(င) - စစ်ကိုင်းမြို့၊ရွှေမင်းဝံရပ်ကွက် (၁၆) ခုတင် ဆံ့ဒေသန္တရဆေးရုံအားဆက်လက်ဖွင့်လှစ်ပေးရန် အစီအစဉ် ရှိ/မရှိ နှင့် စပ်လျဉ်းသည့် မေးခွန်း

စစ်ကိုင်းမြို့၊ ရွှေမင်းဝံရပ်ကွက်ရှိ ကိုယ်ထူကိုယ်ထ တည်ဆောက်ခဲ့သည့် ၁၆ ခုတင်ဆ ံ့ ဒေသန္တရ ဆေးရုံကို ၁၉၉၃ ခုနှစ်၊ နိုဝင်ဘာလတွင် ဖွင့်လှစ်နိုင်ခဲ့ပါကြောင်း၊ တောင်မြောက်အရှည် ၁၂၀ ပေ၊ အရှေ့အနောက်အရှည် ၂၈၀ ပေရှိသော ဆေးရုံဝန်းမြေဧရိယာ အတွင်း တည်ရှိပြီး ခုတင် ၁၆ လုံး၊ ဆေးရုံဆေးခန်း အဆောက်အဦတစ်လုံး၊ ဆရာဝန်နေရန် အဆောက်အဦတစ်လုံး၊ တာဝန်ကျသူနာပြု ဆရာ/မများနေရန် နှစ်ခန်းတွဲတိုက်နှစ်လုံး စုစုပေါင်းအဆောက်အဦ ငါးလုံးရှိ သည့် ဆေးရုံဖြစ် ပါကြောင်း၊ ရေမီး အပြည့်အစုံနှင့် ဆရာဝန်/မများဖြင့် ကုသပေးနိုင်ခဲ့သော်လည်း ၁၉၉၆ ခုနှစ်ကစပြီး ယနေ့အချိန် အထိ ငွေကြေးအခက်အခဲကြောင့် ဆက်လက်ဖွင့်လှစ် ကုသနိုင်ခြင်းမရှိတော့ပါကြောင်း၊ထို့ကြောင့် ပထမအကြိမ်ပြည်သူ့လွှတ်တော် ၁၂ ကြိမ်မြောက် ပုံမှန် အစည်း အဝေးတွင် ဆေးရုံ အကျိုးပြု ရပ်ကွက်များ၊ ကျေးရွာ များနှင့် ဆေးရုံ၏ မြေနေရာ အကျယ်အဝန်း ဆေးရုံအဆောက်အဦများပါ အရန်သင့်၊ အဆင်သင့်ရှိပြီဖြစ်သည့် ၁၆ ခုတင်ဆံ့ ဆေးရုံအား နိုင်ငံတော်စီမံချက်ဖြင့် ပြန်လည်ဖွင့်လှစ်ပေးရန် အစီအစဉ် ရှိ/မရှိ မေးမြန်းခဲ့ရာ သက်ဆိုင်ရာပြည်ထောင်စုအဆင့် ကျန်းမာရေးဝန်ကြီးဌာနမှ ၂၀၁၅-၂၁၆ ဘဏ္ဍာရေးနှစ်တွင် ဖွဲ့စည်းပုံခွင့်ပြုချက်ရရှိရေးအတွက် စီစဉ်ဆောင်ရွက်ပေးသွားမည်ဖြစ်ပါကြောင်းနှင့် ဒေသန္တရကျန်းမာရေးဌာနခွဲအဖြစ် ဖွင့်လှစ်ခွင့်‌ရမည်ဆိုပါကလည်း ဆရာဝန်တစ်ဦး၊ သူနာပြုသုံးဦး၊ သားဖွားဆရာမငါးဦး၊ ကြီးကြပ် (၂) ငါးဦးနှင့် အခြားဝန်ထမ်းခြောက်ဦးတို့နှင့် ကျန်းမာရေး စောင့်ရှောက် မှု ပေးသွားမည် ဖြစ်ပါကြောင်း ဖြေကြားခဲ့ပါသည်။ သို့သော်လည်း ပြီးပြတ်အောင်ဆက်လက် ဆောင်ရွက်သွားနိုင်ခြင်း မရှိသည့်အတွက် ကတိကဝတ်ပျက်ခဲ့ပါကြောင်း၊ သို့ဖြစ်ပါ၍ စစ်ကိုင်းမြို့၊ ရွှေမင်းဝံ ရပ်ကွက်ရှိ ဆေးရုံမြေဧရိယာ အကျယ်အဝန်းနှင့်‌တကွ အဆောက်အဦများ အဆင်သင့် ဆောက်လုပ်ပြီးသား ၁၆ ခုတင်ဆံ့ ဒေသန္တရဆေးရုံအား နိုင်ငံတော်အစီအစဉ်ဖြင့် ဆက်လက် ဖွင့်လှစ် ပေးရန်အစီအစဉ်ရှိ/မရှိ သိရှိလိုပါကြောင်းနှင့် မည်သည့်အချိန်တွင် မည်ကဲ့သို့ ဖွင့်လှစ်ပေးသွားမည်ကို သိရှိလိုပါကြောင်း မေးမြန်းပါသည်။