ကယားပြည်နယ်မှာ တယ်လီဖုန်းဆက်သွယ်ရေးနှင့်ပတ်သက်ပြီး လွိုင်ကော်၊ ဒီမောဆိုမြို့တို့မှာ Auto Telephone များ တပ်ဆင်ထားပါတယ်။ ဖရူဆို၊ ဘောလခဲ၊ ဖာဆောင်း၊ ရှားတောမြို့တို့မှာ Semi Auto Telephone များတင်ဆင်ထားပါတယ်။ အဲ့ဒီ Semi Auto Telephone တွေဟာလည်း MPT Satellite Terminal ဖုန်းတွေနဲ့ချိတ်ဆက်ထားတဲ့အတွက် မလိုအပ်ဘဲဆက်သွယ်ချိန်ကြာမြင့်ခြင်း၊ ရာသီဥတုမကောင်းရင် ဆက်သွယ်မှုခက်ခဲခြင်းတို့ဖြစ်ပေါ်လျက်ရှိပါတယ်။ မဲ့စဲ့မြို့၊ ရွာသစ်မြို့နယ်ခွဲ၊ မော်ချီး တိုက်နယ်၊ လွိုင်လင်လေးတိုက်နယ်၊ ဆီးဘူး၊ ထားလဲ၊ မာခတောရှည်၊ နန်းဖဲ၊ ပီကင်းကျေးရွာကြီးများမှာ MPT Satellite Terminal ဖုန်းတွေတပ်ဆင်အသုံးပြုလျက်ရှိပါတယ်။ Mobile Telephone ဆက်သွယ်ရေးမှာလည်း လွိုင်ကော်နှင့် လောပိတတိုက်နယ်မှာသာ GSM နှင့် CDMA Mobile တပ်ဆင်အသုံးပြုနိုင်ပါသေးတယ်။
ကျွန်တော်တို့ ကယားပြည်နယ်မှာ လက်နက်ကိုင် အဖွဲ့အစည်းများနဲ့ ငြိမ်းချမ်းရေးရရှိအောင် ဆောင်ရွက်နိုင်ခဲ့သလို အိမ်နီးချင်းနိုင်ငံဖြစ်တဲ့ ထိုင်းနိုင်ငံ နှင့်လည်း နယ်စပ်ကုန်သွယ်ရေးစခန်းဖွင့်လှစ်၍ ကုန်သွယ်ရေးလုပ်ငန်းများဆောင်ရွက်နိုင်အောင် စီစဉ်လျက်ရှိပါတယ်။ ပထမအချက်အနေနဲ့ ဖရူဆို၊ ဘောလခဲ၊ ဖာဆောင်း၊ ရှားတော၊ မဲ့စဲ့မြို့နယ်များမှာ Auto Exchange Telephone များတပ်ဆင်ပေးရန်လိုအပ်ပါတယ်။ ဒုတိယအချက်အနေနဲ့ ဒီမောဆို၊ ဖရူဆို၊ ဘောလခဲ၊ ဖာဆောင်း၊ မဲ့စဲ့၊ ရှားတော၊ ရွာသစ်မြို့နယ်ခွဲ၊ မော်ချီးတိုက်နယ်၊ လွိုင်လင်လေးတိုက်နယ်၊ ဆီးဘူးတိုက်နယ်များကို Mobile Telephone များတပ်ဆင်ပေးရန် လိုအပ်လျက်ရှိပါတယ်။ Mobile Telephone တပ်ဆင်မှုနှင့်ပတ်သက်ပြီးကြားသိရတာကတော့ Mobile စခန်းတစ်ခုမှာ Mobile Telephone အလုံးရေ ၃၀၀၀ အထိတပ်ဆင်နိုင်ပြီး Mobile Telephone အလုံးရေ ၂၀၀၀ အထက်ရောင်းရမှသာ တပ်ဆင်ပေးနိုင် တယ်လို့ကြားသိရပါတယ်။ အဲ့ဒီလို သတ်မှတ်ရင်တော့ ဖွံ့ဖြိုးမှုနည်းပါးတဲ့ ကျွန်တော်တို့ပြည်နယ်မှ မြို့နယ်များဟာ Mobile Telephone နဲ့အလှမ်းဝေးနိုင်ပါတယ်။ Mobile Telephone များတပ်ဆင်ပေးပြီးသုံးစွဲလို့ရရင် နှစ်အနည်းငယ်အတွင်း သတ်မှတ်အလုံးရေပြည့်မီကျော်လွန်အောင်ရောင်းသွားရနိုင်ပါတယ်။ Mobile Telephone ရဲ့အဓိကအကျိုးအမြတ်ဟာ ကနဦးတပ်ဆင်ခမဟုတ်ဘဲ ဖုန်းသုံးစွဲမှုဝင်ငွေမှအဓိက ရရှိခြင်းဖြစ်ပါတယ်။ ဖုန်းသုံးစွဲသူများလာတာနှင့်အမျှ ဖုန်းသုံးစွဲမှုဝင်ငွေပိုမိုရရှိလာနိုင်ပါတယ်။ သို့ပါ၍ ပြည်နယ်အတွင်းဖြစ်ပေါ်လာမယ့် စီးပွားရေး၊ ကုန်သွယ်ရေးလုပ်ငန်းများကို အထောက်အကူပြုစေရန် နှင့် ဒေသဖွံ့ဖြိုးတိုးတက်ရေးအတွက် ကယားပြည်နယ်အတွင်း တယ်လီဖုန်းဆက်သွယ်မှုစနစ် ပိုမို လျင်မြန်ကောင်းမွန်လာစေရေး အမြန်ဆုံးဆောင်ရွက်ပေးရန်အစီအစဉ်ရှိ၊ မရှိသိလိုပါကြောင်း မေးမြန်းပါသည်။
ဆက်သွယ်ရေး၊ စာတိုက်နှင့်ကြေးနန်းဝန်ကြီးဌာန၏ ဆက်သွယ်ရေးဝန်ဆောင်မှု လုပ်ငန်းများနှင့် ပတ်သက်၍ ယခုကဲ့သို့ဆွေးနွေးခွင့်ရတဲ့အတွက် ဆွေးနွေး ပေးကြတဲ့အတွက်လည်း အထူးကျေးဇူးတင်ပါတယ်။ နောက်နောင်တွင်လည်း ဆက်သွယ်ရေး ဝန်ဆောင်မှုလုပ်ငန်းတွေနှင့်စပ်လျဉ်းပြီး သိရှိလိုတာတွေ၊ ဆွေးနွေးလိုတာတွေ၊ အကြံပြုလိုတာတွေနှင့် ပတ်သက်လို့လည်းစာနဲ့ပဲဖြစ်ဖြစ်၊ ဖုန်းနဲ့ပဲဖြစ်ဖြစ် မိမိတို့အဆင်ပြေတဲ့အချိန်ကာလတိုင်းမှာ ဆက်သွယ် ဆောင်ရွက်နိုင်ကြပါကြောင်း ရှင်းလင်းဖြေကြားပါသည်။