(က)-စာချွန်တော်အမိန့်များထုတ်ဆင့်ခြင်းနှင့်စပ်လျဉ်းသည့်မေးခွန်း

ပြည်ထောင်စုတရား လွှတ်တော်ချုပ်သို့ ၂၀၁၁ ခုနှစ်၊ ဧပြီလ ၂၂ ရက်နေ့မှစတင်၍ ယနေ့အထိ စာချွန်တော်အမိန့် ထုတ်ပေးရန်လျှောက်ထားခဲ့သော တရားမအထွေထွေလျှောက်ထားမှုမှာ ၁၅ မှုနှင့် ပြစ်မှုဆိုင်ရာ အထွေထွေလျှောက်ထားမှု ၁ မှု၊ စုစုပေါင်း ၁၆ မှုရှိပါတယ်။ တရားမအထွေထွေလျှောက်ထားမှု ၁၅ မှု မှာ အမှုခေါ်စာချွန်တော်အမိန့် လျှောက်ထားမှု ၁၀ မှု၊ အာဏာပေးစာချွန်တော်အမိန့် လျှောက်ထားမှု ၂ မှု၊ တားမြစ်စေစာချွန်တော်အမိန့်နဲ့ အမှုခေါ်စာချွန်တော်အမိန့်လျှောက်ထားမှု ၁ မှု၊ အာဏာပေး စာချွန်တော်အမိန့် သို့မဟုတ် အမှုခေါ်စာချွန်တော်အမိန့် လျှောက်ထားမှု ၁ မှု၊ အမှုခေါ်စာချွန်တော် အမိန့်နဲ့ အာဏာပေးစာချွန်တော်အမိန့်လျှောက်ထားမှု ၁ မှု တို့ဖြစ်ပါတယ်။ ပြစ်မှုဆိုင်ရာအထွေထွေ လျှောက်ထားမှု ၁ မှုမှာ အမှုခေါ်စာချွန်တော်အမိန့်နဲ့ တားမြစ်စေစာချွန်တော်အမိန့် လျှောက်ထားမှု ဖြစ်ပါတယ်။ လေးစားအပ်ပါသော ပြည်သူ့လွှတ်တော်ဥက္ကဋ္ဌနှင်‌့ ပြည်သူ့လွှတ်တော်ကိုယ်စားလှယ်များ ခင်ဗျား။ ပြည်ထောင်စုတရားလွှတ်တော်ချုပ်သို့ လျှောက်ထားခဲ့သော စာချွန်တော်အမိန့်ထုတ်ပေးရန် လျှောက်ထားမှုများကို ပြည်ထောင်စုတရားလွှတ်တော်ချုပ်က စာချွန်တော်အမိန့်လျှောက်ထားမှုများ ဆိုင်ရာ လုပ်ထုံးလုပ်နည်းနှင့်အညီ ဆောင်ရွက်လျက်ရှိပါကြောင်း ဖြေကြားပါသည်။