ညောင်ရွှေမြို့နယ်သည် နိုင်ငံံံ့ကျက်သရေဆောင် ကမ္ဘာကျော်အင်းလေးကန်ကြီး တည်ရှိရာမြို့နယ်ဖြစ်ပြီး ညောင်ရွှေမြိုအရှေ့ဘက်ရှိ တောင်တန်းများပေါ် ရှိ ကျေးရွာများမှ ပြည်သူများသည် အင်းလေးကန် အရှေ့ဘက်ကမ်းရှိ ညောင်ရွှေဈေး၊ မိုင်းသောက်ဈေး၊ သလဲဦးဈေးများကို အဓိကမှီခိုအားထားလျက်ရှိရာ အဆိုပါဈေးများသို့သွားလာခြင်း၊ တစ်ရွာနှင့်တစ်ရွာ ကူးလူးဆက်ဆံခြင်းအတွက် ၎င်းတို့ကိုယ်တိုင် ဖောက်လုပ်ထားသော ကိုယ်ထူကိုယ်ထလမ်းများဖြင့် ခက်ခဲစွာ သွားလာရပါကြောင်း၊ သို့ဖြစ်ပါ၍ ညောင်ရွှေမြို့ အရှေ့ဘက် တောင်တန်း များပေါ်ရှိ ကျေးရွာ အုပ်စု ၃ ခုအတွင်းရှိ ကျေးရွာများ ဆက်သွယ်သွားလားရေး အဆင် ပြေချေမွေ့စေရေးအတွက် ညောင်ရွှေ-လွယ်ခေါ်-အင်းနီ-သပြေကုန်း-သလဲဦးလမ်း မိုင် ၂၀ ကို နိုင်ငံတော်မှ မြေသားလမ်း ဖောက်လုပ်ပေးနိုင်ရေး အစီအစဉ်ကို သိရှိလိုကြောင်းမေးမြန်းပါသည်။
ရှမ်းပြည်နယ်တောင်ပိုင်း ညောင်ရွှေမြို့နယ် အရှေ့ဘက်တောင်တန်းပေါ် ရှိ ကျေးရွာအုပ် စု ၃ ခုအတွင်း ကျေးရွာများဆက် သွယ်သော ညောင်ရွှေ-လွယ်ခေါ်-အင်နီ-သပြေကုန်း-သလဲဦးလမ်းသည် လက်ရှိအခြေအနေ တွင် ကျောက်လမ်း ၆ ဖာလုံ၊ မြေသားလမ်း ၁၉ မိုင်၊ ၂ ဖာလုံ စုစုပေါင်းအရှည် ၂၀ မိုင်ရှိပါကြောင်း၊ လမ်းအရှည် ၁၉ မိုင်၊ ၂ ဖာလုံကို မြေသားလမ်းအဖြစ် အဆင့်မြှင့်တင် ဆောင်ရွက်မည် ဆိုပါက ငွေကျပ် ၂၈၈.၇၅ သန်း ကုန်ကျမည် ဖြစ်ပါကြောင်း၊ ရှမ်းပြည်နယ်အတွင်း ရှိ မွေးမြူရေး၊ ရေလုပ်ငန်းနှင့်ကျေးလက်ဒေသ ဖွံ့ဖြိုးရေးဝန်ကြီး ဌာန၊ ကျေး လက်ဒေသ ဖွံ့ဖြိုးတိုးတက်ရေးဦးစီးဌာန၏ ၂၀၁၃-၁၄ ဘဏ္ဍာရေးနှစ် ရန်ပုံငွေကျပ် ၈၉၃၅.၂၃၃ သန်း ဖြင့် ကတ္တရာလမ်း ၃၂ မိုင်၊ ၁ ဖာလုံ၊ ကျောက်ချောလမ်း ၆၇ မိုင်၊ ၂ ဖာလုံ၊ မြေသားလမ်း ၁၅၆ မိုင်၊ သစ်သား တံတား ၃၁၄၃ ပေ၊ ရေပြွန် ၂၁၀၀ ပေ ဆောင်ရွက်ရန်ခွင့်ပြုပြီးဖြစ်ပါကြောင်း၊ ညောင်ရွှေမြို့နယ်အတွင်းရှိ မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ၏ ၂၀၁၃-၁၄ ဘဏ္ဍာရေးနှစ် ရန်ပုံငွေကျပ် ၈၄၇.၀၂ သန်းဖြင့် ညောင်ရွှေ-တောင်ပို့ကြီးလမ်း၊ ခေါင်တိုင်-အင်းတိုင်-ရွှေအင်းတိမ်လမ်းဘုရားလမ်း၊ နန့်ပန်-ဓါတ်တော်ရေဦးလမ်းနှင့် ညောင်ရွှေ-ပေါင်းပိတ်တာပတ်လမ်း၊ ကတ္တရာလမ်း ၄ လမ်း (၇ မိုင်၊ ၁ ဖာလုံ)၊ နန့်ပန်-ဓါတ်တော်ရေဦးလမ်း၊ ကန်တော်-လွယ်ခေါ့လမ်း၊ ကျောက်လမ်း ၂ လမ်း (၁ မိုင်၊ ၄ ဖာလုံ)၊ ကန်တော်-လွယ်ခေါ့လမ်း၊ အင်းတိမ်-မှော်ဘီလမ်း၊ ညောင်ရွှေ-နန်းနွဲ့လမ်း၊ မြေသားလမ်း ၃ လမ်း (၅ မိုင်)၊ တိန်နန်းသစ်သားတံတား ၁၄၀ ပေ၊ ညောင်ရွှေ-ရွာသာယာလမ်းရေပြွန် ၃၀ ပေ တို့ကို လျာထားခွင့်ပြုပြီးဖြစ်ပါကြောင်း၊ ညောင်ရွှေမြို့နယ်အတွင်းရှိ ညောင်ရွှေ-လွယ်ခေါ်-အင်းနီ-သပြေကုန်း- သလဲဦး လမ်းအရှည် ၂၀ မိုင် မြေသားလမ်းအား ၂၀၁၃ -၁၄ ဘဏ္ဍာရေးနှစ်တွင် ကျောက်ချောလမ်း ၁ မိုင် အတွက် ခွင့်ပြုငွေ ကျပ် ၄၀.၈ သန်း၊ မြေသားလမ်း ၂ မိုင်အတွက် ခွင့်ပြုငွေကျပ် ၂၄.၆ သန်းဖြင့် လျာထားပြီးဖြစ်ပါကြောင်း ရှင်းလင်းဖြေကြားပါသည်။