(ဃ)-တံတားဦးမြို့နယ်ရှိ ရန်ကုန်-မန္တလေး အမြန်လမ်းမကြီးတွင် လမ်းများဖြည့်ဆည်းပြင်ဆင် တည်ဆောက် ပေးရန် နှင့်စပ်လျဉ်းသည့် မေးခွန်း

မန္တလေးတိုင်းဒေသကြီး၊ တံတားဦး မဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ခင်သန္တာမှ ပြည်သူ့လွှတ်တော်အစည်းအဝေးသို့ မေးမြန်းထားတဲ့ တံတားဦးမြို့နယ်အတွင်းမှာရှိတဲ့ ရန်ကုန်-မန္တလေးအမြန်လမ်းတွင် ပြုလုပ်ထားတဲ့ Under Pass လမ်းများ ရာသီမရွေးအသုံးပြုနိုင်ရန် ထပ်မံပြုပြင်ပေးရန်၊ လမ်းမကြီးနှင့်ယှဉ်လျက် ကျေးလက်သုံးလမ်းဖောက်လုပ်ပေးရန်နှင့် ဒေသခံပြည်သူများ  လမ်းအခက်အခဲနှင့် ကြုံတွေ့နေရတဲ့ အတွက် လမ်းများဖြည့်ဆည်းပြင်ဆင်တည်ဆောက်ပေးရန်စတဲ့ မေးခွန်းကို ကျွန်တော်  ဖြေကြားမှာ ဖြစ်ပါတယ်။ တံတားဦးမြို့နယ်မှာရှိတဲ့ ရန်ကုန်-မန္တလေးအမြန်လမ်းမှာ Under Pass ၈ ခု တည်ဆောက်ထားပြီးဖြစ်ပါတယ်။ အဲဒီ Under Pass တွေကတော့ စောစောက တင်ပြတဲ့အတိုင်း (၁/၃၃၄)၊ (၅/၃၄၁)၊ (၂/၃၄၂)၊ (၂/၃၄၆)၊ (၃/၃၄၈)၊ (၃/၃၄၉)၊ (၂/၃၅၀)၊ (၁/၃၅၅) တို့ဖြစ်ပါတယ်။ အဲဒီအထဲမှာ ကျွန်တော်တို့ (၁/၃၃၄)၊ (၅/၃၄၁)၊ (၂/၃၄၂)၊ (၃/၃၄၈)၊ (၃/၃၄၉)၊ (၂/၃၅၀)၊ (၁/၃၅၅) စတဲ့ Under Pass ၇ ခုဟာ ဆိုင်ကယ်တွေ၊ လှည်းတွေနဲ့ ထွေလာဂျီတွေ သွားနိုင်တဲ့အနေအထားမှာ ရှိပါတယ်။ ဒါကိုလည်း နှစ်စဉ်ပြုပြင်ပေးလျက်ရှိပါတယ်။ ဒီထဲမှာ စောစောက ကိုယ်စားလှယ်ကြီး တင်ပြတဲ့ Under Pass (၂/၃၄၆) တစ်ခုကတော့ မိုးတွင်းမှာ ဒါရေနှစ်ပေခန့် နက်တယ်ဆိုတာ မှန်ပါတယ်။ ဒါလည်း ဒီနှစ်မှာ ကျွန်တော်တို့ စပြီးလုပ်နေပါတယ်။ ဒီ Under Pass တွေနဲ့ ပတ်သက် လို့ကတော့ ကျွန်တော်တို့ရဲ့ လိုအပ်ချက်တွေကတော့ လမ်းနဲ့ပတ်သက်တဲ့ လိုအပ်ချက်တွေက ကျွန်တော်တို့ ရှိပါတယ်။ လွှတ်တော်ကိုယ်စားလှယ်ကြီး ပြောသွားတာလည်း ဒါကျွန်တော်တို့ ငြင်းလို့ မရပါဘူး။ ကျွန်တော်တို့ ပြည်သူအတွက်လုပ်ပေးသင့်တာတွေ အများကြီးရှိပါတယ်။ ဒါပေမယ့် ကျွန်တော်တို့ အ‌ွခေအနေအရ ကျွန်တော်တို့ ဆောင်ရွက်နေတဲ့အနေအထားမှာ ဖြစ်ပါတယ်။ ဒီအထဲကနေ အကောင်းဆုံး ကျွန်တော်တို့ လုပ်ပေးဖို့ရှိတာကတော့ စောစောကပြောတဲ့ ဒီလမ်းနဲ့ အပြိုင် ကျေးရွာတွေဟာ လမ်းပိတ်နေတဲ့အနေအထားမျိုးတွေ ဖြစ်နေတဲ့ဟာတွေကိုတော့ ကျွန်တော်တို့ စတင်ပြီးတော့ ကျွန်တော်တို့ ဆောင်ရွက်နေရပြီ ဖြစ်ပါတယ်။ Under Pass အမှတ်(၂/၃၄၆) အတွင်း မှာတော့ ပေ ၂၇၅၀ ကို ဒါ အခုစပြီး လုပ်နေပါပြီ။ ဒါကို ဆက်သွယ်ရေးလမ်းအနေနဲ့ ကျွန်တော်တို့ ဆောင်ရွက်နေတာဖြစ်ပါတယ်။ ၁၂ ပေအကျယ် ကျောက်ရောမြေအမာခံ လမ်းခင်းပြီးတော့ ၄ ပေ ရေထုတ်ပြွန်တစ်စင်းလည်း ကျွန်တော်တို့ ဆောင်ရွက်သွားမှာဖြစ်ပါတယ်။ ထို့အတူပဲ ဒီ Under Pass တွေမှာ ရှိနေတဲ့လိုအပ်ချက်တွေကိုလည်း ကျွန်တော်တို့ ဆက်လက်ပြီးတော့ ဆောင်ရွက်ပေးသွား ပါမယ်။ ဒါ ကျွန်တော်တို့ ကွင်းဆင်းပြီးတော့ ထပ်မံစစ်ဆေးပြီးတော့ ကျွန်တော်တို့ လိုအပ်ချက်တွေကို အမြန်လမ်းနဲ့ပတ်သက်ပြီးတော့ အတတ်နိုင်ဆုံးဆောင်ရွက်ပေးမယ်ဆိုပြီးတော့ ကျွန်တော့်အနေနဲ့ ပြောကြားလိုပါတယ်။ တကယ်ကတော့ အမြန်လမ်းအနေနဲ့ ပြောမယ်ဆိုရင် ကျွန်တော်တို့ ဒီအမြန်လမ်း ပေါ်မှာ မော်တော်ဆိုင်ကယ်တို့၊ ထွေလာဂျီတို့ သွားခွင့်မရှိပါဘူး။ စောစောက ပြောသလိုပဲ သွားခွင့် မရှိပေမယ့် သူတို့မှာ သွားစရာလမ်းမရှိလို့သွားတယ်ဆိုတာလည်း ကျွန်တော်တို့ နားလည်ပါတယ်။ ဒါကြောင့်မို့လို့ ကျွန်တော်တို့ရဲ့လမ်းကြီးဟာ တစ်ဖက်ကို လေးလမ်းသွားအနေနဲ့ ကျွန်တော်တို့က ဖောက်လုပ်ထားတာ ဖြစ်ပါတယ်။ ဘေးမှာ ကျွန်တော်တို့ မြေသားတွေက ကျွန်တော်တို့ အမှန်တကယ် ပြောရရင်တော့ ချောပြီးသားပါ။ လောလောဆယ် ကျွန်တော်တို့ လုပ်ထားတာကတော့ လေးလမ်းသွား တစ်ဖက်ကို ရှိတဲ့နေရာမှာ ကွန်ကရစ်အနေနဲ့ နှစ်လမ်းသွားကိုပဲ ကျွန်တော်တို့ လုပ်ပြီးတော့ ပထမ အဆင့်အနေနဲ့ ကျွန်တော်တို့ အသုံးပြုနေတာ ဖြစ်ပါတယ်။ လမ်းရဲ့အနေအထားအရ ကျွန်တော်တို့ရဲ့ သွားရေးလာရေးကို အများကြီးအထောက်အကူဖြစ်သလို အန္တရာယ်ရှိနေတာတွေလည်း ကျွန်တော်တို့ တွေ့ရပါတယ်။ ဒါတွေလည်း ကျွန်တော်တို့ အခုဒီနှစ်ထဲမှာ အမျိုးမျိုးကြိုးစားပြီးတော့ ကျွန်တော်တို့ ရန်ပုံငွေရရှိရေးကို ဆောင်ရွက် နေပါတယ်။ နိုင်ငံတော်က တစ်ဖက်က ကျွန်တော်တို့ နိုင်ငံတော်ရဲ့ငွေနဲ့ ဆောင်ရွက်တာရှိသလို တစ်ဖက်ကလည်း နိုင်ငံခြားအကူအညီနဲ့ ကျွန်တော်တို့ လေးလမ်းသွားကြီး တစ်ဖက်စီဖြစ်သွားအောင် ဒီအန္တရာယ်တွေကင်းအောင် ကတ်ဒွေးကအစ Traffic System ကအစ အားလုံး ကောင်းမွန်အောင် ကြိုးစားပြီးဆောင်ရွက်နေပါတယ်။ ဒီကာလအတွင်းမှာ တစ်နှစ်ပြီးတစ်နှစ် တက်လာမယ်လို့ ကျွန်တော်တို့ မျှော်လင့်ထားပါတယ်။ ဒါကိုလည်းဖြစ်အောင် ကျွန်တော်တို့ ဆောင်ရွက်နေပါတယ်။ တဖြည်းဖြည်းအခုလက်ရှိ ကတ္တရာလမ်း ကွန်ကရစ်လမ်းအနေအထား ကနေပြီးတော့ ကျွန်တော်တို့ AC ကတ္တရာတင်ပြီးတော့ ဒီလမ်းကို ပိုမိုချောမွေ့အောင်လည်းပဲ ကျွန်တော်တို့ စတင်ပြီးတော့ ဆောင်ရွက်နေတာရှိပါတယ်။ ဒါပေမယ့် အားလုံးကန့်သတ်ချက်နဲ့ လုပ်တဲ့ အတွက်ကြောင့်မို့လို့ ကျွန်တော်တို့ ဒီအရေးကြီးဆုံးဟာကို ကျွန်တော်တို့စပြီးတော့ အန္တရာယ်လည်း ကင်းရှင်းအောင် သွားရေးလာရေးမှာလည်း လွယ်ကူအောင် အစစအဆင်ပြေအောင် ကြိုးပမ်း ဆောင်ရွက်နေပါတယ်။ စောစောကပြောတဲ့ Under Pass တွေနဲ့ ဆက်စပ်မှုရှိတဲ့ ရွာတွေကနေပြီးတော့ လမ်းပေါ်ကို မတက်ရသည့်တိုင်အောင် ဆက်ဆံရေးလမ်းကြောင်းများကို ကောင်းစွာသွားနိုင်အောင် လည်း ကျွန်တော့်အနေနဲ့ကြိုးပမ်းပြီး ဆောင်ရွက်သွားမှာဖြစ်တဲ့အကြောင်း ပြောကြားလိုပါတယ်။ အဲဒီတော့ နောက်ဆုံးအနေနဲ့ တင်ပြလိုတာကတော့ အမြန်လမ်းအနေနဲ့ လိုအပ်ချက်များကို ကျွန်တော် တို့ လျစ်လျူရှုမထားဘဲနဲ့လမ်းရော ကျွန်တော်တို့ ဒီကျေးရွာဆက်စပ်မှုအပိုင်းတွေမှာ အားလုံးအားသာ အောင် ကျွန်တော်တို့ ကြိုးပမ်းပြီး ဆောင်ရွက်နေပါတယ်။ နောက်ဆုံးလေးလမ်းသွားကြီး မဖြစ်သေးခင် မှာတောင်မှ ကျွန်တော်တို့ ဘေးကနေပြီးတော့မှ လွတ်လွတ်လပ်လပ်နဲ့ အန္တရာယ်ကင်းကင်းသွား နိုင်အောင် ကျွန်တော်တို့ ဒီယာယီလမ်းတွေ ယာယီလမ်းဆိုတာ အပြိုင်လမ်းသေးပုံစံမျိုးနဲ့ လမ်းကို မျက်နှာပြင်ချောမွေ့အောင်လုပ်ပြီး ဆောင်ရွက်သွားဖို့ အစီအစဉ်ရှိပါသည်ဟု ဖြေကြားသွားပါသည်။