(င)-ကျောက်ဖြူမြို့နယ်၊ ဒိုးမတောင်ချောင်းကိုဒိုး မတောင်ချောင်းပိတ်ကာရီအဖြစ်တည်ဆောက် ရန် အစီအစဉ်ရှိ/မရှိနှင့် တည်ဆောက်ပေးမည် ဆိုပါက မည်သည့်အချိန်တွင် တည်ဆောက်ပေး မည်နှင့် မတည်ဆောက်ပေးပါက မည်သည့် အကြောင်းကြောင့်ဖြစ်သည်ကို သိလိုခြင်းနှင့် စပ်လျဉ်းသည့်မေးခွန်း

ရခိုင်ပြည်နယ်၊ ကျောက်ဖြူမြို့နယ်သည် ပင်လယ်နှင့်ထိစပ်လျက်ရှိသည့် အတွက် ဒိုးမတောင် ချောင်းနှင့် တလင်းကြီးချောင်အပါအဝင် ဒေသအတွင်းရှိချောင်းများသည် ပင်လယ်ဒီရေ အတက် အကျရှိပြီး ရေငန်ဝင်ရောက်လျက်ရှိသော ချောင်းများဖြစ်ခြင်း၊  လယ်ယာမြေများသည် မြေနိမ့် ဒေသများွခင်းတို့ကြောင့် ဒိုးမတောင်ချောင်းနှင့် တလင်းကြီးချောင်းအား မြေသားဖြင့် ချောင်းပိတ် တာတမံ ဆောင်ရွက်ပါက နွေရာသီတွင် ထိခိုက်ပျက်စီးမှု မရှိနိုင်သော်လည်း မိုးရာသီတွင် ချောင်း အထက်ပိုင်းမှ စီးဝင်ရေများနှင့် ဒီရေအတက်အကျကြောင့် လှိုင်းပုတ်ခတ်ပြီး ပြန်လည်ကျိုး ပေါက် နိုင်သည့်အပြင် ထိန်းသိမ်းစောင့်ရှောက်ရန်လည်း ခက်ခဲပါသဖြင့် ချောင်းပိတ်တာ  တမံပြု လုပ်ခြင်းလုပ်ငန်းမှာ ဆောင်ရွက်ရန်မသင့်လျော်ပါကြောင်း၊ လုပ်ငန်းသဘော သဘာဝအရ အဆိုပါ ချောင်းများပေါ်တွင် အခိုင်အမာရေထိန်း တံခါးများ တည်ဆောက်ပြီး ရေငန်တား တာများ ပတ်၍ ကာကွယ်ပါက လယ်မြေများအတွင်းသို့ ပင်လယ်ရေငန်ဝင်ရောက်ခြင်းမှ ကာကွယ်နိုင်မည့် အပြင် ရေချိုများကို ထိန်းသိမ်းသိုလှောင်ထားနိုင်ပြီး နွေ/ဆောင်း သီးနှံများကိုလည်း စိုက်ပျိုးနိုင်မည် ဖြစ်ပါကြောင်း၊

ဒိုးမတောင်ချောင်းနှင့် တလင်းကြီးချောင်းပေါ်တွင် ရေတံခါးများတည်ဆောက်ခြင်းနှင့် ဆက်စပ်၍ ရေငန်တားတာများပတ်၍ တည်ဆောက်ရမည်ဖြစ်သဖြင့် လိုအပ်သည့် ဇလဗေဒ၊ ဘူမိဗေဒဆိုင်ရာ စူးစမ်းလေ့လာခြင်း၊ မြေပြင်တိုင်းတာခြင်းလုပ်ငန်းများ ဆောင်ရွက်ခြင်း၊ စူးစမ်း လေ့လာမှုများမှ ရရှိလာသော  အချက်အလက်များအရ ဖြစ်မြောက်နိုင်စွမ်း ရှိ/မရှိလေ့လာ ဆန်းစစ်ခြင်းနှင့် ပတ်ဝန်း ကျင်နှင့် လူမှုစီးပွားဘဝ ထိခိုက်နိုင်မှုရှိ/မရှိ EIA,SIA လေ့လာ ဆန်းစစ်ခြင်းများကို ဆောင်ရွက်ပြီး နောက် ဖြစ်မြောက်နိုင်စွမ်းရှိပြီး အမှန်တကယ်အကျိုးဖြစ်ထွန်းမှုရှိသော လုပ်ငန်းဖြစ်ပါက ဒီဇိုင်းဆွဲပြီး ခန့်မှန်းကုန်ကျစရိတ်ငွေကို တွက်ချက် တင်ပြသွားမည် ဖြစ်ပါကြောင်း၊ ဒိုးမတောင်ချောင်းနှင့် တလင်း ကြီး ချောင်းပေါ်မှာရှိသည့် ရေထိန်းတံခါးနှင့် ရေငန်တားတာ တည်ဆောက်ခြင်း အားဖြင့်ချောင်း အထက်ပိုင်းကျေးရွာခြောက်အုပ်စုမှ လုပ်ကိုင်လျက်ရှိ သည့် လယ်မြေ ၁၅၉၄ ဧကအပြင်  စိုက်ဧက ၂၅၉၇ ဧက၊ စုစုပေါင်း ၄၂၀၀ ဧကခန့်အား ရေငန် ဘေးအန္တရာယ်မှ ကာကွယ်ပေးနိုင် မည်ဖြစ်သည့်အတွက် စူးစမ်းလေ့လာ တိုင်းတာချက်မှုများပေါ် တွင် မူတည်ပြီး ၂၀၁၇-၁၈ ဘဏ္ဍာနှစ် ရခိုင်ပြည်နယ်အစိုးရအဖွဲ့ ရန်ပုံငွေတွင် လျာထားကာ ရန်ပုံ ငွေခွဲဝေရရှိမှုအပေါ်မူတည်၍ တည်ဆောက်ပေးနိုင်မည်ဖြစ်ပါကြောင်း ပြန်လည်‌ဖြေကြားပါသည်။