ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း Smithsonian Air and Space Museum နှင့် Freer and Sackler Galleries များသို့ ကြည့်ရှုလေ့လာ

ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း သည် ပြည်သူ့လွှတ်တော် ကော်မတီဥက္ကဋ္ဌနှင့် အဖွဲ့ဝင်များဖြစ်ကြသော ဦလှမြင့်ဦး၊ ဒေါက်တာ ဝင်းမြင့်၊ ဦးဝင်းသန်း၊ ဦးသိန်းထွန်း၊ အမေရိကန်နိုင်ငံဆိုင်ရာ မြန်မာသံအမတ်ကြီး ဦးကျော်မျိုးထွဋ် တို့နှင့်အတူ ၂၀၁၅ ခုနှစ် မေလ ၂ ရက်နေ့ နံနက် ၁၀ နာရီအချိန်တွင် Smithsonian Air and Space Museum သို့ရောက်ရှိကြရာ Smithsonian Institution မှ Senior Advisor Mr. John A. Matel က ကြိုဆိုခဲ့သည်။

အဆိုပါ ပြတိုက်အတွင်း လေယာဉ်ပျံ စတင်တီထွင်ခဲ့ကြသော ရိုက်ညီနောင်နှင့် လေယာဉ်တီထွင် ပေါ်ပေါက်လာပုံများ၊ ပထမကမ္ဘာစစ်နှင့် ဒုတိယကမ္ဘာစစ်အတွင်းက အသုံးပြုခဲ့သော လေယာဉ်များ၊ လက်ရှိအသုံးပြုနေသော လေယာဉ်များနှင့် NASA က စတင်အသုံးပြုခဲ့သော ဒုံးပျံများကို ကြည့်ရှုလေ့လာခဲ့ကြသည်။

၎င်းမှတစ်ဆင့် ပြည်ထောင်စုလွှတ်တော် နာယက ဦးဆောင်သည့် မြန်မာလွှတ်တော် ချစ်ကြည်ရေး ကိုယ်စားလှယ်အဖွဲ့သည် ယဉ်ကျေးမှုပြခန်း Freer and Sackler သို့ရောက်ရှိကြရာ အာရှယဉ်ကျေးမှု ပြခန်းတာဝန်ခံ မစ္စ မာသာဘာရီဒိုးခန့် က ယဉ်ကျေးမှုပြတိုက်ဆိုင်ရာများကို လိုက်လံရှင်းလင်း ပြသခဲ့သည်။

၂၀၁၅ ခုနှစ် မေလ ၄ ရက်