(စ)-ညောင်တုန်းမြို့နယ်အပါအဝင် ဆောက်လုပ်ရေးဝန်ကြီးဌာန၊ လမ်းဦးစီးဌာန၏ လမ်းနယ်နိမိတ် များကို မူလလမ်းနှင့်သတ်မှတ်ချက် ပေ ၃၀၀ မှ ပေ ၁၅၀ လျှော့ချခြင်းကြောင့် ဖြစ်ပေါ်လာသော မြေလွတ်မြေလပ်များအား မည်သို့စီမံ ဆောင်ရွက်ထားသည်ကို သိလိုခြင်းနှင့်စပ်လျဉ်းသည့် မေးခွန်း

ဆောက်လုပ်ရေးဝန်ကြီးဌာန လမ်းဦးစီးဌာနပိုင်လမ်းများနှင့် ပတ်သက်၍ လမ်းနယ်နိမိတ်များကို လမ်းအဆင့်အတန်းအပေါ် မူတည်ပြီး ၂၄-၇-၂၀၁၄ ရက် နေ့မှစ၍ အမြန်လမ်းမကြီး ၄၀၀ ပေ၊ အထူး သတ်မှတ်လမ်း ၃၀၀ ပေ၊ နိုင်ငံတကာ ဆက်သွယ် ရေးလမ်းမကြီး ၂၃၀ ပေ၊ ပြည်ထောင်စုလမ်းမကြီး ၁၅၀ ပေ၊ တိုင်းဒေသကြီး/ ပြည်နယ်များ ဆက်သွယ်သည်‌့လမ်း ၁၅၀ ပေ၊ ခရိုင်/မြို့နယ်များ ဆက်သွယ် သည်‌့လမ်း ၁၅၀ ပေနှင့် မြို့နယ်/ကျေးရွာများ ဆက်သွယ်သည်‌့လမ်း ၁၀၀ ပေ စသည်ဖြင့် အသီးသီး သတ်မှတ်ထားပြီး မြို့တွင်း/ရွာတွင်းစည်ပင်သာယာ နယ်နိမိတ်အတွင်း၌ အနည်းဆုံး ၁၀၀ ပေအဖြစ် သတ်မှတ်ထားရှိပါကြောင်း၊ ပုသိမ်-မုံရွာလမ်းနှင့် ရန်ကုန်-ပုသိမ်လမ်းတို့သည်‌ ပြည်ထောင်စုလမ်းမကြီးများ ဖြစ်သဖြင့် လမ်းနယ်နိမိတ် သတ်မှတ်ချက်မှာ ၁၅၀ ပေဖြစ်ပါကြောင်း၊  အဆိုပါလမ်းနှစ်လမ်းအနက် ပုသိမ်-မုံရွာလမ်းကို ဧရာဝတီတိုင်းဒေသကြီး၊ အေးချမ်းသာယာရေးနှင့် ဖွံ့ဖြိုးရေးကောင်စီ၏ EC ဆုံးဖြတ်ချက် အရ ၂၀-၈-၂၀၁၀ ရက်နေ့တွင် လမ်းနယ်နိမိတ် အကျယ် ၃၀၀ ပေအဖြစ် သတ်မှတ်ခဲ့ပါ ကြောင်း၊ သဖြင့် လက်ရှိလမ်းအဆင့် သတ်မှတ်ချက်အရ ၎င်းနယ်နိမိတ် ကို ၁၅၀ ပေသို့ ၂၄-၇-၂၀၁၄ ရက်နေ့တွင် ပြန်လည်ပြင်ဆင် သတ်မှတ်ခဲ့ပါကြောင်း၊ အဆိုပါ လမ်းနယ်နိမိတ်ပြင်ဆင်သတ်မှတ်မှုများ ကြောင့်ဖြစ်ပေါ်လာသော မြေယာကိစ္စများနှင့်စပ်လျဉ်းပြီး ယခင်သိမ်းယူခဲ့စဉ်က မြေယာလျာ်ကြေး ပေးချေခဲ့ခြင်းရှိ/မရှိကို ပြန်လည်စိစစ်လျက်ရှိပါကြောင်း၊ လျော်ကြေးပေးချေ၍ သိမ်းဆည်းခဲ့ခြင်းဖြစ်ပါက နိုင်ငံတော်သို့ပြန်လည်အပ်နှံနိုင်ရေးကို လုပ်ထုံးလုပ်နည်း များနှင့်အညီ ဆောင်ရွက်သွားမည်ဖြစ်ပြီး လျော်ကြေး ပေးချေခဲ့ခြင်းမရှိခဲ့ပါက မူလပိုင်ရှင်များထံသို့ ပြန်လည်ပေးအပ်နိုင်ရေးအတွက် ဧရာဝတီတိုင်း ဒေသကြီး အစိုးရအဖွဲ့နှင့် ဆက်သွယ်ဆောင်ရွက် သွားမည်ဖြစ်ပါကြောင်း ဖြေကြားခဲ့ပါသည်။