(ခ)-မော်လိုက်မြို့ရှိချင်းတွင်းမြစ်ကမ်းနားလိုင်းနှင့်မြို့ တွင်းလိုင်းအတွက်မီးအားမြှင့်စက်တစ်လုံးစီနှင့်မီး ကြိုးလိုင်းများအသစ်အစားထိုးလဲလှယ်ပေးနိုင်ခြင်း ရှိ/မရှိ နှင့် စပ်လျဉ်းသည့် မေးခွန်း

မော်လိုက်မြို့တွင် အိမ်ခြေ ၁၀၅၁ အိမ်ရှိပြီး မီးသုံးသူဦးရေ ၆၃၂ ဦးကို ဒီဇယ်ဓာတ်အားပေးစက် ဖြင့် တစ်နေ့လျှင် နှစ်နာရီ ဓာတ်အားဖြန့်ဖြူးပေးထား ပါကြောင်း၊ ယခင်က မီးလင်းရေးကော်မတီပိုင် ၃၀၀ ကေဗွီအေ ကူမင်း(Cummin) စက်ဖြင၊ ဓာတ်အားပေးခဲ့ပြီး ၂၄-၅-၂၀၁၃ ရက်နေ့မှစတင်ကာ ဌာနပိုင် ၅၀၀ ကေဗွီအေ အင်မျူးဆိုး (Inmesol) စက်ဖြင့် ယခုအချိန်ထိ ဓာတ်အားပေး လျှက်ရှိပါကြောင်း၊

မော်လိုက်မြို့အတွက် မြို့မ (၁)၊ မြို့မ (၂) ရပ်ကွက်များမှာ သစ်သားတိုင်နှင့် သံတိုင်များမှာ ကွန်ကရစ်တိုင်ဖြင့် အစားထိုးလဲလှယ်ရန် ၂၀၁၅-၂၀၁၆ ဘဏ္ဍာရေးနှစ် များ တွင် လည်းကောင်း၊ ဝ.၄/၁၁ ကေဗွီ ၅၀၀ ကေဗွီအေ ထရန်စဖော်မာ တစ်လုံး တိုးချဲ့တပ်ဆင်ရန်အတွက် ၂၀၁၄-၂၀၁၅ ဘဏ္ဍာရေးနှစ်တွင် လည်းကောင်း၊ တိုင်းဒေသကြီးအစိုးရအဖွဲ့၏ရန်ပုံငွေမှ ဆောင်ရွက်ရန် ထည့်သွင်း လျာထားပြီး ဖြစ်သည့်အပြင် ကျန်ရှိသော ၁၁ ကေဗွီ ဓာတ်အားလိုင်း၊ ထရန်စဖော်မာခွဲရုံများ၊ ဓာတ်အား လိုင်းများ တိုးချဲ့တည်ဆောက်ခြင်း၊ အစားထိုးတည်ဆောက်ခြင်း၊ ပြုပြင်လဲလှယ်ခြင်းလုပ်ငန်းများကို ၂၀၁၄-၂၀၁၅ ဘဏ္ဍာရေးနှစ်မှစတင်ကာ တိုင်းဒေသကြီး/ပြည်နယ်အစိုးရအဖွဲ့များ၏ ဘတ်ဂျက်ရန်ပုံ ငွေများတွင် ထည့်သွင်း လျာထား ဆောင်ရွက် ရန် ညှိနှိုင်းပြီး ဖြစ်သည့်အတွက် အဆိုပါလုပ်ငန်းများကို  တိုင်းဒေသကြီး လျှပ်စစ်အင်ဂျင်နီယာမှ သက်ဆိုင်ရာ တိုင်းဒေသကြီး အစိုးရအဖွဲ့သို့ တင်ပြပြီး ပြည်ထောင်စုအစိုးရအဖွဲ့သို့ နှစ်အလိုက် ဘတ်ဂျက်ရန်ပုံငွေ တင်ပြတောင်းခံပြီး ဖြည့်ဆည်းဆောင်ရွက်သွားမှာ ဖြစ်ပါကြောင်း ပြန်လည်ဖြေကြားပါသည်။