(က)-ကြို့ပင်ကောက် မြို့နယ်တွင် မြို့နယ်တရားရုံး၊ ဥပဒေရုံးနှင့်ဝန်ထမ်း အိမ်ရာများ ဆောက်လုပ် ပေးရန် အစီအစဉ်ရှိ/မရှိ စပ်လျဉ်းသည့်မေးခွန်း

ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့နယ်ရှိ မြို့နယ်တရားရုံး၊ ဥပဒေရုံးနှင့် ဝန်ထမ်းအိမ်ရာများမှာ အပိုင်မရှိသေးဘဲ မြို့နယ်အထွေထွေ အုပ်ချုပ်ရေးဦးစီးဌာနရုံး စုပေါင်းရုံးတွင် ငှားရမ်းဖွင့်လှစ်ထားပြီး တာဝန် ထမ်းဆောင်နေကြသော ဝန်ထမ်းများအနေဖြင့်လည်း ရပ်ကွက်ထဲရှိ နေအိမ်များ တွင် ငှားရမ်းနေထိုင်နေကြရပါကြောင်း သို့ဖြစ်ပါ၍ ကြို့ပင် ကောက်မြို့နယ် အတွင်းရှိ မြို့နယ်တရားရုံး၊ ဥပဒေရုံးနှင့် ဝန်ထမ်းအိမ်ရာ ဆောက်လုပ်ပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။

[ဦးသန့်ဇင်၊ ကြို့ပင်ကောက်မဲဆန္ဒနယ် ကိုယ်စား ဦးတင်ထွေး၊ အုတ်ဖိုမဲဆန္ဒနယ် မေးမြန်းပါ သည်။]