(က)-စစ်ကိုင်းတိုင်းဒေသကြီး၊မုံရွာ-သက္ကယ်ကျင်း -ဖောင်းပြင်-ဟုမ္မလင်း-ခန္တီး-ဗျူ ဟာ ကားလမ်းမ ကြီးဖောက် လုပ်နေမှုအစီအစဉ်နှင့်ရာသီမရွေး သွားနိုင်သော လမ်းမကြီးအဖြစ်မည်သည့်အချိန် တွင်ဖောက်လုပ် ပြီးစီးရန်အချိန် သတ်မှတ်မှုရှိ/ မရှိ နှင့် စပ်လျဉ်းသည့် မေးခွန်း

စစ်ကိုင်းတိုင်းဒေသကြီးအတွင်းရှိ မုံရွာ-သက္ကယ်ကျင်း-ဖောင်းပြင်-ဟုမ္မလင်း-ခန္တီး-ဗျူဟာကားလမ်းမကြီးတွင် မုံရွာ-ရေဦး လမ်းအပိုင်း မိုင် ၈၄ တစ်ဖာလုံမှ ၁၃၈ မိုင် တစ်ဖာလုံ အထိ  ၅၄ မိုင်၊ ရေဦး-ကလေးဝလမ်းပေါ်ရှိ (ရေဦး-သက္ကယ်ကျင်းအပိုင်း) မိုင်တိုင် ဝ/၀မှ ၈၀ မိုင် ၃ ဖာလုံအထိ မိုင် ၈၀ ၃ ဖာလုံနှင့် သက္ကယ်ကျင်း- ဖောင်းပြင်-ဟုမ္မလင်း-ခန္တီးလမ်း မိုင်တိုင် ဝ/၀ မှ ၃၃၀/၀ ထိ ၃၃၀ မိုင်ပါဝင်ပြီး စုစုပေါင်း မုံရွာမှ ခန္တီးအထိဆိုလျှင် မိုင်ပေါင်း ၄၆၄ မိုင် ၃ ဖာလုံရှည်လျားပါကြောင်း၊ မုံရွာ-ရေဦးလမ်းပိုင်းအနေဖြင့် ပြည်ထောင်စုအစိုးရအဖွဲ့မှ စီမံခန့်ခွဲသည့်လမ်းဖြစ်ပြီး မုံရွာမှ ဒီပဲယင်းနယ်စပ်ထိ ၄၇ မိုင်ကို ဆုထူးပန်ကုမ္ပဏီမှ B.O.T စနစ်ဖြင့်လည်းကောင်း၊ ဒီပဲယင်းနယ်စပ်မှ ရေဦးမြို့အထိ ၇ မိုင်ကို လမ်းဦးစီးဌာနမှလည်းကောင်း၊ တာဝန်ယူဆောင်ရွက်လျက်ရှိပြီး ကတ္တရာလမ်းအဆင့်ဖြစ်သည့်အတွက် ရာသီမရွေးသွားလာနိုင်သည့်လမ်း ဖြစ်ပါကြောင်း၊ ရေဦး-ကလေးဝလမ်း (ရေဦး-သက္ကယ်ကျင်းအပိုင်း) မှ ပြည်ထောင်စုအစိုးရအဖွဲ့မှ စီမံခန့်ခွဲသည့်လမ်းဖြစ်ပြီး ကတ္တရာလမ်း ၄၄ မိုင် ၅ ဖာလုံ၊ ကျောက်လမ်း ၃၄ မိုင် ၆ ဖာလုံ၊ အမာခံလမ်း ၁ မိုင် စုစုပေါင်း မိုင် ၈၀ နှင့် ၃ ဖာလုံဖြစ်ပါကြောင်း၊ ရေဦး- ကလေးဝလမ်း (ရေဦး-သက္ကယ်ကျင်းလမ်းအပိုင်း)ကို ၂၀၁၆-၁၇ ဘဏ္ဍာနှစ် ပြည်ထောင်စု ငွေလုံးငွေရင်း/တိုင်းဒေသကြီး ရန်ပုံငွေနှင့် ၃၄ ပေကျယ်သည့် မြေသားတာဘောင်ချဲ့ခြင်း၊ ဘောင်တင်ခြင်း ၁၀ မိုင်၊ ပေ ၄၀ အကျယ် မြေသားတာဘောင်ချဲ့တင်ခြင်း ၃ မိုင်၊ ၁၂ ပေအကျယ် ကတ္တရာလမ်းသစ်ခင်းခြင်း ၁၆ မိုင် ၃ ဖာလုံ၊ ၂၄ ပေအကျယ်လမ်းချဲ့၍ ကတ္တရာကွန်ကရစ်ခင်းခြင်း ၁ မိုင်နှင့် ၄ ပေအကျယ် ဘီးလမ်းနှစ်ဖက် ကွန်ကရစ်လမ်းခင်းခြင်း ၁၉ မိုင် ၄ ဖာလုံ၊ ၄၅ ပေအရှည် သံကူကွန်ကရစ်တံတား တည်ဆောက်ခြင်း ၂ စင်း၊ ၅ ပေအကျယ် Real fort Concrete  Box Culvert တည်ဆောက်ခြင်း ၁၇ စင်းစသည့် လုပ်ငန်းများကို ဆောင်ရွက်သွားမည်ဖြစ်ပါကြောင်း၊ သက္ကယ်ကျင်း-ဖောင်းပြင်-ဟုမ္မလင်း-ခန္တီးလမ်းကို တိုင်းဒေသကြီးအစိုးရအဖွဲ့မှ စီမံခန့်ခွဲသည့် လမ်းဖြစ်ပြီး ကွန်ကရစ်လမ်း ၄ မိုင် ၄ ဖာလုံ၊ ကတ္တရာလမ်း ၃ မိုင် ၆ ဖာလုံ၊ အမာခံလမ်း မိုင် ၂၆၀ နှင့် ၆ ဖာလုံ၊ မြေသားလမ်း ၆၁ မိုင် စုစုပေါင်း မိုင် ၃၃၀ ဖြစ်ပါကြောင်း၊ ၂၀၁၆-၁၇ ဘဏ္ဍာနှစ် တိုင်းဒေသကြီး ပြင်ဆင်ထိန်းသိမ်းခြင်း ရန်ပုံငွေနှင့် လျောစောက်နှိမ့်ချခြင်း ၃၄ ပေအကျယ် မြေတာဘောင်ချဲ့ခြင်းအတွက် ၃ မိုင်၊ ၁၆ ပေအကျယ် ကျောက်ရောမြေခင်းခြင်း ၅၃ မိုင် ၄ ဖာလုံ၊ ၁၂ ပေ အကျယ် ကွန်ကရစ်လမ်းခင်းခြင်း ၆ မိုင်နှင့် ၂ ဖာလုံ၊ အုတ်စီမြေထိန်းနံရံ တည်ဆောက်ခြင်း ၉၅၀ ပေ၊ သံကူကွန်ကရစ်တံတား တည်ဆောက်ခြင်း ၄၇ စင်း၊ ဘေလီတံတား တည်ဆောက်ခြင်း ၂ စင်း၊ ရေပြွန်တည်ဆောက်ခြင်း ၁၆ စင်းစသည့် လုပ်ငန်းများကို ဆောင်ရွက်သွားမည် ဖြစ်ပါကြောင်း၊

ရေဦး-ကလေးဝလမ်း(ရေဦး-သက္ကယ်ကျင်းအပိုင်း) မိုင် ၈၀ နှင့် ၃ ဖာလုံတွင် လုပ်ငန်းများ ဆောင်ရွက်ပြီးစီးပါက ၂၀၁၆-၁၇ ဘဏ္ဍာရေးနှစ်အကုန်တွင် ကွန်ကရစ်လမ်း ၁၉ မိုင်၊ ကတ္တရာလမ်း ၆၁ မိုင် ၃ ဖာလုံ ရောက်ရှိမည်ဖြစ်ပြီး ရာသီမရွေးသွားလာနိုင်မည် ဖြစ်ပါကြောင်း၊ သက္ကယ်ကျင်း-ဖောင်းပြင်-ဟုမ္မလင်း-ခန္တီးလမ်းတွင် လုပ်ငန်းများအားလုံးပြီးစီးပါက ၂၀၁၆-၁၇ ဘဏ္ဍာရေးနှစ်အကုန်တွင် သက္ကယ်ကျင်း-သာနန်းတောအပိုင်း ၄၅ မိုင်နှင့် ဖောင်းပြင်-ဟုမ္မလင်း လမ်းဆုံ-ယက်ဖအပိုင်း ၁၁၉ မိုင် အရှည်သည် ရာသီမရွေးသွားလာနိုင်မည်ဖြစ်ပါကြောင်း၊ ကျန်ရှိအပိုင်းများဖြစ်သည့် သာနန်းတော-ဖောင်းပြင်အပိုင်းနှင့် ယက်ဖ-ခန္တီးအပိုင်းတွင်ရှိသည့် တံတားများကို   ၂၀၁၇-၁၈ ဘဏ္ဍာရေးနှစ်တွင် အမြဲတမ်းတံတားများအဖြစ် ဆောင်ရွက်ပြီးစီးမည်ဖြစ်ပါကြောင်း၊ ၎င်း လမ်းပိုင်းများကို သုံးသပ်ကြည့်ရာတွင် ယာဉ်သွားလာမှု အစီးရေ ၁၂၀ ခန့်ရှိသည့် သက္ကယ်ကျင်း-ဖောင်းပြင်-ဟုမ္မလင်းအပိုင်းကို ပထမဦးစားပေးအစီစဉ်ဖြင့် ငါးနှစ်ကာလအတွင်း ကွန်ကရစ်လမ်း အဆင့်အထိ တိုးမြှင့်ဆောင်ရွက်သွားမည်ဖြစ်ပြီး ကျန်ရှိသည့်ဟုမ္မလင်း-ခန္တီးလမ်းအပိုင်းကိုလည်း ကျောက်ချောလမ်း အဆင့်အထိရောက်ရှိအောင် စီမံချက်များရေးဆွဲပြီး ရာသီမရွေးသွားလာနိုင်မည့် လမ်းများအဖြစ် ရန်ပုံငွေတင်ပြတောင်းခံပြီး ဆောင်ရွက်သွားမည်ဖြစ်ပါကြောင်း ရှင်းလင်းဖြေကြားပါသည်။