(ဃ) သစ်တောကြိုးဝိုင်း(၃)ခုမှ လယ်ယာစိုက်ပျိုးရေးလုပ်ငန်းများနှင့် ၎င်းဒေသရှိတောင်သူလယ်သမား များ၏အခြေအနေနှင့်စပ်လျဉ်းသည့်မေးခွန်း

 လေးစားအပ်ပါသော ပြည်သူ့လွှတ်တော်ဥက္ကဋ္ဌကြီးနဲ့ ပြည်သူ့လွှတ်တော်ကိုယ်စားလှယ်များ၊ ဖိတ်ကြားတဲ့ ဧည့်သည်များအားလုံး မင်္ဂလာပါလို့ နှုတ်ခွန်း ဆက်သပါတယ်။ ကျွန်တော်ကတော့ ကျွန်တော်တို့ဒေသရဲ့ ပြည်သူများရဲ့ တင်ပြချက်တစ်ခုကို မေးမြန်းခြင်းဖြစ်ပါတယ်။ ဒီမေးခွန်းမျိုးကို မကွေးတိုင်းက လွှတ်တော်ကိုယ်စားလှယ်တစ်ဦးကလည်း ဒုတိယအကြိမ် ပုံမှန်အစည်းအဝေးမှာ မေးမြန်းပြီး ဖြစ်ပါတယ်။ နေရာဒေသပဲ ကွာပြီးတော့ ဖြစ်စဉ်တူတဲ့အတွက် ဝန်ကြီးဌာနကဖြေမယ့်အဖြေကလည်း တူမယ်လို့ပဲ မှန်းဆပါတယ်။ သို့သော် လည်းပဲ ကျွန်တော်တို့ ဒုတိယအကြိမ်ပုံမှန်အစည်းအဝေးအပြီးမှာ ကျွန်တော်တို့ ဒေသတွေဆင်းတဲ့ အခါမှာ ဒီဒေသတွေရဲ့ ကိုယ်စားလှယ်တွေက ပြည်သူ့ကိုယ်စားလှယ်တွေ ကျွန်တော်တို့ ဒီကိစ္စကို တင်ပြပေးပါလို့ အခါခါပြောဆိုတဲ့အတွက် ထပ်မံတင်ပြရခြင်းဖြစ်ပါတယ်။ ကျွန်တော်တို့ ဧရာဝတီ တိုင်းဒေသကြီး လပွတ္တာခရိုင်၊ မော်လမြိုင်ကျွန်းမြို့နယ်၊ လပွတ်ကွဲကြိုးဝိုင်း၊ ကလရိုက်ကြိုးဝိုင်း၊ ညီနောင်ကြိုးဝိုင်း၊ သစ်တောကြိုးဝိုင်း ၃ ခုရှိပါတယ်။ သစ်တောဧရိယာ ၅၄၂၃၂ ဧက ရှိပါတယ်။ လွန်ခဲ့သော နှစ်ပေါင်း ၄၀ ကတည်းက တောင်သူများဟာ သစ်တောကြိုးဝိုင်းအတွင်းမြေယာခုတ်ထွင် ရှင်းလင်းပြီး လယ်ယာ‌ြမေအဖြစ်စိုက်ပျိုးထုတ်လုပ်ပြီး ဝင်ရောက်နေထိုင်ခဲ့ရာ ယခု ၂၀၁၁ -၂၀၁၂ မှာ လယ်ဧက ၃၅၃၆၂ ဧက၊ ဥယျာဉ် ၃၁၂၅ ဧက၊ ဓနိ ၃၈၈ ဧကနဲ့လူနေအိမ်‌ြခေနဲ့ အခြားသုံး ၁၅၃၅၇ ဧက စုစုပေါင်း ၅၄၂၃၂ ဧက ရှိပါတယ်။ ကျေးရွာအုပ်စုကြီး ၈ ခုလည်း ဆက်စပ်ပေါ်ပေါက်လျက်ရှိ ပါတယ်။ အလွယ်ဆုံးလွှတ်တော်ဥက္ကဋ္ဌကြီး သိဖို့ ပြောရမယ်ဆိုရင် ၂၀၀၈ ခုနှစ်၊ မေလ ၂ ရက်နေ့မှာ ဖြစ်တဲ့ နာဂစ်မုန်တိုင်းဟာ အဲဒီဒေသကပဲ ဖြစ်ပါတယ်။ ဒီဒေသမှာရှိတဲ့ ပြည်သူလူထု ၁၀၀၀၀ ကျော် သေဆုံးသွားတဲ့နေရာလည်း ဖြစ်ပါတယ်။ အဲဒီတော့ ကျေးရွာအုပ်စုငယ် ပေါင်း ၇၀ ကျော်တည်ရှိနေပြီ ဖြစ်ပါတယ်။ နိုင်ငံတော်အစိုးရလက်ထက်က ဒီဒေသမှာ နိုင်ငံတော် အစိုးရရဲ့ပံ့ပိုးကူညီမှု ကုလသမဂ္ဂရဲ့ ကူညီမှု NGO ပြည်တွင်းပြည်ပအလှှူရှင်များကြောင့် Cyclone Shelter, Cyclone Monestry, Cyclone School, Hill Lock စတဲ့ ရွာပေါင်းရွာစုတွေ စုပေါင်းတည်ဆောက်ပြီး ဖြစ်ပါတယ်။ ဒါကြောင့် ဒီဒေသဟာ တော်တော်စည်စည်ကားကားနဲ့ ပြည့်ပြည့်စုံစုံဖြစ်နေတဲ့ နေရာလည်း ဖြစ်ပါတယ်။ ဒီနေရာမှာ အခါသင့်လို့ ကျွန်တော်တတိယအကြိမ် ပုံမှန်အစည်းအဝေးမှာ မေးခွန်း ၇ ခု၊ ကြယ်ပွင့်ပြတစ်ခုနဲ့ ကြယ်ပွင့်မပြတဲ့မေးခွန်း ၆ ခုမေးခဲ့ပါတယ်။ ကျွန်တော်တို့ အခု တင်ပြချက်နဲ့ ဆက်စပ်ပြီးတော့ ကြယ်ပွင့်မပြတဲ့မေးခွန်းတစ်ခုမှာ သက်ဆိုင်ရာဝန်ကြီးဌာနရဲ့ ‌ြဖေကြားချက်ကိုလည်း ဆီလျော်တဲ့အတွက် ထည့်သွင်းတင်ပြခွင့်ပြုပါ။ ဒါကတော့ ကျွန်တော်တို့ ပြည်ထဲရေးဝန်ကြီးဌာန ပြည်ထောင်စုဝန်ကြီးကနေပြီးတော့ ကျွန်တော့်ကို ဖြေကြားတဲ့ အဖြေထဲက ကောက်နုတ်ချက်ကို ကျွန်တော် ဖော်ပြပါရစေ။ စားကျက်‌ြမေဧကများကို ကျေးရွာမှ သိမ်းယူပြီးတော့ ဌာနဆိုင်ရာရယူတဲ့ ကိစ္စတွေကို ကျွန်တော်မေးခဲ့ပါတယ်။ ပြည်ထဲရေးဝန်ကြီးဌာနက မော်လမြိုင်ကျွန်းမြို့နယ်၊ သစ်တိုသိမ် ကျေးရွာ ကျွဲ၊ နွားစားကျက်မြေမှ ဌာနဆိုင်ရာအဖွဲ့အစည်းများတွင် ချထားပေးခဲ့သော မြေ ၁၅၀ ဧက တွင် မြို့နယ်အထွေထွေအုပ်ချုပ်ရေးဦးစီးဌာနမှ ဧက ၁၀၀၊ ‌ြမေစာရင်းဦးစီးဌာနမှ ဧက ၅၀ ဖော်ထုတ် စိုက်ပျိုးခဲ့ပါတယ်။ အပိုဒ် ၄ မှာ ၁၉၇၆ ခုနှစ် အောက်မြန်မာနိုင်ငံ‌ြမေနှင့်အခွန် နည်းဥပဒေ အပိုဒ် ၁၁၊ နည်းဥပဒေ ၆၈ တွင် ကျွဲ၊ နွားစားကျက်မြေသတ်မှတ်ခြင်းနှင့် ပတ်သက်၍ ပြဋ္ဌာန်းထားရာ နည်းဥပဒေ ၆၉ တွင် ကျွဲ၊ နွားစားကျက်‌ြမေ၌ စားကျက်မြေပြုလုပ်သည့်ကိစ္စမှတစ်ပါး အခြားကိစ္စတစ်စုံတရာ အတွက် လုပ်ကိုင်နေထိုင်လျှင် ပြစ်ဒဏ် ထောင်ဒဏ် ၁ လ၊ ဒဏ်ငွေ ၂၀၀ ချမှတ်နိုင်ကြောင်း ပြဋ္ဌာန်း ထားသော်လည်း ၁၉၉၉-၂၀၀၀ ခုနှစ်တွင် စိုက်ဧကလိုအပ်ချက်ရှိသဖြင့် စားကျက်မြေတွင် တိုးချဲ့ စိုက်ပျိုးခဲ့ပါတယ်။ သို့သော် ၁၉၁၁ အောက်မြန်မာနိုင်ငံ ‌ြမေနှင့်အခွန်အမိန့်ဆင့်ဆိုချက် ၁၀၆ တွင် စားကျက်မြေကို တိုးချဲ့စိုက်ပျိုးလုပ်ကိုင်ခြင်းနှင့်ပတ်သက်ပြီး ၁၂  နှစ်နှင့်အထက်ဖြစ်ပါက စားကျက် မြေအဖြစ် ပြန်လည်သိမ်းယူခြင်းမပြုသင်‌့ကြောင်း  ပြဋ္ဌာန်းထားပါသဖြင့် စားကျက်‌ြမေမှာ အဆိုပါ ဥပဒေအရ အလိုအလျောက် ပယ်ဖျက်ပြီးကြောင်း တွေ့ရှိရပါတယ်။ မော်လမြိုင်ကျွန်းမြို့နယ် အထွေထွေအုပ်ချုပ်ရေးဦးစီးဌာနမှ စားကျက်မြေဧက ၁၀၀ ဖော်ထုတ်စိုက်ပျိုးခြင်းသည် လက်ရှိ အ‌ြခေအနေအရ၌လည်း တည်ဆဲလယ်‌ယာြမေဥပဒေနှင့်ညီညွတ်မှုရှိပါကြောင်း ပြည်ထောင်စုဝန်ကြီး က ‌ြဖေကြားခဲ့ပါတယ်။ ဒါကြောင့် ကျွန်တော်ဆိုလိုတဲ့သဘောကတော့ သက်ဆိုင်ရာဥပဒေကို ကိုင်တွယ်ဆောင်ရွက်နေတဲ့ ဌာနဆိုင်ရာအဖွဲ့အစည်းတွေက ဆောင်ရွက်ခဲ့သော်လည်း စနစ်တွေ ကြာလာရင် ဥပဒေတွေနဲ့ညီညွတ်သွားပါပြီလို့ဆိုပါတယ်။ ကျွန်တော်တို့ သစ်တောဧရိယာမှာ ကျူးကျော်ဝင်ရောက်နေခဲ့တဲ့ တောင်သူလယ်သမားများဟာ နှစ်ပေါင်း ၄၀ ကျော်ရှိနေပြီ။ သူတို့တွေ နိုင်ငံတော်နဲ့ပတ်သက်လို့ လိုအပ်တဲ့ကိစ္စမှန်သမျှကိုလည်း ဆောင်ရွက်ပေးလျက်ရှိပါတယ်။ ကျွန်တော် တို့သိသလောက် ပြောရမယ်ဆိုလို့ရှိရင် လွန်ခဲ့တဲ့မြန်မာ့ဆိုရှယ်လစ် လမ်းစဉ်ပါတီခေတ်က ဒီကိစ္စကို တင်ပြခဲ့ဖူးပါတယ်။ ဗဟိုကော်မတီနဲ့နိုင်ငံတော်ကောင်စီကပဲ စာရင်းစစ်ခဲ့ပါတယ်။ အဲဒီတုန်းက ကျွန်တော်လည်း ဝန်ထမ်းဖြစ်တဲ့အတွက် ကျွန်တော်လည်း ပါခဲ့ပါတယ်။ သို့သော်လည်း မထူးခြားခဲ့ ပါဘူး။ သို့သော်လည်း ဒီဖက်ခေတ်အဆက်ဆက်မှာလည်း ဒီလိုပဲ လာရင်တင်ပြခဲ့ကြပါတယ်။ နှစ်ပေါင်းတော်တော်ကြာပါတယ်။ ဒါကြောင့် ကျွန်တော်တို့ တောင်သူလယ်သမားတွေဟာ လယ်သမား အမည်တော့ ပါခဲ့ပါတယ်။ သို့သော်လည်းပဲ နိုင်ငံတော်က ချီးမြှင့်တဲ့စိုက်ပျိုးရေးချေးငွေ မရပါဘူး။ နိုင်ငံတော်က ပံ့ပိုးမှုတွေကို မရခဲ့ပါဘူး။ ဒါကြောင့် ဒီဒေသက လယ်သမားများက ပြည်သူ့ လွှတ်တော်မှာ တင်ပြပေးပါလို့ ကျွန်တော်တို့ကို အကူအညီတောင်းပါတယ်။ နိုင်ငံတော်သမ္မတကြီး ဦးသိန်းစိန်က  ၃၀-၃-၂၀၁၁ နေ့မှာ ပြည်ထောင်စုလွှတ်တော်၌ ပြောကြားသောမိန့်ခွန်း၏ ပြည်တွင်း ရေးရာမူဝါဒများကို အကောင်အထည်ဖော်ဆောင်ရွက်နိုင်ရန်အတွက် ပြည်ထောင်စုအစိုးရအဖွဲ့ အနေဖြင့် အောက်ဖော်ပြပါဥပဒေပြုရေးအစီအစဉ်များကို သက်ဆိုင်ရာများ၊ လွှတ်တော်များသို့ တင်သွင်းပြီး အကောင်အထည်ဖော်ဆောင်ရွက်သွားမည့် မိန့်မှာချက် ၁၀ ချက်၏ စတုတ္ထအချက်မှာ တောင်သူလယ်သမားများ၏ လယ်ယာလုပ်ကိုင်ခွင့်နှင့် ပတ်သက်လို့ ဥပဒေများပြုစုနိုင်ရေး လေ့လာချက်၊ လက်ရှိဥပဒေများကို ခေတ်နှင့်အညီ ပြင်ဆင်နိုင်ရေးအတွက် ပြန်လည်သုံးသပ်မည်ဟု မိန့်မှာသည်ဟု ကြားသိရတဲ့အတွက် တောင်သူလယ်သမားများ ဝမ်းမြောက်လျက်ရှိပါကြောင်းလည်း ကျွန်တော့်ကို တင်ပြလျက်ရှိပါတယ်။ ဒါကြောင့် ကျေးရွာပြည်သူတောင်သူလယ်သမားများရဲ့ လိုအပ်ချက်ဖြစ်တဲ့ ဒီကိစ္စကို ကျွန်တော်က လွှတ်တော်မှာ တင်ပြခြင်းဖြစ်ပါတယ်။ နိဂုံးချုပ်အနေနဲ့ ကျေးရွာအုပ်စု ၈ ခုမှာ နေထိုင်တဲ့ တောင်သူလယ်သမားများမှ ၎င်းတို့၏နေထိုင်မှု၊ လူမှုစီးပွားဘဝကို နိုင်ငံတော်အစိုးရ၏ သဘောထားအမြင်နဲ့ ပံ့ပိုးကူညီနိုင်မှုအတွက် မျှော်လင့်ချက်များစွာရှိနေပါ၍ ကျေးရွာတောင်သူလယ်သမားများကိုယ်စား မေးမြန်းထားပါသည် ။