(ဃ)-ကျိုင်းတုံမြို့ ရေပေးဝေရေး လုပ်ငန်းအသစ်တစ်ခု ထပ်မံဆောင်ရွက်နေမှုတွင် လိုအပ်လျက်ရှိသော ရန်ပုံငွေကို ပြည်ထောင်စုရန်ပုံငွေမှ ကူညီဆောင်ရွက်ပေးနိုင်ခြင်းရှိ/မရှိနှင့်စပ်လျဉ်းသည့်မေးခွန်း

ကျိုင်းတုံမြို့နယ်စည်ပင်သာယာရေးဌာနက ၂၀၁၇-၁၈ ဘဏ္ဍာရေးနှစ် မူလဝင်ငွေလျာထားချက်မှာ ကျပ်သိန်း ၁၀၁၀၀ ဖြစ်ပြီး ငွေလုံးငွေရင်းအသုံးစရိတ်ငွေကျပ် သိန်း ၅၂၇၀ ဖြင့် မူလရန်ပုံငွေ (BE) တွင် ကတ္တရာခင်းခြင်း (၂) လမ်း ခန့်မှန်းကုန်ကျငွေကျပ် ၁၉၄ သိန်း၊ ကတ္တရာထပ်ပိုးလွှာခင်းခြင်း (၆) လမ်း ခန့်မှန်းကုန်ကျငွေကျပ် ၇၆၇ သိန်း၊ ကွန်ကရစ်ခင်းခြင်း (၆) လမ်း ခန့်မှန်းကုန်ကျငွေ ၁၄၂၄ သိန်း၊ ကျောက်ချောလမ်း ခင်းခြင်း (၇) လမ်း ခန့်မှန်းကုန်ကျငွေကျပ် ၇၇၉.၅ သိန်း၊ မြို့တွင်းလမ်းဖာခြင်း ခန့်မှန်းကုန်ကျငွေ ကျပ် ၃၂၀.၆ သိန်း၊ Box Culvert တည်ဆောက်ခြင်း ၁၂ စင်း ခန့်မှန်းကုန်ကျငွေကျပ် ၄၉၂ သိန်း၊ ကွန်ကရစ်တံတား တစ်စင်းတည်ဆောက်ခြင်း ခန့်မှန်းကုန်ကျငွေ ၇၄.၈ သိန်း၊ ရေပေးရေးလုပ်ငန်း ၁၄ ခု ခန့်မှန်းကုန်ကျငွေ ၈၂၁.၄ သိန်း၊ အခြားလုပ်ငန်း ၁၅ ခုအတွက် ခန့်မှန်းကုန်ကျငွေကျပ် ၃၉၆ သိန်းဖြင့် အဆိုပါလုပ်ငန်းတွေကို ရရှိတဲ့ဘဏ္ဍာငွေပေါ်မူတည်ပြီးတော့ အကောင်အထည်ဖော် ဆောင်ရွက်ပြီးဖြစ်ပါကြောင်း ပြည်နယ်အစိုးရ အဖွဲ့၏ဖြေကြားချက်ထဲတွင်လည်း ပါရှိပါကြောင်း၊          ၂၀၁၇-၁၈ ဘဏ္ဍာရေးနှစ် ဖြည့်စွက်ရန်ပုံငွေတွင် ကတ္တရာထပ်ပိုးလွှာ ခင်းခြင်း (၂) လမ်း ခန့်မှန်းကုန်ကျငွေ ၂၅၂ သိန်း၊ ရေပေးရေးလုပ်ငန်းနှစ်ခု ခန့်မှန်းကုန်ကျငွေ ၉၀ သိန်း၊ ကွန်ကရစ်တံတား (၆) စင်း တည်ဆောက်ခြင်း ခန့်မှန်းကုန်ကျငွေ ၄၄၈.၈ သိန်း၊ အခြားလုပ်ငန်းနှစ်ခု ခန့်မှန်းကုန်ကျငွေကျပ် ၇၂ သိန်းဖြင့် လုပ်ငန်းများကို ၆၀ ရာခိုင်နှုန်းပြီးစီးအောင် ဆောင်ရွက်ထားပြီး ဖြစ်ပါကြောင်း၊

ထို့အတူ ၂၀၁၈-၁၉ ယခုဘဏ္ဍာရေးနှစ် Mini Budget တွင် မူလဝင်ငွေကို  လျာထားချက် ၁၀၆၇၀ လျာထားပြီး အပိုင်း(၁)အနေဖြင့် ငွေလုံးငွေရင်းအသုံးစရိတ်ငွေကျပ် ၅၃၉၅.၉ သိန်းနှင့် ကတ္တရာလမ်းခင်းခြင်း (၁) လမ်း ခန့်မှန်းကုန်ကျငွေသိန်း ၂၂၀၊ ကျောက်ချောလမ်း (၄) လမ်း ခန့်မှန်း ကုန်ကျငွေကျပ် ၄၂၆.၅ သိန်း၊ ကွန်ကရစ်လမ်းခင်းခြင်း (၂) လမ်း ခန့်မှန်းကုန်ကျငွေကျပ် ၂၂၇ သိန်း၊ မြေသားလမ်းခင်းခြင်း (၂) လမ်း ခန့်မှန်းကုန်ကျငွေကျပ် ၅၀၈ သိန်း၊ Box Culvert ၁၇ စင်း တည်ဆောက်ခြင်းခန့်မှန်း ကုန်ကျငွေကျပ် ၁၅၅၉ သိန်း၊ ကွန်ကရစ်တံတားတစ်စင်း တည်ဆောက်ခြင်း ကျပ် ၂၁၄.၉ သိန်း၊ မြို့တွင်းလမ်းပေါက်ဖာခြင်း ခန့်မှန်းကုန်ကျငွေကျပ် ၁၁၁ သိန်း၊ မြို့ရေပေးရေးလုပ်ငန်း ၁၀ ခုအတွက် ခန့်မှန်းကုန်ကျငွေကျပ် ၂၈၇.၅ သိန်းဖြင့် ရေမြောင်းပြုလုပ်ရန် ခန့်မှန်းကုန်ကျငွေကျပ် ၁၆၁၂ သိန်း၊ အင်ဂျင်နီယာလုပ်ငန်းသုံး ယာဉ်ဝယ်ယူမှုအတွက် ခန့်မှန်းကုန်ကျငွေကျပ်သိန်း ၂၃၀ တို့နှင့်ဆောင်ရွက်ရန် လျာထားထားပါကြောင်း၊ ကျိုင်းတုံမြို့၊ ရေပေးဝေရေးလုပ်ငန်းအသစ် တစ်ခုဖြစ်သည့် Intake Tank တည်ဆောက်ခြင်း (၁၃ ပေ-၆ လက်မ x ၁၃ ပေ-၆ လက်မx ပေ ၄၀) ခန့်မှန်းကုန်ကျငွေကျပ် ၉၇.၁ သိန်းနှင့် ကွီနမ့်ကိုင်ချောင်း ရေထွက်ကနေပြီး (၈) မိုင်ရေလှောင်ကန်ကို ၈ လက်မ GI ပိုက်သွယ်တန်းခြင်း ၁၆၀၀၀၀ ခန့်မှန်းကုန်ကျငွေကျပ် ၅၃၉၁ သိန်း စုစုပေါင်းခန့်မှန်းကုန်ကျငွေ ၅၄၈၈.၁ သိန်း ကုန်ကျခံဆောင်ရွက်သွားရန် ဖော်ပြထားခြင်းရှိပါကြောင်း၊ ၎င်းလုပ်ငန်းအတွက် ရှမ်းပြည်နယ်အစိုးရက ယခု ၂၀၁၇-၁၈ ပြီးခဲ့သည့် ဘဏ္ဍာရေးနှစ်တွင်  ၈ လက်မ GI ပိုက်များ ဝယ်ယူဆောင်ရွက်သွားရန်အတွက် ကျပ်သိန်း ၅၀၀ ကို ထောက်ပံ့ခွင့်ပြုခဲ့ပြီး ဖြစ်ပါကြောင်း၊ ကျန်ရှိတဲ့ လုပ်ငန်းများကို ဆောင်ရွက်ရန်အတွက် ကျပ်သိန်းပေါင်း ၅၀၀၀ ခန့် ကုန်ကျမည်ဖြစ်ပါကြောင်း၊ ပြည်နယ်အစိုးရအဖွဲ့ကနေ သဘာဝဘေးကြိုတင်ကာကွယ်ရေး ရန်ပုံငွေ ယခုနှစ်တွင် သိန်း ၂၀၀၀ ထပ်မံခွဲဝေပေးထားပြီး ဖြစ်ပါကြောင်း၊ ထို့ကြောင့်ထပ်မံပြီးလိုအပ်မည့် ငွေကို ၂၀၁၈-၁၉ ယခုဘဏ္ဍာရေးနှစ်အတွင်း လျာထားဆောင်ရွက်သွားမည်ဖြစ်ပါကြောင်း ရှမ်းပြည်နယ်အစိုးရအဖွဲ့နှင့် ပေါင်းစပ်ညှိနှိုင်းဖြေကြားပါသည်။