၂၀၁၄ ခုနှစ် ဒီဇင်ဘာလအတွင်း ရှမ်းပြည်နယ်တောင်ပိုင်း၊ လွိုင်လင် မြို့နယ် ပင်လုံအရှေ့ကျေးရွာအုပ်စု ကျူရုံးရွာဘုန်းတော်ကြီးကျောင်းတွင် ကျူရုံးရွာမှ ရပ်မိရပ်ဘများကို တွေ့ဆုံခဲ့ရာ ကျူရုံးရွာရှိ အမကကျောင်း အဆောက်အဦသည် အကာအရံများ၊ အခင်းများကောင်းမွန်မှုမရှိဘဲ အလျင်အမြန် ပြု ပြင်ဆောင်ရွက်ပေးနိုင်ပါရန် မိဘပြည်သူများမှ လိုလားပါကြောင်း၊ သို့ဖြစ်ပါ၍ ရှမ်းပြည်နယ် (တောင်ပိုင်း)၊ လွိုင်လင်မြို့နယ် ပင်လုံအရှေ့ကျေးရွာအုပ်စု ကျူရုံးရွာအမကကျောင်း အဆောက်အဦအသစ် ဆောက်လုပ်ပေးရန် အစီအစဉ်ရှိ/မရှိ၊ အစီအစဉ်ရှိပါက မည်သည့်အချိန်တွင် ဆောင်ရွက်ပေးမည်နှင့် အစီအစဉ်မရှိပါက မည်သည့် အတွက်ကြောင့် ဖြစ်သည်ကို သိရှိလိုကြောင်း မေးမြန်းပါသည်။
လွိုင်လင်မြို့နယ်တွင် ဘဏ္ဍာရေးစည်းမျဉ်းစည်းကမ်းများ၊ လုပ်ထုံးလုပ်နည်းများနှင့်အညီ မြို့နယ်ဦးစားပေး အစီအစဉ် ကျောင်းအလိုက် တန်းစီဇယားအရ ရှမ်းပြည်နယ်(တောင်ပိုင်း)၊ လွိုင်လင် မြို့နယ်တွင် စုစုပေါင်း အခြေခံပညာကျောင်း ၁၄ ကျောင်းအတွက် ၂၀၁၅-၂၀၁၆ ဘဏ္ဍာရေးနှစ် ငွေလုံးငွေရင်း ရန်ပုံငွေခေါင်းစဉ်အောက်မှ ငွေကျပ် ၄၆၄.၄၀၀ သန်းကို ခွဲဝေပေးပြီးဖြစ်ပါသဖြင့် ယခု ကိုယ်စားလှယ်တင်ပြသော ကျူရုံးရွာ အခြေခံပညာမူလတန်းကျောင်းတွင် ကျောင်းဆောင်သစ်ဆောက် လုပ်ပေးရန် အစီအစဉ်မရှိပါကြောင်း ရှင်းလင်းဖြေကြားပါသည်။