ချင်းပြည်နယ်၊ ပလက်ဝမြို့နယ်၏အရှေ့မြောက်ဘက်ရှိ ဝေးလံခေါင်သီသော အိန္ဒိယနယ်စပ်၌ ပထိန်တလင်ကျန်းမာရေးဌာနခွဲအပါအဝင် ကျန်းမာရေးဌာန သုံးခုရှိပါကြောင်း၊ ကျေးရွာပေါင်း ၂၆ ရွာ၊ အိမ်ခြေပေါင်း ၁၁၂၈ နှင့် လူဦးရေပေါင်း ၇၅၆၀ ဦးရှိပြီး ပထိန်တလင်ရွာတွင် အိမ်ခြေ ၁၃၀၊ လူဦးရေ ၆၆၆ ဦးနှင့် အထက်တန်းကျောင်း(ခွဲ)လည်း ရှိပါကြောင်း၊ ထို့ကြောင့် ပထိန်တလင် ကျန်းမာရေး ဌာနခွဲအား ကျေးလက်ကျန်းမာရေးဌာနအဆင့်သို့ ၂၀၁၆-၁၇ ခုဘဏ္ဍာရေးနှစ်တွင် ဦးစားပေး တိုးမြှင့်ပေးရန် အစီအစဉ်ရှိ/မရှိ သိရှိလိုပါ၍ မေးမြန်းခဲ့ပါသည်။
ချင်းပြည်နယ်၊ ပလက်ဝမြို့နယ်ရဲ့ အရှေ့မြောက်ဘက် အိန္ဒိယနယ်စပ်မှာရှိတဲ့ ပထိန်တလင်ကျန်းမာရေးဌာနခွဲအား ကျေးလက်ကျန်းမာရေးဌာန အဆင့်သို့ ၂၀၁၆-၁၇ ဘဏ္ဍာရေးနှစ်တွင် ဦးစား ပေးတိုးမြှင့်ရန် အစီအစဉ်ရှိ/မရှိနှင့်ပတ်သက်၍ ရှင်းလက်ဝ ကျေးလက်ကျန်းမာရေးဌာနခွဲနှင့် ၂၂ မိုင် ကွာဝေးခြင်း၊ အိမ်ခြေ ၇၁၅ အိမ်၊ လူဦးရေ ၃၈၁၁ ဦးရှိပြီး ပထိန်တလင် ကျေးလက်ကျန်းမာရေး ဌာနခွဲအား ကျေးလက်ကျန်းမာရေးဌာနအဖြစ် တိုးမြှင့်ဖွင့်လှစ်ပေးပါက ကျေးရွာ ၁၂ ရွာအား ကျန်းမာရေး စောင့်ရှောက်မှု လွှမ်းခြုံပေးနိုင်မည်ဖြစ်သဖြင့် ၂၀၁၅-၁၆ ဘဏ္ဍာရေးနှစ်တွင် ဖွဲ့စည်းပုံခွင့်ပြုမိန့်ရရှိရေးအတွက် ဆက်လက်စီစဉ်ဆောင် ရွက်ပေး သွားမည် ဖြစ်ပါကြောင်း ပြန်လည်ဖြေကြားခဲ့ပါသည်။