(ဇ)-ထန်တလန်မြို့နယ်ရှိနှာရိန်းကျေးရွာအားမြို့အဖြစ် တိုးမြှင့်ပေးရန်အစီစဉ်ရှိ/မရှိနှင့်စပ်လျဉ်းသည့်မေးခွန်း

ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံ ဥပဒေပုဒ်မ ၅၄ တွင် သက်ဆိုင်ရာတိုင်း ဒေသကြီး /ပြည်နယ် ကိုယ်ပိုင်အုပ်ချုပ်ခွင့်ရတိုင်း(သို့မဟုတ်) ကိုယ်ပိုင်အုပ်ချုပ်ခွင့်ရဒေသ အတွင်းမှာရှိသည့် ကျေးရွာ၊ ကျေးရွာအုပ်စု၊ ရပ်ကွက်/မြို့၊ မြို့နယ် (သို့မဟုတ်) ခရိုင်နယ်နိမိတ်များပြင်ဆင်ရန်၊ဖွဲ့စည်းရန် (သို့မဟုတ်) မြေပြောင်း လဲခြင်းဖြစ်ပေါ်လာပါက သက်ဆိုင်ရာတိုင်းဒေသကြီး (သို့မဟုတ်) ပြည်နယ်ဝန်ကြီးချုပ် က နိုင်ငံတော်သမ္မတ ထံထောက်ခံ တင်ပြပြီး နိုင်ငံတော်သမ္မတက လိုအပ်သလိုဆောင်ရွက်ပေးရမည်ဟု ပြဋ္ဌာန်းထား ပါကြောင်း၊လမ်းပန်း ဆက်သွယ်ရေးကောင်း မွန်၍ စီးပွားရေး၊ လူမှုရေးဆိုင်ရာကိစ္စရပ်များ ဖွံ့ဖြိုးတိုးတက်ပြီး ဖော်ပြပါမြို့အင်္ဂါရပ် ၂၁ ရပ်နှင့် ကိုက်ညီမှုရှိသည့် ကျေးရွာ(သို့မဟုတ်) ကျေးရွာများ (သို့မဟုတ်) ကျေးရွာအုပ်စု (သို့မဟုတ်)ကျေးရွာ အုပ်စုများကို မြို့ဖြင့်တိုးချဲ့ဖွဲ့စည်းခြင်း ကိစ္စရပ်များ နှင့်စပ်လျဉ်း၍ သက်ဆိုင်ရာ ပြည်နယ်/တိုင်းဒေသကြီးဝန်ကြီးချုပ်များမှ ဖွဲ့စည်းပုံ အခြေခံ ဥပဒေပုဒ်မ ၅၄ နှင့်အညီ စိစစ်ဆောင် ရွက် ပေးလျက်ရှိပါကြောင်း၊ (က) အိမ်ခြေအနည်းဆုံး ၁၀၀၀၊ လူဦးရေအနည်းဆုံး ၅၀၀၀၊ (ခ) ဈေးမြေဧရိယာ ၂.၁၆၆ ဧက၊ (ဂ) ဘောလုံးကွင်းမြေဧရိယာ ၂.၆၈၆ ဧက၊ (ဃ) ကလေးများ အတွက် ဥယျာဉ်/ကစားကွင်း မြေဧရိယာ ၂.၄၉၉ ဧက၊ (င) ၁၆ ခုတင်ဆံ့ဆေးရုံ၊ (စ) ဘာသာရေးဆိုင်ရာနေရာ၊ (ဆ) ကုန်ထုတ်လုပ်မှုဆိုင်ရာနေရာ၊ (ဇ) ကျေးရွာဘုံမြေ၊ ကျေးရွာထင်းစိုက်ခင်း၊ (ဈ) အုပ်ချုပ်ရေးမှူးရုံးနှင့် စာကြည်‌့တိုက်၊ (ည) အခြေခံမူလတန်း၊ အထက်တန်းကျောင်းများ၊ (ဋ) လျှပ်စစ်မီးရရှိမှုအခြေအနေ၊ (ဌ) ဆက်သွယ်ရေးအိပ်ချိန်းရုံး၊ (ဍ) လမ်းပန်း ဆက်သွယ်ရေးအ‌ခြေအနေ၊ (ဎ) သောက်သုံးရေးရရှိမှု၊ (ဏ) တိုးတက်လာမည့်လူဦးရေးအတွက်မြို့ဧရိယာတိုးချဲ့မည်‌့အစီအမံ၊ (တ) ကုန်စည်ဒိုင်၊ လက်ကားဒိုင်၊ အလုပ်အကိုင် ရရှိမှု အခွင့်အလမ်းအခြေအနေ၊ (ထ) ဘူတာရုံ၊ သင်္ဘောဆိပ်၊ ကားဂိတ်စသည်‌့ နေရာချထားမှုအခြေအနေ၊ (ဒ) တိရစ္ဆာန်များထိန်းကျောင်းမှုအခြေအနေ၊ (ဓ) အမှိုက် သရိုက်စွန့်ပြစ်ရန် နေရာ၊ (န) မိလ္လာစွန့်ရန်နှင့် မြောင်းတူသည်‌့မြေဧရိယာ၊ (ပ) သင်္ချိုင်းမြေနေရာများ ဟုဖော်ပြထားပါကြောင်း၊ ချင်းပြည်နယ်၊ ဟားခါးခရိုင်၊ ထန်ထလန်မြို့နယ်ကို ရပ်ကွက် ၃ ရပ်ကွက်၊ ကျေးရွာအုပ်စု ၃ ခု၊ ကျေးရွာ ၈၇ ရွာနှင့် ဖွဲ့စည်းထားရှိပြီး အိမ်ခြေ ၁၀၁၈၈ လုံး၊ အိမ်ထောင်စု ၉၉၆၇ စု၊ လူဦးရေ ၅၁၆၇၄ ဦး နေထိုင်လျက်ရှိပါကြောင်း၊ ထန်တလန်မြို့နယ်အတွင်းမှာရှိ နှာရိန်း (က) ကျေးရွာအုပ်စု ကို နှာရိန်း (က)ကျေးရွာနှင့် နှာရိန်း(ခ)ကျေးရွာတို့ဖြင့် ဖွဲ့စည်းထားပြီး အိမ်ခြေ ၃၈၀ လုံး၊ အိမ်ထောင်စု ၃၅၅ စု၊ လူဦးရေ ၁၉၈၁ ဦး တို့နေထိုင်လျက်ရှိပါကြောင်း၊ ဟားခါးမြို့နယ်၊ နှာရိန်းကျေးရွာ အုပ်စုကို မြို့အဖြစ်တိုးမြှင့် သတ်မှတ်ပေးရန်အတွက် မြို့အင်္ဂါရပ် (၂၁)ရပ်နှင့် ကိုက်ညီမှု ရှိ/မရှိကို သက်ဆိုင် သည့်ပြည်နယ် အစိုးရအဖွဲ့မှ စိစစ်သည့်အခါ အပိုဒ်ခွဲ (င)၊ (စ)၊ (ဈ)၊ (ည)၊ (ဌ)၊ (ဎ)၊ (ဏ)၊ (ထ)၊ (ဒ)၊ (ပ) စသည့် မြို့အင်္ဂါရပ် ၁၀ ချက်သာကိုက်ညီပြီး ကျန်သတ်မှတ်သည့် ၁၁ ချက်ကို စိစစ်ဆောင်ရွက်ဆြဲဖစ်ကြောင်း၊ ထို့အပြင် ၁၆.၉.၂၀၁၆ ရက်နေ့တွင် ကျင်းပပြုလုပ်သည့် ချင်းပြည်နယ်အစိုးရအဖွဲ့ အစည်းအဝေး တွင်လည်း တွေ့ရှိ ရသည့်အချက်များပေါ်မူတည်ပြီး ဆုံးဖြတ်ချက်ချရာ တွင် ခေတ္တဆိုင်းငံ့ထားရန် ဆုံးဖြတ်ထားသည့်အတွက် လက်ရှိအခြေအနေ တွင် နှာရိန်းကျေးရွာအား မြို့အဖြစ်ဖွဲ့စည်းရန် အစီအစဉ် မရှိသေး ပါကြောင်း ဖြေကြားပါသည်။