(ဃ)-မူဆယ်မြို့ ခုတင်၁၀၀ဆေးရုံ မြေနေရာအ တွက်မူလလျာထားသတ်မှတ်ပေးခဲ့သည့်မြေဧရိယာ အကျယ်အဝန်းအတိုင်းပြန်လည်ထားရှိပေးနိုင်ခြင်း ရှိ၊ မရှိ နှင့် စပ်လျဉ်းသည့်မေးခွန်း

ရှမ်းပြည်နယ်၊ မူဆယ်မြို့ ခုတင် ၁၀၀ ခရိုင်ဆေးရုံဖြစ်ပါကြောင်း၊  ၂၀၁၆ ခုနှစ် ဇွန်လအထိ စာရင်း ဇယားများ အရတော့ ဆေးရုံအတွင်းလူနာ ၇၉ ဦးခန့်ရှိပါကြောင်း၊ ၁၄၀ ဦးမရှိသေးပါကြောင်း၊ ပြင်ပလူနာ ၃၁ ဦးခန့်ရှိပါကြောင်း၊ သို့သော် ၎င်းဆေးရုံတွင် အထူးကုဆရာဝန် ခုနစ်ဦး၊ လက်ထောက်ဆရာဝန် ၁၄ ဦး၊ သူနာပြု ၅၈ ဦးဖြင့် ကျန်းမာရေးဝန်ဆောင်မှု များပေးနေသည့်အတွက် အခြားဆေးရုံများနှင့် ယှဉ်ကြည့်ပါက ကောင်းမွန်သည့် အခြေအနေ ဖြစ်ပါကြောင်း၊ မူဆယ်ဆေးရုံတွင် အတွင်းလူနာဦးရေသည် လွန်ခဲ့သည့် ငါးနှစ်အတွင်း တိုးလာခြင်း၊ ဆေးရုံ Performance အခြေအနေများတက်လာခြင်း သို့မဟုတ် တစ်နေ့ပျမ်းမျှအတွင်းလူနာဦးရေ ၁၀၀ ကျော်၊ ၁၅၀ ဦးရေဖြစ်နေခြင်း၊ ဆေးရုံခုတင်ခွင့်ပြုအသုံးချနှုန်းသည် ၁၀၀ ရာခိုင်နှုန်းကျော် ၁၅၀ ဖြစ်နေခြင်း၊ ပျမ်းမျှဆေးရုံတက်သည့်ရက်မှ ၁၀ ရက်ထက်မပိုခြင်း၊ ဆေးရုံမြေနေရာရှိမည်ဆို ပါက မိမိတို့အနေဖြင့် တိုးပေးမည်ဖြစ်ပါကြောင်း၊

မူဆယ်ဆေးရုံသည် မြေအကျယ်အဝန်း ၄.၉၆၆ ဧကရှိပြီး အခွန်လွတ်မြေဂရန်ရရှိ ထားပြီးဖြစ်ပါ ကြောင်း၊ မြေနေရာအသစ်တွင် ခုတင် ၁၀၀ ဆံ့ပြည်သူ့ဆေးရုံတည်ဆောက်ရန်အတွက် မြို့ပတ်လမ်း ရှိ မြို့နယ်အားကစားကွင်းအနီးရှိ ဧရိယာ ၁၃.၇၄၆ မြေဧကအား ၂၀၀၄ ခုနှစ် နိုင်ငံတော်ဝန်ကြီးချုပ် ခရီးစဉ်တွင်  ပေးခဲ့သော်လည်း မိမိတို့စာရင်းဇယားများကို ပြန်လေ့လာသည့်အခါ အခြားအသင်းအဖွဲ့ အစည်းများကို ပေးလိုက်သဖြင့် ငါးဧကသာ ကျန်ရှိပါကြောင်း၊ သို့သော် ရှမ်းပြည်နယ်အစိုးရမှ ၂၀၁၅ ခုနှစ်တွင်  ဆေးရုံမြေနေရာအတွက် ထပ်မံချထားပေးမည့်မြေဧရိယာ ၃.၈၅၉ ဧက ပေါင်းလိုက်ပါက ၈.၈၅၉ ဧကဖြစ်သွားပါကြောင်း၊ သို့သော်လည်း ၎င်း ၃.၈၅၉ ဧကကို စစ်မှုထမ်းဟောင်းအဖွဲ့ နေအိမ်ဆောက်လုပ်ရန်လည်းမြေနေရာ၊ ခရိုင်အေးချမ်း သာယာရေးနှင့်ဖွံ့ဖြိုးရေးကောင်စီကို ဝ.၈၂၆ ဧကပေးထားပါကြောင်း၊  လမ်းမြေဧရိယာမှ ဝ.၆၃၃ ဧကရှိသည့်အတွက်  ကျန်သည့်မြေဧက ၁.၀၈၀ ဧကကိုလည်း မောက်ခေါင်မောင်ကုမ္ပဏီမှ ရေသန့်စက်ရုံဆောက်လုပ်ရန် ပေးထားသည်ကို တွေ့ရှိရပါကြောင်း၊    ရှမ်းပြည်နယ်အစိုးရအဖွဲ့၏ ၄-၂-၂၀၁၅ ရက်စွဲပါစာအမှတ်၊ ၁၃၄၂/၅-၁၇၀/ အစရ(ရှမ်း)ဖြင်‌့ ပြည်ထောင်စုအစိုးရအဖွဲ့ရုံးသို့ တင်ပြချက်အရ ဆေးရုံချထားမြေနေရာ အနောက် မြောက်ဘက် ကပ်လျက်ရှိသည့် မြေကွက်များအား  ဆေးရုံလျာထားမြေနေရာအဖြစ် သတ်မှတ် ဧရိယာတွင် ပါဝင်သောမြေနေရာအား မြန်မာ့အလင်းသတင်းစာတွင် ပယ်ဖျက်မည် ဖြစ်ပါကြောင်း၊ တရားဝင်ကြော်ငြာ၍ ပယ်ဖျက်ခဲ့ရသည့်ပိုင်ရှင်များ အခြားသင့်တော်သောမြေနေရာများ ချထားပေးရန် ပြည်ထောင်စုအစိုးရသို့ ၂၀၁၅ ခုနှစ်တွင် တင်ထားပါကြောင်း၊ သို့သော် ယခုအချိန်ထိ ၎င်းစာသည် ပြန်ကျလာခြင်းမရှိသေးပါကြောင်း၊ ၂၀၁၆-၁၇ ဘဏ္ဍာရေးနှစ်တွင် ကုသရေးဦးစီးဌာနအနေဖြင်‌့ မူဆယ်ခရိုင်ပြည်သူ့ဆေးရုံ ခုတင် ၁၀၀ ကို လေးထပ်လူနာဆောင်ဆောက်လုပ်ရန်အတွက် ကျပ်သန်း ၈၀၀ ပါရှိပြီးဖြစ်သဖြင့် လက်ရှိမြေနေရာ ငါးဧကပေါ်တွင် ဆေးရုံအဆောက်အဦဆောက်လုပ်ရန် ဆောက်လုပ်ရေးဝန်ကြီးဌာနကို မိမိတို့ အပ်ထားပါကြောင်း၊ ဆောက်လုပ်ရေးလုပ်ငန်းများလည်း စနေပြီဖြစ်ပါကြောင်း၊ မူလရွေးချယ်ပေးခဲ့သည့်မြေနေရာများအနက် ပုဂ္ဂလိက အဖွဲ့အစည်းများသို့ ပေး ထားသောမြေနေ ရာကို ပြန်လည်ရရှိရန် ကျန်းမာရေးနှင့်အားကစားဝန်ကြီးဌာနမှ ဆောင်ရွက်ပေး၍ မရနိုင်ပါကြောင်း၊ ထပ်မံလျာထားပေးသောမြေဧရိယာ ၈.၈၅၉ ဧကအကျယ်အဝန်းရရှိရေးအတွက် ရှမ်းပြည်နယ်ဝန်ကြီးချုပ်မှ ပြည်ထောင်စုအစိုးရအဖွဲ့သို့ တင်ပြထားသည့်၎င်းစာအား စုံစမ်း စစ်ဆေးပြီး မြေနေရာရရှိမည်ဆိုပါက  ခုတင် ၁၀၀ မှ ၂၀၀ ဆောက်သင့်သည့်ကိစ္စကို စဉ်းစားမည်ဖြစ်ပါကြောင်း၊ ခုတင် ၂၀၀ ကိုတိုးမယ်ဆိုပါက မြေဧရိယာ ၁၅ / ၂၀ ဧကလောက်လိုပါကြောင်း၊ မိမိတို့ ၈ ဧက သာရ၍ ဆောက်မည်ဆိုပါက ဝန်ထမ်းအိမ်ရာများ မရရှိခြင်း၊ ၎င်းကိစ္စ များဖြစ်နိုင်သည့်အတွက် သေချာ ပြန်လည်ဆန်းစစ်ရမည် ဖြစ်ပါကြောင်းဖြေကြားခဲ့ပါသည်။