ချင်းပြည်နယ်၊ ထန်တလန်မြို့နယ်အတွင်း အထက်တန်းအဆင့်၊ အလယ်တန်းအဆင့်နှင့် မူလတန်း အဆင့်ကျောင်းဖြင့် ကျောင်းပေါင်း ၁၁၃ ကျောင်းကို နိုင်ငံတော် အစိုးရမှ ဖွင့်လှစ်ပေးခဲ့ပြီးဖြစ်ပါကြောင်း၊ ၎င်းကျောင်းများကို စီမံအုပ်ချုပ်သည့် ထန်တလန်မြို့နယ် ပညာရေးမှူးရုံးကို ၁၉၈၄-၈၅ ဘဏ္ဍာရေးနှစ်တွင် အ.ထ.က(၁)ထန်တလန်သိပ္ပံခန်းအမည်ဖြင့် အဆောက်အဦ ၃၀ ပေ x ၃၀ ပေ x ၁၂ ပေ သွပ်မိုး၊ အုတ်ညှပ်တစ်ထပ်အတွက် ရန်ပုံငွေ ၁၇၅၀၀၀ ကျပ်ဖြင့်လည်းကောင်း၊ ၁၉၉၅-၉၆ ဘဏ္ဍာရေးနှစ်တွင် အဆောက်အဦတိုးချဲ့ခြင်းကို ၃၀ ပေ x ၃၀ ပေ x ၁၂ ပေ သွပ်မိုး၊ အုတ်ညှပ်တစ်ထပ်အတွက် ရန်ပုံ ငွေကျပ် နှစ်သိန်းဖြင့် ဆောက်လုပ်ပေးခဲ့ပါကြောင်း၊ ၎င်း အဆောက်အဦတွင် ဝန်ထမ်း ၂၈ ဦးဖြင့် ရုံးတက် ရသဖြင့် နေရာကြပ်လျက်ရှိပါကြောင်း၊ ဝန်ထမ်းဖွဲ့စည်းပုံအရ ၅၄ ဦးခန့်ထားမည်ဖြစ်ပါက နေရာအခက်အခဲ ပိုမိုကြုံတွေ့လာမည် ဖြစ်ပါကြောင်း၊ ထို့အပြင် နယ်ကျောင်းအုပ်များအတွက် အစည်းအဝေးခေါ်ရာတွင် နေရာမရှိခြင်း၊ ကျောင်းသုံးပရိဘောဂနှင့် စာရေးကိရိယာများ ခေတ္တထားရှိရန်နေရာ မရှိသည့်အတွက် အဆောင်သစ် ဆောက်လုပ်ပေးရန် အထူးလိုအပ်နေပါသဖြင့် ချင်းပြည်နယ်၊ ထန်တလန်မြို့နယ်ပညာရေး မှူးရုံးကို မြို့နယ်ရုံးအင်္ဂါရပ်နှင့်အညီ ၁၀၀ ပေ x ၃၀ ပေ x ၂၄ ပေ သွပ်မိုး၊ RCC နှစ်ထပ်အသစ် ဆောက်လုပ်ပေးပါရန်အတွက် အစီအစဉ်ရှိ/မရှိနှင့် အစီအစဉ်ရှိပါက မည်သည့်အချိန်မှစ၍ ဆောက်လုပ် ပေးမည်ကို သိရှိလိုပါကြောင်းဖြင့် မေးမြန်ပါသည်။
၂၀၁၈-၁၉ ဘဏ္ဍာရေးနှစ် ငွေလုံးငွေရင်းလျာထားချက်သည် အဓိကအားဖြင့် ကျောင်းသားဦးရေအရ တိုးချဲ့ရန်လိုအပ်သော ကျောင်းများ၊ ကျောင်းဆောင်သစ်တိုးချဲ့ရန်လိုအပ်သော ကျောင်းများ၊ အသစ် တည်ဆောက်ရန်လိုအပ်သောကျောင်းများ၊ အန္တရာယ်ရှိကျောင်းဆောင်များအတွက် အစားထိုးရန် လိုအပ် သော ကျောင်းများ၊ သဘာဝဘေးဒဏ်ကြောင့် နေရာပြောင်းရွှေ့ရန်လိုအပ်သောကျောင်းများ၊ သိပ္ပံဆောင် လိုအပ်သောကျောင်းများ စသဖြင့် လုပ်ငန်းသဘာဝခွဲခြားပြီး မြို့နယ်အလိုက်ဦးစားပေးလုပ်ငန်းများ ဆောင်ရွက်ခဲ့ပါကြောင်း၊ ချင်းပြည်နယ်၊ ထန်တလန်မြို့နယ်အတွက် ၂၀၁၈-၁၉ ဘဏ္ဍာရေးနှစ်အတွင်း ငွေလုံးငွေရင်း(တည်ဆောက်ရေး)လျာထားချက်အရ အခြေခံပညာကျောင်း ဆောင်တည်ဆောက်ရေး လုပ်ငန်းပေါင်း ၁၃ ခုကို လျာထားပြီးဖြစ်ပါကြောင်း ၊ မြို့နယ်ပညာရေးမှူးရုံး အသစ်ဆောက်လုပ်ခြင်း ကို ၂၀၁၈-၁၉ ဘဏ္ဍာရေးနှစ်တွင် ဆောင်ရွက်ပေးနိုင်ခြင်းမရှိပါကြောင်းနှင့် ၂၀၁၉-၂၀ ဘဏ္ဍာရေး နှစ်၏ ငွေလုံးငွေရင်း ရရှိမှုရန်ပုံငွေအခြေအနေအပေါ်မူတည်ပြီး ဆောင်ရွက်လျာထားပေးမည် ဖြစ်ပါကြောင်း ပြန်လည်ဖြေကြားခဲ့ပါသည်။