(ဃ)-မကျီးကုန်းကျေးရွာအုပ်စု၊ မြောင်းတော်ကျေးရွာမှ မြင်တောင်ကျေးရွာအုပ်စု၊ ဆင်သေကျေးရွာသို့ ဆက်သွယ်သွားလာသော ကျေးလက်ဇော်ဂျီမြစ်ချောင်းကူး ဆင်သေ (၅၉ ပေx၁၄ ပေx၁၇ ပေ) တံတားကို အသစ်ပြန်လည်တည်ဆောက်ပေးနိုင်ခြင်းရှိ/မရှိနှင့် စပ်လျဉ်းသည့်မေးခွန်း

ရပ်စောက်မြို့နယ်၊ မကျီးကုန်းကျေးရွာအုပ်စု၊ မြောင်းတော်ကျေးရွာမှ မြင်တောင်ကျေးရွာအုပ်စု၊ ဆင်သေ ကျေးရွာသို့ ဆက်သွယ်သွားလာသော ကျေးလက်ဇော်ဂျီမြစ်ချောင်းကူး ဆင်သေ (၅၉ ပေ x ၁၄ ပေ x ၁၇ ပေ) တံတားကို အသစ်ပြန်လည်တည်ဆောက်ပေးနိုင်ခြင်းရှိ/မရှိနှင့် စပ်လျဉ်းသည့်မေးခွန်း

ရပ်စောက်မြို့နယ်၊ မြင်တောင်ကျေးရွာအုပ်စု၊ ဆင်သေကျေးရွာသည် အိမ်ခြေ ၂၁၈ အိမ်နှင့် လူဦးရေ ၁၀၀၀ ကျော် နေထိုင်လျက်ရှိပြီး လယ်ဧက ၁၆၀၊ ယာစိုက်ဧက ၂၀၀၀ ကျော်ရှိပြီး စိုက်ပျိုးရေးလုပ်ငန်း အဓိကထားလုပ်ကိုင်ဆောင်ရွက်သော ကျေးရွာကြီးဖြစ်ပါကြောင်း၊ အဓိကစိုက်ပျိုး သီးနှံများဖြစ်သော စပါး၊ ပြောင်း၊ ပဲစင်းငုံ၊ သရက်စသည့် ဒေသထွက်ကုန်များကို မြို့ဈေးပွဲရုံများသို့ သယ်ပို့ရောင်းချရာတွင် ဇော်ဂျီချောင်းကူးတံတား ဆင်သေသည် အဓိကကုန်ထုတ် တံတားအဖြစ်သော် လည်းကောင်း၊ ပညာရေး၊ ကျန်းမာရေးနှင့် ကျေးလက်လူမှုစီးပွားဘဝ ပိုမိုဖွံ့ဖြိုးတိုးတက်ရေးအတွက် ပြည်သူများအကျိုးရှိစွာ အသုံးပြုလျက်ရှိသော ကျေးလက်တံတား ဖြစ်ပါကြောင်း၊ သို့သော်လည်း နှစ်စဉ် ပြုပြင်ပြီးမှ သွားလာနေရပါကြောင်း၊ ယခုအခါ ရေလည်တိုင် ယက်မ၊ မျောများကြံ့ခိုင်မှု အားနည်းလာပြီး အန္တရာယ်ရှိတံတားအဆင့်သို့ ရောက်ရှိနေပြီဖြစ်ပါ၍ အသစ်ပြန်လည်တည်ဆောက်ပေးရန် လိုအပ်လျက်ရှိနေပါကြောင်း၊ ၂၀၁၄ ခုနှစ် ဧပြီလတွင် ကျင်းပသော ပထမအကြိမ် ဒသမပုံမှန်အစည်းအဝေးတွင် ဇော်ဂျီမြစ်ချောင်းကူးတံတား (ဆင်သေ) ပြန်လည်ပြုပြင် တည်ဆောက်ပေးနိုင်ရေးနှင့် စပ်လျဉ်းသည့် မေးခွန်းကိုမေးမြန်း တင်ပြခဲ့သော်လည်း ယနေ့အချိန်အထိ ဆောင်ရွက်ပေးနိုင်ခြင်း မရှိခဲ့ပါကြောင်း၊ သို့ဖြစ်ပါ၍ ရပ်စောက်မြို့နယ် မကျီးကုန်းကျေးရွာအုပ်စု၊ မြောင်းတော်ကျေးရွာနှင့် မြင်တောင်ကျေးရွာအုပ်စု ဆင်သေကျေးရွာသို့ ဆက်သွယ်သွားလာသော ကျေးလက်ဇော်ဂျီမြစ် ချောင်းကူးတံတား (ဆင်သေ) အလျား ၅၉ ပေ၊ အနံ ၁၄ ပေ၊ အမြင့် ၁၇ ပေ တံတားကို အသစ်ပြန်လည် တည်ဆောက်ပေးနိုင်ခြင်း ရှိ/မရှိ ဒေသခံပြည်သူများ၏ကိုယ်စား သိရှိလိုပါကြောင်း မေးမြန်းပါသည်။