ငြိမ်းချမ်းစွာစီတန်းလှည့်လည်ခွင့် လျှောက်ထားရာတွင် ဥပဒေနှင့်နည်းဥပဒေများ အရ လိုအပ်ချက်များကို ပြည့်စုံစွာ တင်ပြလျက်အချိန်မီ လျောက်ထားစေကာမူ ခွင့်ပြုမိန့်မကျသဖြင့် ပြည်သူများအနေဖြင့် ဒီမိုကရေစီ အခွင့်အရေးများ များစွာ နစ်နာနေသည်ကို သိရှိနေရပါကြောင်း၊ ယင်းအခွင့်အရေးများ ရရှိနိုင်ရန်အတွက် ဖွဲ့စည်းပုံ အခြေခံဥပဒေပုဒ်မ ၃၅၃ အရ တည်ဆဲဥပဒေနှင့်အညီ မှတစ်ပါး အသက်ကိုဖြစ်စေ၊ ပုဂ္ဂိုလ်ဆိုင်ရာ လွတ်လပ်မှု ကိုဖြစ်စေ၊ နစ်နာဆုံးရှုံးမှု မရှိစေရ ပြဋ္ဌာန်းချက် များထားရှိမည်ဖြစ်ရာ ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေပုဒ်မ ၁၈ အရ တရားစွဲဆိုခံရခြင်း၊ ထောင်ဒဏ် /ငွေဒဏ် များ ချမှတ်ခံရခြင်း စသဖြင့် ဒီမိုကရေစီအခွင့်အရေး များကို တရား ဥပဒေစိုးမိုးရေး၊ ရပ်ရွာအေးချမ်းသာယာရေးကို ချိုးဖောက်ခြင်းမရှိဘဲ ခွင့်ပြုချက် ရယူမှုမရှိသဖြင့် ပြစ်ဒဏ်များကျခံနေရပါသဖြင့် ဖွဲ့စည်းပုံအခြေခံဥပဒေပုဒ်မ ၃၅၃၊ ၃၅၄ တို့အရ လိုအပ် သောအခွင့်အရေးများကို ဥပဒေနှင့်အညီ ပြည့်ဝစွာရရှိစေရန်အတွက် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာစီတန်းလှည့်လည်ခွင့်ဆိုင်ရာ ဥပဒေနှင့် နည်းဥပဒေများအရ လျောက် ထားသော လျောက်ထားချက်များမှာ ဥပဒေနှင့်ညီညွတ်ပါက အချိန်နှင့်တစ်ပြေးညီ ခွင့်ပြုမိန့် ချပေးနိုင်ခြင်း ရှိ/မရှိ နှင့် လျောက်ထားသည့်နေ့ရက်အတွင်း ခွင့်ပြုမိန့်မပေးနိုင်ပါက ဖွဲ့စည်းပုံအခြေခံ ဥပဒေပါ အခွင့်အရေးများ မနစ်နာစေရန်အတွက် မည်ကဲ့သို့ဆောင်ရွက်ပေးမည်နည်း တို့ကို သိလိုပါကြောင်း မေးမြန်း အပ်ပါသည်။