ပြည်သူ့လွှတ်တော်ဥက္ကဋ္ဌ သူရဦးရွှေမန်း ပြည်တွင်း၊ ပြည်ပ သတင်းဌာနများမှ သတင်းမီဒီယာသမားများအားလက်ခံတွေ့ဆုံ၍ မေးမြန်းချက်များအပေါ်ပြန် လည်ဖြေကြား

ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် ပြည် တွင်း၊ ပြည်ပ သတင်းဌာနများမှ အယ်ဒီတာနှင့် သတင်းထောက်များအား ယနေ့နံနက် (၉)နာရီတွင် နေပြည်တော်ရှိ လွှတ်တော် အဆောက်အအုံ ဇမ္ဗူသီရိဆောင်၌ လက်ခံတွေ့ဆုံ သည်။

၎င်းနောက် Ji Ji Press, NHK, Sankei Shimbun,Wall Street(US) (အခြေစိုက်)၊ Channel News Asia ၊  AFP ၊ DVB  ၊ RFA၊ မဇ္ဈိမ၊ ကုမုဒြာဂျာနယ်၊ ပြည်ထောင်စုနေ့စဉ် သတင်းစာ၊ MRTV-4 သတင်းဌာနတို့မှ အယ်ဒီတာနှင့် သတင်းထောက်များက သိရှိလိုသည့် အချက်များ ကို မေးမြန်းကြ ရာ ပြည်ထောင်စု လွှတ်တော်နာယက က ပြန်လည် ရှင်းလင်း ဖြေကြားသည်။

အဆိုပါတွေ့ဆုံပွဲသို့ ပြည်ထောင်စုလွှတ်တော် ဒုတိယနာယက၊ ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ ပြည်သူ့လွှတ်တော်နိုင်ငံတကာဆက်ဆံရေး ကော်မတီဥက္ကဋ္ဌ ဦးလှမြင့်ဦး၊ ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင် အဖွဲ့ဝင်များ၊ ပြည်ထောင်စု လွှတ်တော်ရုံးနှင့် ပြည်သူ့လွှတ်တော်ရုံး တို့မှ တာဝန်ရှိသူများ၊ ပြည်တွင်း၊ ပြည်ပ သတင်းဌာန ( ၁၈ ) ခုမှ အယ်ဒီတာနှင့် သတင်းထောက် ( ၃၇ ) ဦးတို့ တက်ရောက် ကြသည်။