(ခ)-စဉ့်ကိုင်မြို့နယ် အခြေခံပညာအထက်တန်းကျောင်း(ခွဲ) မုန်ပင်တွင် လိုအပ်လျက်ရှိသော စာသင်ဆောင် အသစ်(၁)ဆောင် ဆောက်လုပ်ပေးရန်နှင့် လစ်လပ်လျက်ရှိသော ရာထူးနေရာများတွင် ဖွဲ့စည်းပုံ ပြည့်မီအောင် ဝန်ထမ်းများခန့်ထားပေးပါရန် အစီအစဉ်ရှိ/မရှိနှင့်စပ်လျဉ်းသည့်မေးခွန်း

မန္တလေးတိုင်းဒေသကြီး၊ စဉ့်ကိုင်မြို့နယ်၊ မုန်ပင်ကျေးရွာ အခြေခံပညာအထက်တန်းကျောင်း(ခွဲ)တွင် ကျောင်းအုပ်ကြီးတစ်ဦး၊ အထက်တန်းပြ ခုနစ်ဦး၊ အလယ်တန်းပြကိုးဦး၊ မူလတန်းပြရှစ်ဦး၊ ဝန်ထမ်း အင်အား စုစုပေါင်း ၂၅ ဦးရှိပြီး၊ အလယ်တန်းပြ၊ ကာယ၊ စာရေး(၁)၊ ရုံးအကူ၊ သန့်ရှင်းရေး၊ ကျောင်းစောင့် နေရာများ လစ်လပ်လျက်ရှိပါကြောင်း၊ အဆိုပါကျောင်းတွင် အထက်တန်းပြနှင့် အလယ်တန်းပြ အင်အားလစ်လပ်ခြင်းမရှိပါကြောင်းနှင့် ဝန်ကြီးဌာနမှ ၂၁-၆-၂၀၁၈ ရက်နေ့တွင် မူလတန်းပြသုံးဦးအား ထပ်မံဖြည့်ဆည်းခန့်ထားပေးပြီးဖြစ်ပါကြောင်း၊ ၂၀၁၈-၁၉ ဘဏ္ဍာရေးနှစ် ငွေလုံးငွေရင်း တည်ဆောက်ရေး လျာထားချက်များ ဆောင်ရွက်ရာတွင် အသစ်တည်ဆောက်ရန်လိုအပ်သော အခြေခံပညာ အထက်တန်း ကျောင်းများ၊ ရုံးများ၊ အန္တရာယ်ရှိကျောင်းဆောင်များ၊ ကျောင်းသားဦးရေအရ တိုးချဲ့ရန်လိုအပ်သော ကျောင်းများ၊ သိပ္ပံဆောင်လိုအပ်သောကျောင်းများ၊ သဘာဝဘေးဒဏ်ကြောင့် နေရာပြောင်းရွှေ့ ဆောက်လုပ်ရန် လိုအပ်သောကျောင်းများ အစရှိသဖြင့် လုပ်ငန်းများခွဲခြားပြီး မြို့နယ်အလိုက် ဦးစားပေးအဆင့်များ သတ်မှတ်ဆောင်ရွက်ခဲ့ပါကြောင်း၊ ၂၀၁၈ ခုနှစ် ခြောက်လဘတ်ဂျက် ငွေလုံးငွေရင်း လျာထားချက်တွင် စဉ့်ကိုင်မြို့နယ်အတွင်း အခြေခံပညာကျောင်းဆောင် တည်ဆောက်ရေးလုပ်ငန်း ၁၅ ခုအား လျာထားပြီးဖြစ်ပါကြောင်း၊ ၂၀၁၈ ခုနှစ် ခြောက်လတာ ဘတ်ဂျက်တွင် လုပ်ငန်းတန်ဖိုး ၁၀၀ ရာခိုင်နှုန်းပြည့်မီအောင် ဆောင်ရွက်နိုင်ခြင်း၊ အချိန်အားဖြင့်သော်လည်းကောင်း၊ ဘဏ္ဍာရေးနှစ်အားဖြင့် သော်လည်းကောင်း၊ ဆောင်ရွက်နိုင်ခြင်းမရှိသည့် အတွက် ၂၅ ရာခိုင်နှုန်း၊ ၅၀ ရာခိုင်နှုန်း စသဖြင့် လျာထားပါကြောင်း၊  လာမည့် ၂၀၁၈-၁၉ ဘဏ္ဍာရေးနှစ် ၁၂ လ ဘတ်ဂျက်တွင် ၎င်းလုပ်ငန်းများကို ပြီးပြတ်အောင် ဆက်လက်ဆောင်ရွက်ပေးသွားမည် ဖြစ်ပါကြောင်း၊ မန္တလေးတိုင်းဒေသကြီး၊ စဉ့်ကိုင် မြို့နယ် မုန်ပင်ကျေးရွာ အခြေခံပညာအကထ်တန်းကျောင်း(ခွဲ) တွင် လက်ရှိ ၈၀ ပေ x ၂၀ ပေ သွပ်မိုးတစ်ဆောင်၊ အုပ်ညှပ်တစ်ဆောင် ၃၀ ပေ x ၂၀ ပေ သွပ်မိုး၊ ထရံကာ တစ်ထပ်ဆောင်တစ်ဆောင်၊ ၆၃ ပေ x ၂၀ ပေ သွပ်မိုး၊ အုတ်ညှပ်တစ်ထပ်ဆောင် တစ်ဆောင်၊ ၃၆ ပေ x ၂၀ ပေ သွပ်မိုး၊ ထရံကာတစ်ဆောင်၊ ၉၀ ပေ x ၂၄ ပေ သွပ်မိုး၊ အုတ်ညှပ်တစ်ထပ်ဆောင်တစ်ဆောင်၊ ၃၀ ပေ x ၂၀ ပေ သွပ်မိုး၊ ထရံကာတစ်ထပ်ဆောင်တစ်ဆောင်၊ ၃၀ ပေ x ၂၀ ပေ RC တစ်ထပ်ဆောင်တစ်ဆောင် စုစုပေါင်းစာသင်ဆောင်ခုနစ်ဆောင် အသုံးပြု သင်ကြားလျက်ရှိသည်ကိုတွေ့ရှိရပါကြောင်း၊ မန္တလေးတိုင်းဒေသကြီး၊ စဉ့်ကိုင်မြို့နယ်၊ မုန်ပင်ကျေးရွာ အခြေခံပညာအထက်တန်းကျောင်း(ခွဲ)တွင် ပေ ၁၄၀ x ပေ ၃၀ တစ်ထပ်ဆောင်အသစ်ဆောက်လုပ်ပေးရန် လိုအပ်သည့်ရန်ပုံငွေကို ၂၀၁၉-၂၀ ဘဏ္ဍာရေးနှစ် ရရှိမှ သာ ခွဲဝေရရှိမှုနှင့် ရန်ပုံငွေအခြေအနေအပေါ်မူတည်ပြီး ဦးစားပေးအဆင့် လျာထားဖြည့်ဆည်းပေးရန် စီစဉ်ဆောင်ရွက်ထားပါကြောင်း၊ တည်ဆောက်ရေးလုပ်ငန်းများကို ၂၀၁၈-၁၉ ဘဏ္ဍာရေးနှစ် ခြောက်လဘဏ္ဍာရေးကာလအတွင်း လျာထားခဲ့ပါကြောင်း၊ လျာထားသည့်နေရာတွင် ဘတ်ဂျက်ရရှိမှု၊ ဘတ်ဂျက်ကာလတိုတောင်းမှုကြောင့် လျာနှုန်းပြည့်အောင် လျာထားခြင်းမရှိခဲ့ပါကြောင်း၊ ၅၀ ရာခိုင်နှုန်း၊ ၂၅ ရာခိုင်နှုန်း စသဖြင့် ရာနှုန်းအလိုက် လျာထားခဲ့ပါကြောင်း၊ ယခုလို လျာထား ဆောင်ရွက်ရာတွင် ယခု ခြောက်လဘတ်ဂျက်ကာလတွင် မိမိတို့ဝန်ထမ်းများအား လစာတိုးပေးခြင်း အစီအစဉ် ဆောင်ရွက်ခဲ့ပါကြောင်း၊ လစာတိုးပေးခြင်းအစီအစဉ်ဆောင်ရွက်ရာတွင် ၎င်းဖြည့်စွက်ရန်ပုံငွေ ကို တင်ပြတောင်းခံခြင်းမရှိဘဲ ဆောင်ရွက်လက်စလုပ်ငန်းများကို ရာခိုင်နှုန်းလျော့သည့်လုပ်ငန်းများ၊ ခေတ္တဆိုင်းထားသည့်လုပ်ငန်းများ စသဖြင့် ဆောင်ရွက်ခဲ့ပါကြောင်း၊ လစာ တိုးခြင်းအားဖြင့် မိမိတို့တွင် ဘီလီယံ ၁၀၀ လောက်လိုငွေရှိပါကြောင်း၊  အထူးတင်ပြလို့သည်မှာ  ၂၀၁၈-၁၉ ဘဏ္ဍာရေးနှစ် ၁၂ လဘတ်ဂျက်သည် ၂၀၁၈-၁၉ ဘဏ္ဍာရေးနှစ် ခြောက်လ ဘတ်ဂျက်အတွင်း လျာထားသည့် လုပ်ငန်းများကို ပြီးပြတ်အောင် ဆက်လက်ဆောင်ရွက်မည့် ရန်ပုံငွေများ ဖြစ်ပါကြောင်း၊  ထိုနည်းတူ ဘတ်ဂျက်လစာအတွက် ဆောင်ရွက်မှုအရ ခေတ္တဆိုင်းထားသည့်လုပ်ငန်းများ ကို ၂၀၁၈-၁၉ ဘဏ္ဍာရေး နှစ် အတွင်း ပြီးပြတ်အောင်ဆောင်ရွက်ရမည်ဖြစ်ပါကြောင်း၊  သို့ဖြစ်ပါ၍ ၂၀၁၈-၁၉ ဘဏ္ဍာရေး နှစ် ၁၂ လ ဘတ်ဂျက်သည် ၂၀၁၈-၁၉ ဘဏ္ဍာရေးနှစ် ခြောက်လဘတ်ဂျက်တွင် ပါရှိသည့် လုပ်ငန်းများကို ပြီးပြတ်အောင်ဆောင်ရွက်နိုင်ရန်သာ စီစဉ်ထားသည့် အတွက် လုပ်ငန်းသစ်များ တိုးချဲ့နိုင်ရန် အခြေအနေ နည်းပါး ပါကြောင်းနှင့် လုပ်ငန်းသစ်များကို ၂၀၁၉-၂၀ ဘဏ္ဍာရေးနှစ်တွင် လျာထားဆောင်ရွက် နိုင်မည်ဖြစ်ပါကြောင်း ပြန်လည်ဖြေကြားခဲ့ပါသည်။