(ခ)-ယခင်သိပ္ပံနှင့်နည်းပညာဝန်ကြီးဌာနပညာရေး ဝန်ကြီးဌာနလက်အောက်ရှိဆရာ/မဝန်ထမ်းများ၏ ရာထူးတိုးမညီမျှမှုများ/ကြန့်ကြာနေမှုများ/ရာထူး တိုးနစ်နာမှုများရှိပါက မည်သို့ဆောင်ရွက်ပေးရန် အစီအစဉ် ရှိသည်ကို သိလိုခြင်းနှင့် စပ်လျဉ်း သည့်မေးခွန်း

ယခင် သိပ္ပံနှင့်နည်းပညာ ဝန်ကြီးဌာနအောက်ရှိ ဦးစီးဌာန၊ တက္ကသိုလ်၊ ကောလိပ်၊ သိပ္ပံ၊ ကျောင်းများ၊ သုတေသနဌာနများမှ ဝန်ထမ်းများအားလုံး၏ ရာထူးတိုးမြှင့်ပေးခြင်းအား ဝန်ကြီးဌာန၏ မူဝါဒနှင့်အညီ နှစ်စဉ်တစ်ပြေးညီ စီစဉ်ဆောင်ရွက်ပေးခဲ့ပါကြောင်း၊ ၂၀၁၅ ခုနှစ်အတွင်း သိပ္ပံနှင့်နည်းပညာဝန်ကြီးဌာနမှ ဝန်ထမ်းများ ရာထူးတိုးအတွက် ချမှတ်ထားသော မူဝါဒများနှင့်အညီ ဝန်ထမ်းစုစုပေါင်း ၂၀၁၇ ဦးအား ရာထူးတိုးမြှင့်ပေးခဲ့ပြီးဖြစ်ပါကြောင်း၊ သိပ္ပံနှင့်နည်းပညာ ဝန်ကြီးဌာနအနေဖြင့် ဝန်ထမ်းများ၏ ရာထူးတိုးပေးခြင်း ကိစ္စရပ်များအတွက် ဝန်ကြီးဌာနတွင် ကျင့်သုံးနေသော မူဝါဒများမှ လက်ရှိရာထူး လုပ်သက်သတ်မှတ်ချက်များအား နိုင်ငံ့ဝန်ထမ်း နည်းဥပဒေပါ သတ်မှတ်ချက်များနှင့်အညီ ဆောင်ရွက်နိုင်ရေးအတွက် စက်မှုနည်းပညာမြှင့်တင်ရေးနှင့် ပူးပေါင်းဆောင်ရွက်ရေး ဦးစီးဌာန၏ ၂၃-၇-၂၀၁၅ ရက်စွဲပါစာအမှတ်၊ စမပ/ဝထ-၂/၂၁၀/ ၂၀၁၅(၁၉၂) စာဖြင့် ကထိကရာထူးသို့ တိုးမြှင့်ပေးနိုင်ရန် လက်ရှိရာထူးလုပ်သက် သုံးနှစ်ရှိပြီးသူများအား စုစည်းဆောင်ရွက်ခဲ့ပါကြောင်း၊ ဝန်ကြီးဌာန၏ ဖွဲ့စည်းပုံအင်အား၊ ခွင့်ပြုဘဏ္ဍာငွေရရှိမှု အခြေအနေများအရ ၂၀၁၅ ခုနှစ်အတွင်း ရာထူးလုပ်သက် ငါးနှစ်နှင့် အထက်ရှိသူ ၅၄၃ ဦးအား တစ်ဆင့်မြှင့်ရာထူးဖြစ်သော ကထိကရာထူးသို့ တိုးမြှင်‌့ပေးခဲ့ပြီး ဖြစ်ပါကြောင်း၊ နိုင်ငံတော်အစိုးရသစ် လက်ထက်တွင် ပညာရေးဝန်ကြီးဌာနအဖြစ် သိပ္ပံနှင့်နည်းပညာ ဝန်ကြီးဌာနနှင့် ပညာရေးဝန်ကြီးဌာနတို့ကို ပူးပေါင်းပြင်ဆင်ပြီးဖွဲ့စည်းခဲ့ပါကြောင်း၊ ပြင်ဆင်ဖွဲ့စည်းခဲ့မှုနှင့် အတူ ဝန်ကြီးဌာနနှစ်ခု၏ မူဝါဒများတစ်ပြေးညီ ဖြစ်စေရေးအတွက် ကဏ္ဍအလိုက် ညှိနှိုင်း ဆောင်ရွက်လျက်ရှိပြီး ရာထူးပြောင်းရွှေ့ခြင်း၊ ရာထူးတိုးမြှင့်ခြင်းတို့ကို ညှိနှိုင်းရေးဆွဲပြီး ဆက်လက်စီစဉ်ဆောင်ရွက်လျက်ရှိပါကြောင်း ရှင်းလင်းဖြေကြားပါသည်။