ပြည်သူ့လွှတ်တော်၊ ကျန်းမာရေးမြှင့်တင်မှုကော်မတီ အတွင်းရေးမှူး ဒေါက်တာနေလင်း သည် ပက်-မြန်မာ(Pact in Myanmar)အဖွဲ့အစည်းမှ Mr.Richard Harrison အား ၂၀၁၅ ခုနှစ် မတ်လ ၁၁ ရက်နေ့ နံနက်(၉း၀၀)နာရီ အချိန်တွင် နေပြည်တော် လွှတ်တော်ဝင်းအတွင်းရှိ ရေးရာဆောင်အမှတ် (I-11) အစည်းအဝေးခန်းမ၌ လက်ခံ တွေ့ဆုံသည်။
ထိုသို့တွေ့ဆုံဆွေးနွေးရာတွင် ပက်-မြန်မာ အဖွဲ့၏ ပြည်သူများ၏ အခြေခံ လိုအပ်ချက်များ ဖြစ်သော ကျန်းမာရေး၊ သန့်ရှင်းသောသောက်သုံးရေ ရရှိရေးနှင့် ဒေသဆိုင်ရာ ဖွံ့ဖြိုးရေးလုပ်ငန်းများနှင့် ပတ် သက်ပြီး အကူအညီပေးရေးဆိုင်ရာများကို ရင်းနှီးပွင့်လင်းစွာ အမြင်ခြင်း ဖလှယ်ဆွေးနွေးခဲ့ကြသည်။
အဆိုပါတွေ့ဆုံပွဲသို့ ပြည်သူ့လွှတ်တော် ကျန်းမာရေးမြှင့်တင်မှုကော်မတီ အတွင်းရေးမှူး ဒေါက်တာ နေလင်းနှင့်အတူ အဖွဲ့ဝင်များ ဖြစ်ကြသော ဒေါက်တာစိုးသူရနှင့် ဦးမြသိန်းတို့ တက်ရောက်ကြပြီး ဧည့်သည်တော်နှင့်အတူ ပက်-မြန်မာအဖွဲ့အစည်းမှ ဒုတိယညွှန်ကြားရေးမှူး ဒေါက်တာ ဝင်းသိန်းလည်း တက်ရောက်ခဲ့သည်။
၂၀၁၅ ခုနှစ် မတ်လ ၁၂ ရက်