အမျိုးသားလွှတ်တော် ဥပဒေကြမ်းကော်မတီဥက္ကဋ္ဌ ဦးခင်မောင်ရီသည် အမေရိကန် ပြည်ထောင်စု၊ ဝါရှင်တန်ဒီစီအခြေစိုက် အပြည်ပြည်ဆိုင်ရာဘာသာရေး လွတ်လပ်မှု ကော်မရှင်မှ ကော်မရှင်နာ Mr.Ericp.Schwartz ဦးဆောင်သောကိုယ်စားလှယ်အဖွဲ့အား ၂၀၁၄ခုနှစ် သြဂုတ် ၂၂ ရက် နံနက် (၉း၀၀) နာရီတွင် နေပြည်တော်ရှိ လွှတ်တော်အဆောက်အအုံ ရေးရာဆောင်(I-1) ၌ လက်ခံတွေ့ ဆုံသည်။
အဆိုပါတွေ့ဆုံပွဲသို့ ပြည်သူ့လွှတ်တော်စီမံကိန်းနှင့် ဘဏ္ဍာရေးဖွံ့ဖြိုးတိုးတက်ကော်မတီ အတွင်းရေးမှူး ဦးအေးမောက်၊ ဥပဒေရေးရာနှင့်အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် အဖွဲ့ဝင် ဒေါ်အေးအေးမူနှင့် လွှတ်တော်ရုံးမှ တာဝန်ရှိသူများ တက်ရောက်ကြသည်။
ယင်းကော်မရှင်က သိရှိလိုသောဘာသာရေး၊ လူမှုရေးကိစ္စများကို ပွင့်လင်းမြင်သာစွာ ဆွေးနွေးခဲ့ကြပါသည်။
Standard (Image)