(က)-ပြည်ထောင်စုတရားလွှတ်တော်ချုပ်သည်တ ရားမ ဒုတိယအယူခံမှု/ပြင်ဆင်မှု/ရာဇဝတ် အယူ ခံမှု/ပြင်ဆင်မှုအမှုများကိုအထက်မြန်မာပြည်တွက် မန္တလေးမြို့၌ လည်းကောင်း၊အောက်မြန်မာပြည် တွက် ရန်ကုန်မြို့၌လည်းကောင်းစစ်ဆေးပေးရန် အစီစဉ်ရှိ၊ မရှိ နှင့် စပ်လျဉ်းသည့် မေးခွန်း

ပြည်ထောင်စုတရား စီရင်ရေးဥပဒေပုဒ်မ ၁၀ တွင် ပြည်ထောင်စုတရားလွှတ်တော်ချုပ်သည် နေပြည်တော်တွင် ရုံးထိုင်ရမည်ဟု ပြဋ္ဌာန်းထားပါကြောင်း၊ ပြည်ထောင်စု တရားလွှတ်တော်ချုပ် သည် နိုင်ငံတော်၏ အမြင့်ဆုံးတရားရုံးဖြစ်ပြီး နောက်ဆုံးအဆင့်ဖြစ်သည့် အယူခံမှု၊ ပြင်ဆင်မှုများကို ရုံးထိုင် ကြားနာခြင်းဖြစ်သည့်အတွက် အခြားဝန်ကြီးဌာနများ၊ ဗဟိုအဖွဲ့အစည်းများ ကဲ့ သို့ နေပြည်တော်တွင် ရုံးထိုင်ပြီး အမှုတွဲများကို စစ်ဆေး စီရင်ခြင်းဖြစ်ပါကြောင်း၊ တရားရုံးချုပ် လက်ထက်တွင် မန္တလေး၌ တရားရုံးချုပ်(ရုံးခွဲ)ကို ဖွင့်လှစ်ခဲ့ပါကြောင်း၊ ၎င်းအချိန်တွင် မိမိတို့ရုံးစိုက် ရာဒေသသည် ရန်ကုန်မြို့ ဖြစ်သည့်အတွက် ရန်ကုန်မြို့တွင်ရုံးထိုင်ခြင်းဖြစ်ပါကြောင်း၊ရန်ကုန်မြို့သည် အောက်မြန်မာပြည် အတွင်းရှိပြီး အထက်မြန်မာပြည်ဖြစ်သည့် မြစ်ကြီးနား ၊ကချင်ပြည်နယ် စ သည့်ဒေသများနှင့် ဝေးကွာသည့်အတွက် အမှုသည်များသွားရေးလာရေးလွယ်ကူစေရန် တရားရုံးချုပ် (မန္တလေး)နှင့် အောက်မြန် မာပြည်မှ အမှုသည်များအတွက် ရန်ကုန်မြို့တို့တွင် ရုံးထိုင်ပေး ခဲ့ခြင်းဖြစ်ပါကြောင်း၊ ယခုအခါတွင် မြန်မာနိုင်ငံ၏ ဗဟိုအချက်အချာဖြစ်သည့် နေပြည်တော်တွင် ရုံးထိုင်သည့်အတွက် အထက်ဒေသများဖြစ်သော ကချင်၊ ရှမ်း စ သည့် ဒေသ များနှင့် အောက်မြန် မာပြည်ဒေသများဖြစ်သည့် တနင်္သာရီတိုင်း စသည့်ဒေသသည် လည်းကောင်း၊အလယ်ဗဟိုဖြစ်သည့် နေပြည်တော်သို့ လွယ်ကူ ချောမွေ့စွာသွားလာနိုင်ပြီ အဆင်ပြေသည့်အတွက် နေပြည်တော် တွင် ရုံးထိုင်စစ်ဆေးခြင်းသည့် သင့်တော်သည်ကို တွေ့ရှိရသည်အတွက် လက်ရှိအခြေအနေတွင် တိုင်းဒေသကြီး လွှတ်တော်၊ ပြည်နယ်တရားလွှတ်တော်များ ရုံးထိုင်ရာဒေသများဖြစ်သည့် မန္တလေး၊ ရန်ကုန်တို့တွင် ရုံးထိုင် စစ်ဆေးရန် လက်တလော အစီအစဉ်မရှိသေးပါကြောင်း ဖြေကြားခဲ့ပါသည်။