆုံအထိ လမ်းအရှည် ၁၃၆၀ ပေကို တစ်ဘက်လျှင် ၁၀ ပေစီချဲ့၍ အကျယ် ၄၆ ပေ ကတ္တရာလမ်းချဲ့ခြင်း လုပ်ငန်းအားလည်းကောင်း ဆောင်ရွက်ပြီးစီးပြီးဖြစ်ပါကြောင်း၊ ပြီးခဲ့သည့် ၂၀၁၆ ခုနှစ်က ပြည်ထောင်စုဝန်ကြီး ဦးဝင်းခိုင် ဖြေခဲ့သည့်အဖြေပေါ်တွင် ဆောင်ရွက်ပြီးစီးမှု နံပါတ်(၁)ဖြစ်ပါကြောင်း၊ ထို့နောက် ရှမ်းပြည်နယ်(မြောက်ပိုင်း) ဆောက်လုပ်ရေးဝန်ကြီးဌာနပိုင် ပြည်နယ်ဆောက်လုပ်ရေး အဖွဲ့မှ စီမံခန့်ခွဲဆောင်ရွက်လျက်ရှိသည့် လားရှိုးဘူတာရုံလမ်း ၂ မိုင် ၂ ဖာလုံအနက်မှ ၁ မိုင်အား အကျယ် ၅၄ ပေအကျယ် နိုင်လွန်ကတ္တရာလမ်း အဖြစ်လည်းကောင်း၊ မိုင်တိုင်အမှတ်(၁) မှ (၂)ထိ ၁ မိုင် ၂ ဖာလုံအား အကျယ် ၄၄ ပေအကျယ် နိုင်လွန်ကတ္တရာလမ်းအဖြစ်လည်းကောင်း ၂၀၁၇-၂၀၁၈ ဘဏ္ဍာရေးနှစ်တွင် ဆောင်ရွက်ခဲ့ပြီးဖြစ်ပါကြောင်း၊ ၎င်းမှာလည်း ၂၀၁၆ ခုနှစ်ခန့်ကဖြေခဲ့သော ဆက်စပ်မေးခွန်းအဖြေကို ဆောင်ရွက်ပြီးစီးပြီးသည့် မှတ်တမ်း(၂)ဖြစ်ပါကြောင်း၊

လားရှိုးကြီးဘူတာရုံလမ်း မိုင်တိုင်အမှတ်(ဝ) မှ (၂/၃) အထိ ၂ မိုင် ၃ ဖာလုံအနက်မှ ၂ မိုင်              ၁ ဖာလုံအား ၂၀၁၈-၂၀၁၉ ဘဏ္ဍာရေးနှစ်တွင် ရှမ်းပြည်နယ်အစိုးရအဖွဲ့ ရန်ပုံငွေ ၁၅၈၆၅.၇၆၃ သန်း ဖြင့် ကတ္တရာလမ်းအကျယ် ၁၈ ပေတွင် အကျယ် ၃၆ ပေထိ တိုးချဲ့ခြင်း၊  ပြုပြင်ထိန်းသိမ်းခြင်းလုပ်ငန်း များ ဆောင်ရွက်ခြင်း၊ နိုင်လွန်ကတ္တရာလမ်းခင်းခြင်း၊ ကွန်ကရစ်လမ်းခင်းခြင်းလုပ်ငန်းများ အကောင် အထည်ဖော် ဆောင်ရွက်လျက်ရှိပြီး ဆောင်ရွက်ရန်ကျန်ရှိသော ၂ ဖာလုံကို ၂၀၁၈-၂၀၁၉ ဘဏ္ဍာနှစ် ရှမ်းပြည်နယ်အစိုးရအဖွဲ့၏ ငွေလုံးငွေရင်းရန်ပုံငွေတွင် ထပ်မံတောင်းခံထားပါကြောင်း၊ ၎င်းမှာ  နံပါတ်(၃)ဖြစ်သော ပြီးခဲ့သည့် ၂၀၁၆ ခုနှစ်ခန့်က ပြည်ထောင်စုဝန်ကြီး ဦးဝင်းခိုင် ဖြေကြားသည့် နံပါတ်(၃) ဆက်စပ်မေးခွန်း၏ ဆောင်ရွက်ထားရှိမှုအခြေအနေပင် ဖြစ်ပါကြောင်း၊

လားရှိုး-မန်စံ-နမ္မတူလမ်းတွင် ၂၈ မိုင် ၄ ဖာလုံရှည်လျားပြီး‌ လားရှိုး-မန်စံ-နမ္မတူလမ်းကြီးမှာ  ကိုယ်စားလှယ်တော်ကြီးပြောသည့် မိန်းလမ်းကြီးဖြစ်ပါကြောင်း၊ လမ်းကြီးမှာ စုစုပေါင်း လားရှိုးမြို့ထဲတွင် ၂၈ မိုင် ၄ ဖာလုံ ရှည်လျားပါကြောင်း၊ လားရှိုးမြို့တွင်းလမ်း(ဝ/၀) မှ (၁/၁/)အထိ လမ်းအထူးအဖွဲ့(၆)မှ တာဝန်ယူပါကြောင်း၊ ၎င်းလမ်းပိုင်းကို ကတ္တရာလမ်း အကျယ် ၂၂ ပေမှ အကျယ် ၂၈ ပေအထိ တိုးချဲ့ခြင်းလုပ်ငန်းကို ၂၀၁၇-၂၀၁၈ ဘဏ္ဍာရေးနှစ်တွင် ဆောင်ရွက်ခဲ့ပြီး ဖြစ်ပါကြောင်း၊ မိုင်တိုင်အမှတ်(ဝ) မှ (၇)အထိ ၇ ဖာလုံကို ၂၈ ပေအကျယ် နိုင်လွန်ကတ္တရာ ခင်းခြင်းအတွက် ကွန်ကရစ်ခင်းခြင်းလုပ်ငန်းများကို ၂၀၁၈-၂၀၁၉ ဘဏ္ဍာရေးနှစ် ပြည်ထောင်စု ငွေလုံးငွေရင်းရန်ပုံငွေ ကျပ်သန်း ၅၀၀ ဖြင့် အကောင်အထည်ဖော် ဆောင်ရွက်လျက်ရှိပြီး ကျန်ရှိသည့် ၂ ဖာလုံကို ၂၀၁၈-၂၀၁၉ ဘဏ္ဍာရေးနှစ် ပြည်ထောင်စုငွေလုံးငွေရင်း ရန်ပုံငွေတွင် ဖြည့်စွက် တင်ပြတောင်းခံသွားမည်ဖြစ်ပါကြောင်း၊

ဆက်စပ်မေးခွန်းတွင် သိန်းနီလမ်းဟုပါရှိသည့် လမ်းပိုင်းမှာ ယခုတင်ပြလာသည့်လမ်းပိုင်း ဖြစ်ပါကြောင်း၊ လားရှိုးမြို့တွင်း အပိုင်းဖြစ်ပါကြောင်း၊ မြို့တော်ခန်းမအဝိုင်းမှ အေတီတံတားအထိ ၁၇၂ မှ ၁၇၈ ထိ ၆ မိုင်ရှည်လျားသည့် လမ်းပိုင်းဖြစ်ပါကြောင်း၊ မြို့တွင်းလမ်းပိုင်းဖြစ်သည့်အတွက် ယာဉ်သွားလာမှုများလည်းများပြားပြီး‌ မော်တော်ယာဉ်များ ကြပ်တည်းရှုပ်ထွေးနေသည့်နေရာ ဖြစ်ပါကြောင်း၊ လက်ရှိ အကျယ် ၄၈ ပေ အကျယ် ကတ္တရာလမ်း ဆောင်ရွက်ထားရှိပြီးဖြစ်ပါကြောင်း၊ ၎င်းလမ်းသည် Oriental Highway Company မှ B.O.T စနစ်နှင့် ဆောင်ရွက်သည့် လမ်းပိုင်းပေါ်တွင် တည်ရှိပါကြောင်း၊ ထို့ကြောင့် ဤလမ်းပိုင်းသည် မန္တလေးမှ လားရှိုးကိုဖြတ်ပြီး မူဆယ်အထိ ရောက်ရှိသွားသည့်လမ်းဖြစ်ပြီး အဆိုပါလမ်းပိုင်း တစ်လမ်းလုံးကို ၄၈ ပေချဲ့ရန်အတွက် ကုမ္ပဏီကို ဖိအားပေးထားသောကြောင့် မြို့တွင်းလမ်းများအားလုံး ၄၈ ပေချဲ့ပြီးပြီဖြစ်ကြောင်း၊ မြို့ပြင်လမ်းများ အားလုံး ၄၈ ပေချဲ့ပြီးသွားလျှင် မြို့တွင်းလမ်းပိုင်းကို AC ကတ္တရာပြန်ခင်းရန်အတွက် Oriental Highway Company ကို ထပ်မံအကြောင်းကြားထားပြီး ဖြစ်ပါကြောင်း၊ ထိုသို့မြှင့်တင်သည့်အခါ မိမိတို့ ညှိနှိုင်းဆက်သွယ်ရမည့် လျှပ်စစ်မီးတိုင်များ၊ ဆက်သွယ်ရေးတိုင်များ၊ စည်ပင်သာယာက ဆောင်ရွက်သည့် ပလက်ဖောင်းများ စသည်တို့ကို ရွှေ့ပြောင်းနိုင်ရေးအတွက် သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်သွားမည် ဖြစ်ပါကြောင်း၊

မန္တလေးတိုင်းဒေသကြီးအတွင်းရှိ ဝက်ဝံရွာမှ ရှမ်းပြည်နယ်(မြောက်ပိုင်း) မူဆယ်အထိ စုစုပေါင်း ၂၀၅ မိုင်အရှည်ရှိပါကြောင်း၊ ၄၈ ပေ လေးလမ်းသွားလမ်းအဖြစ်နှင့် တစ်လမ်းလုံးကို ဆောင်ရွက်နေပြီ ဖြစ်ပြီး ဆောင်ရွက်ပြီးပါက ခန့်မှန်းခြေအားဖြင့် ၂၀၂၀ ခုနှစ်နောက်ပိုင်းကာလများတွင် လားရှိုးမြို့တွင်း လမ်း ယခုဖော်ပြပါလမ်းကို AC လမ်းအဖြစ် အဆင့်မြှင့်တင် ဆောင်ရွက်ပေးသွားနိုင်ပြီ ဖြစ်ပါကြောင်း ရှင်းလင်းဖြေကြားပါသည်။