(ဂ)-သရက်မြို့နယ်၊ ရေမျက်-ပုဏ္ဏားလမ်းပေါ်ရှိ တွင်းလည်ကျေးရွာနှင့် အုတ်ဖိုကျေးရွာတို့အကြား ရာသီမရွေး သွားလာနိုင်သည့် အရှည်ပေ (၂၉၀) ရှိသောပနီချောင်းကူးတံတားတည်ဆောက်ပေးရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

မကွေးတိုင်းဒေသကြီး၊ သရက်မြို့နယ်၊ ရေမျက်-ပုဏ္ဏားလမ်းရှိ တွင်းလည်ကျေးရွာနှင့် အုတ်ဖိုကျေးရွာကြားရှိ ပနီချောင်းသည် အကျယ် ၂၇၀ ပေ ရှိပြီးအရှည် ၂၉၀ ပေ ချောင်းကူးကွန်ကရစ်တံတားတည်ဆောက်ရန် လိုအပ်ပါကြောင်း၊ အဆိုပါ ချောင်းကူးကွန်ကရစ်တံတား တည်ဆောက်ပါက ငွေကျပ် ၄၃၅ သန်းခန့် ကုန်ကျမည်ဖြစ်ပြီး ကျေးရွာ ၃၂ ရွာ၊ အိမ်ခြေ ၄၆၁၆၊ လူဦးရေ ၁၈၇၂၀ ဦး တို့အား အကျိုးပြုမည်ဖြစ်ပါကြောင်း၊ မကွေးတိုင်းဒေသကြီး၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန၏ လမ်းတံတားများကို တည်ဆောက်ရန် ၂၀၁၆-၁၇ ဘဏ္ဍာရေးနှစ် ခွင့်ပြုရန်ပုံငွေကျပ်အားဖြင့် ၉၅၁၆.၂၀၅ သန်းဖြင့် လျာထားပြီး သရက်မြို့နယ် တစ်ခုလုံးအတွက် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂၀၁၆-၁၇ ဘဏ္ဍာရေးနှစ်တွင် လုပ်မည့် လမ်းတံတားများအတွက် ခွင်‌့ပြုရန်ပုံငွေကျပ် ၃၃၈ သန်းဖြင့် လျာထားပါကြောင်း၊ ပနီချောင်းကူး ကွန်ကရစ်တံတား တည်ဆောက်ရန် စုစုပေါင်း ၄၃၅ သန်း ကုန်ကျမည်ဖြစ်သည့်အတွက် မြို့နယ်တစ်မြို့လုံး ကုန်ကျမည့် စရိတ်ထက် များစွာကျော်လွန်နေသည့်အတွက် ရေမျက်-ပုဏ္ဏားလမ်းသည် ပနီချောင်းကူးတံတား တည်ဆောက်ခြင်းလုပ်ငန်းအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန၏ ၂၀၁၆-၁၇ ဘဏ္ဍာရေးနှစ်တွင် ပါဝင်ခဲ့ခြင်းမရှိခဲ့ပါ၍ လတ်တလော ဆောင်ရွက်ပေးနိုင်ခြင်း မရှိပါကြောင်းနှင့် နှစ်အလိုက်ဦးစား ပေးအတိုင်း တင်ပြပေးသွားမည်ဖြစ်ပါကြောင်း ရှင်းလင်းဖြေကြားပါသည်။