ငဝန်ရေကာတာ ဟာ လေးမျက်နှာမြို့နယ်အတွင်းမိုင်တိုင်၁၉/၁ မှ ၃၉/ဝ အထိ၊ ၁၉မိုင်၇ဖာလုံ ဖြတ်သန်းကာရံထားပါ တယ်။ ၎င်းတာကို မှီခိုနေရသော ရပ်ကွက်နဲ့ကျေးရွာအုပ်စု ၂၆ အုပ်စုရှိပြီး အိမ်ခြေ ၁၀၃၈၇၊ အိမ်ထောင်စု ၁၀၅၉၈ စုနဲ့ လူဦးရေ ၄၆၀၆၉ ယောက်နေထိုင်ကြပါတယ်။ ၎င်းတို့လုပ်ကိုင် စားသောက်သောလယ်မြေနဲ့ အိုးအိမ်ခြံမြေဧကမှာ ၄၁၄၆၂ ဧကရှိပါတယ်။ ဒီနှစ် ငဝန်မြစ်ရေကြီးမှု အရ မိုင်တိုင် ၂၀/ဝမှ ၂၁ အထိ ၅ ပေခန့်နိမ့်ကျသွားပါတယ်။ မိုင်တိုင် ၂၂ မှ ၂၃ အထိ ၂ ပေခန့် နိမ့်ကျသွားပါတယ်။ နောင်နှစ် မြေထပ်မတင်ရင် ရေကျော်မယ့်အခြေအနေတွင်ရှိနေပါတယ်။ မိုင်တိုင် ၃၈ နဲ့ ၃၉ ကြားဟာ ၂၀၁၀ ခုနှစ်က စက်ဖြင့်ဖို့ထားတဲ့တာဖြစ်ပါတယ်။ ရေကြည်မြို့နယ်နဲ့ ဆက်စပ် နေပါတယ်။ ၎င်းတာအမြင့်ဟာ ဒီနှစ် ငဝန်မြစ်ရေကြီးမှုနဲ့တန်းတူဖြစ်နေတဲ့အတွက် သဲအိတ်များ ၄ ပေ ထပ်မြှင့်တင်ထားရပါတယ်။ နှစ်စဉ် ငဝန်မြစ်ရေကြီးပြီဆိုရင် တာအတွင်းနေပြည်သူများစိုးရိမ်ပူပန်မှု ဖြစ်ပွားနေရပါတယ်။ ငဝန်မြစ်ရိုးတစ်လျှောက် ရေကင်း ၄၀ ချထားရပြီး တစ်ကင်းမှာအရပ်သား ၄ ဦး နဲ့ တပ်မတော်သား ၂ ဦးစီချထားရပါတယ်။ သို့ပါ၍ ငဝန်ရေကာတာခိုင်မာတောင့်တင်းရေးကို မည်ကဲ့သို့ဆောင်ရွက်ပေးနိုင်မည်ကို သိလိုပါကြောင်း မေးမြန်းပါသည်။
ဧရာဝတီတိုင်း ဒေသကြီး၊ လေးမျက်နှာမြို့နယ်နဲ့ ရေကြည်မြို့နယ်အစပ်မှာရှိတဲ့ ကုန်းကြီးငဝန်တာနေရာဟာ တာမိုင် ၃၆/၆ နှင့် ၃၇/၁ အတွင်းရှိ ကညင်တောင်ပန်းတာနေရာဖြစ်ပါတယ်။ ပန်းတာ၏အလျားမှာ ၁၉၅၀ ပေရှိပြီး ၎င်း၏အရှည် ၄၀၀ ပေခန့်အကွာမှာ မူလကမ်းရင်းတာရှိပါတယ်။ ၂၈-၆-၂၀၁၁ ရက်နေ့ ငဝန်မြစ်ရေ တိုက်စားကမ်းပါးပြိုမှုကြောင့် မူလကမ်းရင်းတာ ၅၀ ပေခန့်မှာ ကမ်းပြိုရာမှာပါဝင်သွားခဲ့ပါတယ်။ ထို့အတွက်ကြောင့် ကမ်းရင်းတာ၊ ပန်းတာကြားမှာ ရေများအထိုက်အလျောက်ဝင်ရောက်ခဲ့ပါတယ်။ ပန်းတာရဲ့အချို့နေရာများမှာ တာနိမ့်ကျမှုများရှိနေသဖြင့် လိုအပ်သောနေရာများမှာ သဲအိတ်များဆင့် ၍ကာကွယ်ထားမှုဆောင်ရွက်ပြီးဖြစ်ပါတယ်။ လာမည့်ပွင့်လင်းရာသီကာလမှာ ကညင်တောင်ပန်းတာ ကို မြေသားဖြင့်ပုံစံတကျအခိုင်အမာ ပြန်လည်တည်ဆောက်ပေးသွားမည်ဖြစ်ပါကြောင်းြဖေကြား အပ်ပါတယ်။ ဧရာဝတီတိုင်းတစ်တိုင်းအတွင်းမှာပင်လျှင် တာမိုင်စုစုပေါင်း ၁၃၄၁.၅၆ မိုင်၊ တာအမြင့် ၅ ပေမြှင့်တင်ရန်အတွက် နိုင်ငံတော်အနေဖြင့် ကျပ်သန်းပေါင်း ၂၇၆၀ သန်းသုံးစွဲကုန်ကျရမှာ ဖြစ်တဲ့အတွက် နိုင်ငံတော်၏ဘဏ္ဍာငွေဦးစားပေးခွင့်ပြုပေးနိုင်မှု အြခေအနေပေါ်မူတည်၍သာလျှင် တာအားပိုမိုခိုင်ခန့်တည်တံ့ခိုင်မြဲအောင် အကောင်အထည်ဖော်ဆောင်ရွက်ပေးနိုင်မည့် အြခေအနေ ရှိပါတယ်။ ယခုလက်ရှိအနေအထားအရ ငဝန်တာမှာ ရေကြီးအမှတ်ထက် ၆ ပေခန့်မြေသား ပိုမိုရှိနေပါကြောင်းတင်ပြလိုပါတယ်။ တာကြံ့ခိုင်ခြင်းလုပ်ငန်းများကိုနှစ်စဉ် ပွင့်လင်းရာသီတွင် ဆောင်ရွက်ပေးလျက်ရှိပါကြောင်းနှင့် လိုအပ်တဲ့နေရာများမှာလည်းပဲ ရေလမ်းကြောင်းဖြောင့်ခြင်း လုပ်ငန်းများ၊ ရေတိုက်စားမှုကာကွယ်သည့်စနစ်များ၊ တာြခေ၊ တာမျက်နှာပြင်ခိုင်ခံ့မှုလုပ်ငန်းများကို စဉ်ဆက်မပြတ်ဆောင်ရွက်ပေးသွားမည်ဖြစ်ပါကြောင်း ရှင်းလင်းြဖေကြားအပ်ပါတယ်။