(င)-မိုင်းရှူးမြို့နယ်ပြည်သူ့ဆေးရုံ၏ဝန်ထမ်းအိမ်ရာ များပျက်စီးနေခြင်းကိုပြန်လည်ပြုပြင်ပေးရန်နှင့်ကျေး လက် ကျန်းမာရေး အဆောက်အအုံများဆောက် လုပ်ပေးရန်တို့နှင့် စပ်လျဉ်းသည့် မေးခွန်း

မိုင်းရှူးမြို့နယ်ရှိ နားဝိုင်း၊ ဝမ်လွယ်၊ လွိုင်ငိုင်း၊ နားစံ၊ ဖာယ၊ ဟဲပါကျေးရွာအုပ်စုများတွင် ကျေးလက် ကျန်းမာရေး အဆောက်အအုံများ ဆောက်လုပ်ပေးရန်နှင့် မိုင်းရှူးမြို့နယ် ပြည်သူ့ဆေးရုံ၏ ဝန်ထမ်း အိမ်ရာများ ပျက်စီးနေခြင်းကို ပြန်လည်ပြုပြင်ပေးရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

မိုင်းရှူးမြို့နယ်အတွင်းရှိ နားဝိုင်ကျေးရွာ၊ ဝမ်လွယ်ကျေးရွာ၊ လွိုင်ငိုင်းကျေးရွာ၊ နားစံကျေးရွာ၊ ဖာယကျေးရွာနှင့်  ဟဲပါကျေးရွာအုပ်စုများတွင် ကျန်းမာရေး ဝန်ထမ်း များ ထားရှိသော်လည်း ကျေးရွာမှ ကိုယ်ထူကိုယ်ထ အဆောက်အအုံများကို တက်နိုင် သလောက်သာဆောက်လုပ်၍ ဆေးခန်းများဖွင့်လှစ်နေသည် ကိုတွေ့ရ ပါကြောင်း၊ ဆေးနှင့် ပစ္စည်းများလုံခြုံအောင်ထားနိုင်သော အဆောက် အအုံများ မရှိသေးသဖြင့် ကျန်းမာရေးဌာနမှ ဆောက်လုပ်ပေးရန် ပြည်သူ များမှမျှော်လင့် လျက်ရှိပါကြောင်း၊ မိုင်ရှူးမြို့ ၂၅ ခုတင်ဆံ့ ဆေးရုံ တစ်ရုံကို ၁၉၉၂ ခုနှစ် တွင် နိုင်ငံတော်မှ တည်ဆောက်ပေးထားပြီးဖြစ်သော်လည်း ဆေးရုံဝန်ထမ်းများနှင့် ကျန်းမာရေး ဝန်ထမ်းများနေထိုင်ရန်နှစ်ပေါင်း ၅၀ကျော် ဟောင်းနွမ်းဆွေးမြေ့ေ နသော  ပျဉ်ထောင်အဆောက်အအုံ ၃ လုံးသာရှိပြီး ဖွဲ့စည်းပုံအရ ရောက်ရှိလာသော ကျန်းမာရေးဌာန ဝန်ထမ်းများအတွက် ဝါး၊ ထရံကာ အဆောက်အအုံ ၁ ခုကို ကြပ်ကြပ်တည်းတည်းဖြင့် စုပေါင်းနေထိုင်၍ တာဝန်များကို ထမ်းဆောင်နေရပါကြောင်း၊ ထို့ကြောင့် ဖော်ပြပါကျေးရွာ များအတွက် လိုအပ်သော ကျေးလက်ကျန်းမာရေးအဆောက်အအုံအား ဆောက်လုပ်ပေးရန် မြို့နယ်ပြည်သူ့ဆေးရုံဝန်ထမ်းများ အိမ်ယာများနေထိုင်ရန် အဆောက်အအုံအား ပြန်လည်ပြုပြင်ပေးရန်နှင့် ကျန်းမာရေးဌာနဝန်ထမ်း များလုံခြုံ စွာနေနိုင်ရန်၊ လုံလောက်စွာနေထိုင်ရန်အတွက် ဝန်ထမ်းအိမ်ရာအသစ်ထပ်မံ ဆောက်လုပ်ပေးရန် အစီအစဉ်ရှိ/ မရှိ တို့ကိုသိရှိလိုပါကြောင်း မေးမြန်းပါသည်။