(ဃ)-တပ်ကုန်းမြို့နယ်အတွင်းရှိ ဆင်သေ-ပင်လောင်းရထားလမ်းဖောက်လုပ်ရာတွင် ပါဝင်သွားသော လယ်ယာမြေများအတွက် နစ်နာကြေးနှင့် သီးနှံလျော်ကြေးပေးအပ်ရန် အစီအစဉ်ရှိ/မရှိနှင့် စပ်လျဉ်း သည့်မေးခွန်း

ဆင်သေ-ပင်လောင်းရထားလမ်းစီမံကိန်းကို ၂၅-၆-၂၀၁၀ ရက်နေ့တွင် စတင်ဖောက်လုပ်ခဲ့ပါကြောင်း၊ ရမည်းသင်းမြို့နယ်၊ ရေဦးကျေးရွာနားအထိ ရထားလမ်းမိုင် ၂၂.၅ မိုင် ဖောက်လုပ်ပြီးစီးပြီးနောက် ၂၀၁၂-၁၃ ဘဏ္ဍာရေးနှစ်တွင် စီမံကိန်းကိုတစ်ဝက်တစ်ပြတ် ရပ်နားထားခဲ့သည်မှ  ယနေ့အချိန်အထိ ဖြစ်ပါ ကြောင်း၊ မူလလျာထားသည့်အတိုင်း စီမံကိန်းကို အပြည်‌့အဝအကောင်အထည် မဖော်နိုင်ခဲ့သည့်အတွက် အဆိုပါရထားလမ်းကို ပြည်သူများယနေ့အချိန်အထိ အသုံးပြုခွင့်မရခဲ့သလို စီမံကိန်းကုန်ကျ စရိတ် ငွေ ကျပ်သန်းပေါင်း ၅၂၀၃.၉၈၁ ငါးဘီလီယံကျော်ကို နိုင်ငံတော်ဘဏ္ဍာမှ ကျခံသုံးစွဲခဲ့ရသည့်အပြင် အဆိုပါရထားဖောက်လုပ်မှုကြောင့် ဒေသခံတောင်သူများ၏ လယ်ယာမြေ ဧကစုစုပေါင်း ၂၃၀.၈၉ ဧကကို ဆုံးရှုံးနစ်နာခဲ့ရပါကြောင်း၊ ၎င်းအထဲတွင် တပ်ကုန်းမြို့နယ်တွင် တောင်သူဦးကြီး ၂၄၀ ဦး၏ လယ်ယာ မြေဧက စုစုပေါင်း ၂၀၅.၁၉ ဧကလည်း ပါသွားခဲ့ပြီး ၂၀၁၅-၁၆ ဘဏ္ဍာရေးနှစ်တွင် တောင်သူ ၁၃၂ ဦး၏ လယ်ယာမြေဧက ၁၂၀.၀၈ ဧကအတွက်ကို မြေယာလျော်ကြေးနှင့် သီးနှံလျော်ကြေး ‌ငွေကျပ် ၁၈၃၅ သိန်းခန့်ပေးလျော်ခဲ့သော်လည်း ကျန်ရှိနေသည့် လယ်ယာမြေ ၈၅.၁၁ ဧကအတွက် ယနေ့အချိန်ထိ မည်သည့်လျော်ကြေးမှမရရှိသေးပါကြောင်း၊ သို့သော် စီမံကိန်းကြောင့်ဆုံးရှုံးသွားသည့် ရမည်းသင်း  မြို့နယ်မှ လယ်ယာမြေများအတွက် လယ်ယာနစ်နာကြေးနှင့် သီးနှံလျော်ကြေးများ အပြည့်အဝ ပေးလျော် ပြီးပြီဟု ကြားသိရပါကြောင်း၊ အကောင်အထည်ဖော်ဆောင်ရွက်သည့်စီမံကိန်းတစ်ခုတည်းမှ တောင်သူ ချင်းချင်းမှ တချို့တောင်သူများက လယ်ယာ‌မြေနစ်နာကြေးနှင့် သီးနှံလျော်ကြေးများရရှိခဲ့သော်လည်း မိမိတို့တပ်ကုန်းမြို့နယ် ကျေးရွာအုပ်စု ခြောက်အုပ်စုမှ တောင်သူ ၁၀၈ ဦး၏ လယ်ယာမြေ ၈၅.၁၁ ဧက အတွက် လယ်ယာမြေနစ်နာကြေးနှင်သီးနှံလျော်ကြေး ယနေ့ အချိန်ထိမရရှိသေးသည့်အတွက် လယ်ယာ မြေနစ်နာ‌ကြေးနှင့် သီးနှံလျော်ကြေးကို အမြန်ဆုံးပေးလျော်ရန်အစီအစဉ်ရှိ/မရှိနှင့် အစီအစဉ်ရှိပါက မည်သည့်ဘဏ္ဍာနှစ်တွင် လျာထားဆောင်ရွက် ပေးမည်၍ အစီအစဉ်မရှိတော့ပါက ယခုဖောက်လုပ်ထား သည့် ရထားလမ်းတာပေါင်ကို မြို့နယ်ပြည်သူလူထုအတွက် အသုံးပြုခွင့်ပေးနိုင်ရန် မည်ကဲ့သို့စီစဉ် ဆောင်ရွက်ထားသည်ကို သိလိုပါကြောင်းဖြင့်မေးမြန်းပါသည်။