(ဈ)-တောင်ရိုး၊ ဓနုတိုင်းရင်းသားများနေထိုင်ရာ နောင်ချို-တောင်းခမ်း-အင်တော-ကျောက်ဂူ-ရပ်စောက်- တောင်ကြီးမော်တော်ကားလမ်းကို ကားကြီး၊ ကားသေးသွားလာနိုင်သည့် ကတ္တရာလမ်းအဖြစ် ပြုပြင်ပေးရန်နှင့်စပ်လျဉ်းသည့်မေးခွန်း

ရှမ်းပြည်နယ်အတွင်း တောင်ပိုင်းနှင့် ြမောက်ပိုင်းအတိုဆုံး ဆက်သွယ်သွားလာနိုင်သည့်လမ်းကြောင်းဖြစ်တဲ့ တောင်ကြီး- ရွှေညောင်- ရပ်စောက်- အင်တော- ကျောက်ဂူ- တောင်းခမ်း- နောင်ချိုလမ်းဖြစ်ပါတယ်။ အရှည် ၁၄၄ မိုင် ၇ ဖာလုံဖြစ်ပါတယ်။ ယခင်က ဒုဋ္ဌဝတီမြစ်ခြားနေတဲ့အတွက် ဆက်သွယ်သွားလာမှု နည်းပါးခဲ့သော်လည်း အရှည် ၄၆၅ ပေရှိ ဒုဋ္ဌဝတီ မြစ်ကူးတံတား(နောင်ချို)ကို ၂၀၀၅ ခုနှစ်၊ ဇွန်လ ၆ ရက်နေ့တွင် အောင်မြင်စွာဖွင့်လှစ်နိုင်ခဲ့ပြီး ဖြစ်တဲ့အတွက် ယခုအခါ ဆက်သွယ်သွားလာမှုသည် ယခင်ထက်ပိုကောင်းလာပြီဖြစ်ပါတယ်။ ရှမ်းပြည်နယ်တောင်ပိုင်းတွင် တောင်ကြီးမြို့နယ်၊ ရပ်စောက်မြို့နယ်၊ အင်တောမြို့နယ် ၃ မြို့နယ်နှင့် ရှမ်းပြည်နယ်‌ြမောက်ပိုင်း၊ နောင်ချိုမြို့နယ် စုစုပေါင်း ၄ မြို့နယ်ကိုဖြတ်သန်းပြီး မန္တလေး- လားရှိုး လမ်းမကြီးနှင့် နောင်ချိုမြို့မှာတွေ့ဆုံတဲ့အပိုင်းဖြစ်ပါတယ်။ ၎င်းလမ်းနှင့်ပတ်သက်၍ နောင်ချိုအတွက် အရေးကြီးတဲ့ အဓိကဆက်သွယ်ရေးလမ်းလည်းဖြစ်ပါတယ်။ ၂၀၁၁ ခုနှစ်၊ မေလရဲ့ လမ်းအ‌ြခေအနေ များကိုတင်ပြရမယ်ဆိုရင် ကတ္တရာလမ်းနဲ့ပတ်သက်လို့ ရှမ်းပြည်နယ်တောင်ပိုင်းမှာ ၄၉ မိုင်၊ ရှမ်းပြည်နယ်‌ြမောက်ပိုင်းမှာ  ၁၃ မိုင် ၇ ဖာလုံ၊ စုစုပေါင်း ၆၂  မိုင် ၇ ဖာလုံရှိပါတယ်။ ကျောက်လမ်းကတော့ ရှမ်းပြည်နယ်တောင်ပိုင်းမှာ ၂၅ မိုင် ၃ ဖာလုံ၊  ရှမ်းပြည်နယ်‌ြမောက်ပိုင်းမှာ  ၁၅ မိုင် ၅ ဖာလုံ၊  စုစုပေါင်း ၄၁ မိုင်ရှိပါတယ်။ အမာခံလမ်းကတော့  ရှမ်းပြည်နယ်တောင်ပိုင်းမှာ ၄၁ မိုင်ရှိပြီး ရှမ်းပြည်နယ်ြမောက်ပိုင်းမှာမရှိပါဘူး။ အားလုံးအမာခံလမ်းဟာ ၄၁ မိုင်ဖြစ်ပါတယ်။ စုစုပေါင်း‌ြပောရင် ရှမ်းပြည်နယ်တောင်ပိုင်းမှာ ၁၁၅ မိုင် ၃ ဖာလုံ၊  ရှမ်းပြည်နယ်‌ြမောက်ပိုင်းမှာ ၂၉ မိုင်နဲ့ ၄ ဖာလုံဖြစ်ပြီး ကတ္တရာလမ်းဟာ ၆၂ မိုင် ၇ ဖာလုံရှိပါတယ်။ ကျောက်လမ်းဟာ ၄၁ မိုင်၊ အမာခံလမ်းဟာ ၄၁ မိုင်၊ စုစုပေါင်းဟာ ၁၄၄ မိုင် ၇ ဖာလုံဖြစ်ပါတယ်။ ဒီလမ်း ၁၄၄ မိုင် နဲ့ ၇ ဖာလုံကို ဒုဋ္ဌဝတီမြစ်ကူးတံတား ၁ မိုင်ကျော်နဲ့ပေါင်းလို့ရှိရင် ၁၄၅ မိုင် ၇ ဖာလုံဖြစ်ပါတယ်။ ၁၁၃ မိုင် နဲ့  ၁၁၈ မိုင်အပိုင်းကတော့ ဒုဋ္ဌဝတီမြစ်ကူးတံတားရဲ့ ချဉ်းကပ်ပိုင်းဖြစ်ပြီးတော့ ကျောက်တောင်တွေကို ဖြတ်သန်းဖောက်လုပ်တာဖြစ်တဲ့အတွက် အတက်အဆင်းအနည်းငယ်မတ်စောက်တာကလွဲပြီး သွားလာ နိုင်တဲ့လမ်းဖြစ်ပါတယ်။ အင်တောမြို့နယ်အပိုင်းမှာလည်း အမာခံလမ်း ၄၁ မိုင်ကျန်သော်လည်း ကျောက်ခင်းအမာခံလမ်းဖြစ်ပါတယ်။

၂၀၁၁-၂၀၁၂ ဘဏ္ဍာနှစ်ခွဲဝေရန်ပုံငွေအရ အောက်ပါ လုပ်ငန်းများဆောင်ရွက်လျက်ရှိပါတယ်-

လမ်းတံတားသာမန်ထိန်းသိမ်းခြင်းလုပ်ငန်းတွင်  ၁၄၄ မိုင် ၇ ဖာလုံဖြစ်ပါတယ်။ အန္တရာယ် များသော လမ်းကွေ့လမ်းကျဉ်းများအား ၃၄ ပေ ချဲ့ခြင်းဟာ ၆ မိုင် ဖြစ်ပါတယ်။ ကတ္တရာလမ်းဟောင်း အား  အနိမ့်အမြင့်‌ြဖေခြင်း၊ ကတ္တရာရေပိတ်လွှာလောင်းခြင်း ၂ မိုင်ဖြစ်ပါတယ်။ ကတ္တရာလမ်းလွှာများ ကျောက်ဖြည့်၍ ရေပိတ်လွှာလောင်းခြင်း ၂ မိုင်ဖြစ်ပါတယ်။ ကျောက်လမ်းမှ ၁၂ ပေအကျယ် ကတ္တရာလမ်းအဆင့်တိုးမြှင့်ခြင်းဟာ ၂ မိုင် ၄ ဖာလုံဖြစ်ပါတယ်။ ကျောက်လမ်းပျက်အား ချိုင့်ခွက်များ ဖြည့်၍ အပွန်းခံလွှာတင်ခြင်းဟာ ၂ မိုင်ဖြစ်ပါတယ်။ မိုင်တိုင် ၁၂၈ မိုင်ကနေ ၁၃၂ မိုင်အတွင်းမှာရှိတဲ့ ၅ ပေအကျယ် Box CuLvert တည်ဆောက်ခြင်းက ၃ ခုတည်ဆောက်သွားမှာဖြစ်ပါတယ်။ တံတား အမှတ် ၃/၉၆၊ အရှည် ၁၅ ပေနဲ့ တံတားအမှတ် ၁/၇၂၊ အရှည် ၉၂ ပေများကို သံကူကွန်ကရစ်တံတား အဖြစ်အဆင့်မြှင့်တင်ခြင်းကို နှစ်စင်းလုပ်မှာဖြစ်ပါတယ်။ ၂၅ ပေအရှည်၊ တံတားအမှတ် ၁/၉၀ နဲ့ ၃၀ ပေအရှည်၊ တံတားအမှတ် ၂/၉၀ ပြင်ဆင်ခြင်းဟာ နှစ်စင်းလုပ်မှာဖြစ်ပါတယ်။ ၎င်းတို့ကို ပြင်ဆင် ထိန်းသိမ်းခြင်းလုပ်ငန်းများ လအလိုက်လိုအပ်ချက်အရ ဆောက်လုပ်ရေးဝန်ကြီးဌာနကနေ စတင် ဆောင်ရွက်လျက်ရှိပါတယ်။

ရွှေညောင်-ရပ်စောက်-ကျောက်ဂူ-အင်တော-နောင်ချို လမ်းဟာ ရာသီမရွေးသွားလာနိုင်မှုလွယ်ကူချောမွေ့စေရေးအတွက် အတက်အဆင်းမတ်စောက် သော်လည်း ဒုဋ္ဌဝတီတံတားချဉ်းကပ်လမ်းကိုနိမ့်ချခြင်း၊ လမ်းကျဉ်းနေရာများကိုပျှမ်းမျှ ၃၄ ပေချဲ့ခြင်း၊ အမာခံလမ်းများကို ကျောက်လမ်းအဖြစ် အဆင့်မြှင့်တင်ခြင်းလုပ်ငန်းများကို ဦးစားပေးလျာထားပြီး ၂၀၁၂-၂၀၁၃ ဘဏ္ဍာရေးနှစ် တွင်လည်း ငွေလုံးငွေရင်းသာမန်ပြင်ဆင်ထိန်းသိမ်းရေးရန်ပုံငွေတို့ကို တင်ပြတောင်းခံသွားမှာဖြစ်ပြီး ခွဲဝေရရှိသည့်ရန်ပုံငွေအ‌ြခေအနေအရ လုပ်ငန်းဆောင်ရွက်သွားမှာဖြစ် ကြောင်း ဖြေကြားပါသည်။