(စ)-တရားဝင်သုံးစွဲလျက်ရှိသော ငွေစက္ကူများ ဆိုဒ်တူ၊ အရွယ်တူဆောင်ရွက်ပေးရန်နှင့် စပ်လျဉ်းသည့် မေးခွန်း

မြန်မာနိုင်ငံတော်ဗဟိုဘဏ်မှ မြန်မာနိုင်ငံတော် ဗဟိုဘဏ်ပုံစံ   ွခ‌င်္သေ့မင်းရုပ်ပုံပါ CBM Lion အရွယ်အစားအကြီး ၂၀၀ ကျပ်၊ ၅၀၀ ကျပ်နှင့် ၁၀၀၀ ကျပ်တန်ငွေစက္ကူတွေကို ဖော်ပြပါအတိုင်း ထုတ်ဝေခဲ့ပါတယ်။ ၂၀၀ ကျပ်တန် ငွေစက္ကူကိုတော့ စတင်ထုတ်ဝေတာက ၂၇-၃-၁၉၉၀ မှာဖြစ်ပါတယ်။ ၅၀၀ ကျပ်တန်ငွေစက္ကူကိုတော့ ၂၇-၃-၁၉၉၄  ထုတ်ဝေပြီးတော့ ၁၀၀၀ ကျပ်တန်ငွေစက္ကူကို ၂၅-၁၁-၁၉၉၈ မှာ ထုတ်ဝေခဲ့ပါတယ်။ အရွယ်အစားအားဖြင့်တော့ ဆိုဒ်ကြီးဖြစ်ပြီးတော့ အလျား ၁၆၇ မီလီမီတာနှင့် အနံ ၈၀ မီလီမီတာ ဖြစ်ပါတယ်။ အထက်ပါ ငွေစက္ကူတွေဟာ နိုင်ငံတကာသုံး ငွေကြေးအရွယ်အစားထက်ကြီးနေတဲ့ အတွက် နိုင်ငံတကာသုံးငွေစက္ကူအရွယ်အစားဆိုဒ်နဲ့အညီ ကေသရာဇာ ွခ‌င်္သေ့မင်းရုပ်ပုံပါ CBM King Lion ငွေစက္ကူအသစ်တွေကို ၁၁-၁၀-၂၀၀၄ ရက်နေ့မှာ ဖော်ပြပါအရွယ်အစားအတိုင်း ထုတ်ဝေခဲ့ပါတယ်။ အရွယ်အစားအားဖြင့် အလျား ၁၅၀ မီလီမီတာနှင့် အနံ ၇၀ မီလီမီတာဖြစ်ပါတယ်။ ယင်းသို့ အရွယ်အစားသေးငွေစက္ကူများ ထုတ်ဝေပြီးတဲ့နောက်မှာ အရွယ်အစားကြီး ငွေစက္ကူတွေကို ဘဏ်များနဲ့ လူပုဂ္ဂိုလ်များကို ပြန်လည်ထုတ်ဝေခြင်းမပြုတော့ပဲ နိုင်ငံပိုင်နဲ့ ပုဂ္ဂလိကဘဏ်များ လက်ဝယ်မှာရှိတဲ့ ၂၀၀ ကျပ်၊ ၅၀၀ ကျပ်၊ ၁၀၀၀ ကျပ်တန် CBM Lion အရွယ်အစားကြီး ငွေစက္ကူတွေ ကို မြန်မာနိုင်ငံတော်ဗဟိုဘဏ်သို့ ပေးသွင်းလာပါက လက်ခံပြီး ယင်းဘဏ်များသို့ CBM King Lion အရွယ်အစားသေး ငွေစက္ကူများကိုသာ ထုတ်ဝေဖြန့်ဖြူး လျက်ရှိပါတယ်။ အလားတူပင် ပြည်သူများက CBM King Lion အရွယ်အစားကြီး ငွေစက္ကူများကို လာရောက်လဲလှယ်ခဲ့ပါကလည်း CBM King Lion အရွယ်အစားသေး ငွေစက္ကူများနဲ့ ပြန်လည်လဲလှယ်ပေးလျက်ရှိပါတယ်။ သို့ပါ၍ မြန်မာနိုင်ငံတော်ဗဟိုဘဏ်အနေနဲ့ အပြည်ပြည်ဆိုင်ရာ ငွေကြေးနဲ့အရွယ်အစားတူ ငွေစက္ကူများကို သာ ၁၁-၁၀-၂၀၀၄ ရက်နေ့မှစ၍ယနေ့တိုင် ထုတ်ဝေလျက်ရှိပြီး လက်ခံရရှိတဲ့ ငွေစက္ကူအရွယ်အစား ကြီးများကို ပြန်လည်ထုတ်ဝေခြင်းမပြုတော့ဘဲ သိမ်းဆည်းလျက်ရှိပါကြောင်း ရှင်းလင်းဖြေကြားပါသည်။