(က)-လေးတောင်နယ်ဒေသရှိ ဆန်တင်မော်ဆိပ်ကမ်းနှင့် ကျောက်ဦးမော်ဆိပ်ကမ်းနေ ရေလုပ်သားများအတွက် မုန်တိုင်းအန္တရာယ်ကျရောက်လာပါက ခိုနားနိုင်ရန်ဘက်စုံသုံး မုန်တိုင်းဒဏ်ခံအဆောက်အဦ တစ်လုံးစီဆောက်လုပ်ပေးရန် အစီအစဉ် ရှိ/မရှိနှင့်စပ်လျဉ်းသည့်မေးခွန်း

မေးခွန်းနှင့်စပ်လျဉ်း၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနှင့် ရခိုင်ပြည်နယ်အစိုးရအဖွဲ့တို့၏ဖြေကြားချက်များကို ပေါင်းစပ်ဖြေကြားသွားမည် ဖြစ်ပါကြောင်း၊ ရခိုင်ပြည်နယ်သည် ရေမြေသဘာဝအနေအထားအရ ပင်လယ်ကမ်းရိုးတန်းတစ်လျှောက်တွင် တည်ရှိပြီး မုန်တိုင်းအန္တရာယ်ကို နှစ်စဉ်တွေ့ကြုံနေရသည့်ဒေသဖြစ်သည့်အတွက် ပြည်နယ်အတွင်းရှိ မုန်တိုင်းအန္တရာယ် ကျရောက်နိုင်သောနေရာများတွင် ရေဘေးဒဏ်ခံဘက်စုံသုံးခိုလုံရာ အဆောက်အဦ များကို ဆောက်လုပ်ပေးခဲ့ရာတွင် ၂၀၁၃-၁၄ ဘဏ္ဍာရေးနှစ်မှ ၂၀၁၇-၁၈ ဘဏ္ဍာရေးနှစ်အထိ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေ၊ ဝန်ကြီးဌာနဘတ်ဂျက်ရန်ပုံငွေနှင့် ပြည်နယ်အစိုးရအဖွဲ့အစီအစဉ်တို့ဖြင့် မြေပုံ၊ ပေါက်တော၊ တောင်ကုတ်၊ မာန်အောင်၊ အမ်း၊ စစ်တွေ၊ မင်းပြား၊ ကျောက်ဖြူမြို့နယ်တို့တွင် Shelter စုစုပေါင်း ၂၄ လုံးကို ဆောက်လုပ်ပေးခဲ့ပြီး ဖြစ်ပါကြောင်း၊ ယခုအခါ ဆက်လက်ပြီး ၂၀၁၈ ခုနှစ်အတွက် Cyclone Shelter များကို စစ်တွေမြို့နယ်တွင် သုံးလုံး၊ ကျောက်ဖြူမြို့နယ်တွင် လေးလုံး၊ ရမ်းဗြဲမြို့နယ်တွင် လေးလုံး၊ မာန်အောင်မြို့နယ်တွင် ရှစ်လုံး၊ ‌မြောက်ဦးမြို့နယ်တွင် တစ်လုံး၊ မောင်တောမြို့နယ်တွင် တစ်လုံး၊ ပေါက်တောမြို့နယ်တွင် သုံးလုံး၊ တောင်ကုတ်မြို့နယ်တွင် နှစ်လုံး စုစုပေါင်း ၂၆ လုံးကို အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေဖြင့်လည်းကောင်း၊ စစ်တွေ၊ ပေါက်တော၊ ကျောက်ဖြူ၊ ရမ်းဗြဲမြို့နယ်တို့တွင် လေးလုံးကို ရခိုင်ပြည်နယ်အစိုးရအဖွဲ့အစီအစဉ်ဖြင့်လည်းကောင်း စုစုပေါင်း Cyclone Shelter အလုံး ၃၀ ဆောက်လုပ်ပေးမည် ဖြစ်ပါကြောင်း၊ အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေဖြင့် ဆောက်လုပ်ပေးမည့် ၂၆ လုံးအနက် ရမ်းဗြဲ မြို့နယ်အတွက် လေးလုံးပါဝင်ခဲ့ရာ ပင်ပေါင်းချောင်း၊ သစ်ကနက်၊ မန်ဂျင်းနက်၊ စက္ကူကျွန်း၊ ရေခေါင်း ချောင်းကျေးရွာတို့တွင် စတင်ဆောက်လုပ်လျက်ရှိပါကြောင်း၊ ထို့အပြင် ရခိုင်ပြည်နယ်အစိုးရအဖွဲ့ အစီအစဉ်ဖြင့် ရမ်းဗြဲမြို့နယ်၊ အောင်လှပြင်ကျေးရွာတွင် ဆောက်လုပ်လျက်ရှိသော Cyclone Shelter က ၈၅ ရာခိုင်နှုန်း ဆောက်လုပ်ပြီးစီးပြီဖြစ်ပါကြောင်း၊ ထပ်မံ၍ လွှတ်တော်ကိုယ်စားလှယ်တော်ကြီး မေးမြန်ထားသော လေးတောင်နယ်ဒေသ ဆန်တင်မော်ဆိပ်ကမ်းသည် ရမ်းဗြဲမြို့နယ်၊ ဇရပ်ပြင် ကျေးရွာအုပ်စု၊ နဂါးကျေးရွာ၊ ပြင်ချောင်းဝ ပင်လယ်ကမ်းခြေတွင် တည်ရှိပြီး ကျောက်ဦးမော်ဆိပ်ကမ်း သည် ဇရပ်ပြင်ကျေးရွာ၊ ဆန်တင်မော်ဆိပ်ကမ်းနှင့် ၇ မိုင်ခန့်အကွာ ပင်လယ်ကမ်းခြေတွင် တည်ရှိ သည့် ရေလုပ်ငန်းလုပ်ကိုင်နေကြသော ဆိပ်ကမ်းများ ဖြစ်ပါကြောင်း၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ကျောက်ဖြူခရိုင်၊ ဦးစီးမှူးရုံးက ၂၀၁၈ ခုနှစ်၊ သြဂုတ်လ ၇ ရက်နေ့တွင် ကွင်းဆင်း ဆောင်ရွက်ချက်အရ ဆန်တင်မော်နှင့် ကျောက်ဦးမော်ဆိပ်ကမ်းတို့မှ ရခိုင်ပြည်နယ်အစိုးရအဖွဲ့ အစီအစဉ်ဖြင့် ဆောက်လုပ်လျက်ရှိသော အောင်လှပြင်ကျေးရွာ Cyclone Shelter သို့ သွားလိုပါက ဇရပ်ပြင်ကျေးရွာမှတစ်ဆင့် ကျောက်ချောလမ်းဟောင်းအတိုင်း ခြေလျင်ဖြင့် သုံးနာရီခွဲခန့်၊ ဆိုင်ကယ် ဖြင့် တစ်နာရီခန့် သွားလာရပါကြောင်း၊

ကျောက်ချောလမ်းအတိုင်း ဇရပ်ပြင်မှ အောင်လှပြင်ကျေးရွာသို့လည်း သွားရောက်နိုင်ပါကြောင်း၊ ဆန်တင်မော်ဆိပ်ကမ်းနှင့် ကျောက်ဦးမော်ဆိပ်ကမ်းတို့သည် ရေလုပ်ငန်းဖြင့် အသက်မွေးဝမ်းကျောင်း လုပ်ကိုင်လျက်ရှိကြရာ ဆန်တင်မော်ဆိပ်ကမ်းတွင် အိမ်ခြေ ၁၅၀ ခန့် လူဦးရေ ၇၀၀ ကျော်ခန့်နှင့် ကျောက်ဦးမော်ဆိပ်ကမ်းတွင် အိမ်ခြေ ၁၀၀ ခန့် လူဦးရေ ၅၀၀ ခန့်ရှိပြီး ပွင့်လင်းရာသီတွင် ရေလုပ်ငန်း လုပ်ကိုင်သူဦးရေသည် ယခုထက်ပိုမိုများပြားစွာ နေထိုင်လျက်ရှိသည်ကို သိရှိရပါကြောင်း၊ လွှတ်တော်ကိုယ်စားလှယ်ကြီးကလည်း တင်ပြသွားပြီးဖြစ်ပါကြောင်း၊ အဆိုပါ ဆိပ်ကမ်းနှစ်ခုရှိ ရေလုပ်သားများ၏ နေထိုင်ရာနေရာသည် ပင်လယ်ကမ်းခြေနှင့်နီးကမ်းစွာတည်ရှိပြီး ဇရပ်ပြင် ကျေးရွာအုပ်စုရှိ ကုန်းတွင်းပိုင်းကျေးရွာများနှင့် ၆ မိုင်ခန့် ဝေးကွာခြင်း၊ အနီးပတ်ဝန်းကျင်ရှိ တောင်ကုန်းတောင်တန်းများ မရှိခြင်း၊ သဘာဝဘေးအန္တရာယ်ကျရောက်သည့်အခါ ပြောင်းရွှေ့ခိုနား နိုင်ရန် အဆောက်အဦများမရှိခြင်းတို့ကြောင့် ၎င်းဒေသရှိ ရေလုပ်သားများနှင့် မိသားစုဝင်များ ဘေးအန္တရာယ်ကင်းရှင်းစွာ ခိုလုံနိုင်ရန်အတွက် ဆန်တင်မော်ဆိပ်ကမ်းနှင့် ကျောက်ဦးမော်ဆိပ်ကမ်း တို့အနီးတွင် ရခိုင်ပြည်နယ်အစိုးရအဖွဲ့မှ စိစစ်ရွေးချယ်ပေးသော သင်လျော်သည့်မြေနေရာတွင် ဘက်စုံသုံးမုန်တိုင်းဒဏ်ခံအဆောက်အဦ တစ်လုံးကို ၂၀၁၈-၁၉ ဘဏ္ဍာရေးနှစ်တွင် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှု ရန်ပုံငွေဖြင့် ဦးစားပေးဆောက် လုပ်နိုင်ရေး စီစဉ်ဆောင်ရွက် သွားမည်ဖြစ်ပါကြောင်း ရှင်းလင်းဖြေကြားပါသည်။